Ferizaj

Jahjaga inkurajon gratë për avancim në pozita vendimmarrëse

Published

8 years ago

18 October, 2018

Në kuadër të projektit për fuqizimin e rolit të gruas në Kosovë që po realizon “Fondacioni Jahjaga”, sot komunën e Ferizajt e vizitoi ish-presidentja e Republikës së Kosovës Atifete Jahjaga. Ajo tha se aktivitetin e parë për këtë projekt po e nisë në Ferizaj për të vazhduar më tutje nëpër komuna të tjera. Me këtë rast, Jahjaga u takua me asamblistet e Kuvendit Komunal të Ferizajt, zyrtare të administratës komunale, si dhe pjesëtare të shoqërisë civile. Ish-presidentja e vendit, tha se pozita e gruas në vendimmarrje vazhdon të jetë temë që duhet të diskutohet dhe të analizohet nga lidershipi i vendit, prandaj përmes këtyre takimeve synon që të njoftohet nga afër me problematikat dhe sfidat që kanë femrat e komunave për t’u ngritur në pozita më të larta shtetërore.

“Kosova ka bazën më të fuqishme ligjore sa i përket fuqizimit të rolit të gruas, duke filluar nga Kushtetuta e deri tek niveli i ligjeve, vendimeve dhe udhëzimeve të ndryshme qeveritare apo administrative. Nëse krahasohemi me vendet e rajonit ne ndoshta jemi më të avancuar në këtë aspekt, por kur jemi tek zbatimi i tyre unë shpesh kam dhënë kritika të mëdha publike që ngecim dhe kemi qëllime shumë të mëdha sa i përket zbatimit të tyre në praktikë. Nëse ndalemi dhe shohim zgjedhjet e fundit në nivel komunal e vërejmë se nëse deri më tani kemi pasur së paku një kryetare të komunës, tani nuk kemi asnjë të tillë në asnjë komunë të Kosovës. Kemi pasur avancim sa i përket asambleve komunale, ku gratë janë në pozita të kryesueses që është deri diku një progres, kemi pasur gra asambliste dhe deputete dhe nëse e vërejmë se sa është i gatshëm populli që të përkrah gruan dhe të adresoj votën tek ato, kjo i bie që në legjislaturat e fundit vërehet që populli është i gatshëm për ta përkrahur gruan, por kemi ende punë përbrenda vetë institucioneve qofshin ato qëndrore apo lokale”, tha Jahjaga.

Nikoqirja e këtij takimi, kryesuesja e Kuvendit Komunal të Ferizajt Kristina Gashi-Bytyqi, duke e falënderuar ish-presidenten Jahjaga, u zotua se gratë e këtij institucioni do të punojnë në vazhdimësi për ta ngritur vetëdijen e shoqërisë në këtë aspekt dhe rolin e gruas në procese të ndryshme vendimmarrëse.

“Ne do të jemi gjithmonë mirënjohëse që edhe gjatë mandatit tuaj si presidente, por edhe tani nga ”Fondacioni Jahjaga” po kontribuoni mjaftueshëm për avancimin e pozitës së gruas në shoqëri dhe në procese vendimmarrëse”, tha Gashi – Bytyqi.

Pjesa tjetër e takimit vazhdoi në formë të bashkëbisedimit me ç’rast gratë asambliste, por edhe pjesëmarrëset tjera kanë adresuar çështje të ndryshme. Ndër rekomadimet që u potencuan këtu ishin: lobimi më i madh nëpër parti politike për t’i dhënë vendin e duhur gruas, arsimim më i madh dhe këmbëngulje tek vet femrat, si dhe organizimi i sa më shumë aktiviteteve që sensibilizojnë opinionin për adresimin e votës tek gjinia femërore.

Ish-presidentja Jahjaha gjatë kohës sa qëndroi në Ferizaj u takua edhe me kryetarin Agim Aliu, i cili e njoftoi atë se në përbërjen e qeverisë së tij janë edhe tri drejtoresha, por që çuditërisht asnjëra nga to sot nuk u pa nëpër takimet që ish-presidentja e Kosovës zhvilloi në Ferizaj.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

4 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

6 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.