Ferizaj

LVV kërkon seancë të jashtëzakonshme për projektin ”Bashkimi i Qytetit”

Published

8 years ago

22 October, 2018

Lëvizja Vetëvendosje në Ferizaj, po kërkon seancë të jashtëzakonshme të Kuvendit Komunal lidhur me projektin “Bashkimi i Qytetit”. Këtë thirrje publike përmes një konference me gazetarë, Vetëvendosje e adresoi tek i pari i komunës Agim Aliu, ku me këtë rast anëtari i Kuvendit nga ky subjekt politik, Enver Haliti, shprehu edhe një varg kritikash për projektin, siç tha ai, megaloman “Bashkimi i Qytetit”. Haliti tha se për vet faktin që pushteti nuk mbajti tubime publike mjaftueshëm, ky investim duhet të ndërpritet dhe t’i bëhet një analizë më gjithëpërfshirëse.

“Gjatë miratimit të buxhetit për vitin 2019, ne si Lëvizje Vetëvendosje kemi reaguar dhe kemi dhënë disa sqarime duke kërkuar përgjegjësi nga kryetari i komunës dhe një reflektim nga ana e tij deri më tani nuk e kemi parë, prandaj ne sot përmes kësaj paraqitje publike kërkojmë edhe njëherë nga kryetari Agim Aliu që të reflektoj dhe ta ftoj një seancë të jashtëzakonshme, ku do të bëhet prezantimi detal i këtij projekti në mënyrë që të jepen informata në detaje për projektin në fjalë, sepse kemi frikën që qyteti i Ferizajt do të bllokohet edhe më shumë dhe nga emri bashkim i qytetit të del bllokim i qytetit”, tha Enver Haliti.

Në anën tjetër, drejtori i Infrastrukturës Arbër Bytyqi, tha se nuk do të këtë kurrfarë seance, sepse të gjitha procedurat dhe obligimet ligjore për këtë projekt qeveria Aliu i ka kryer me kohë.

“Ajo çfarë mund të themi është se punët për projektin “Bashkimi i Qytetit” janë duke shkuar sipas dinamikës së paraparë. Të gjitha procedurat janë respektuar dhe ne nuk e shohim të arsyeshme të thirret çfarëdo seance për këtë çështje. Thjesht ne e kemi respektuar konkursin publik, procedurat e tenderimt dhe tash jemi duke respektuar planin dinamik për realizimin e këtij projekti“, tha drejtori i Infrastrukturës Arbër Bytyqi.

Haliti akuzoi pushtetin lokal se ky është vetëm një projekt elektoral, i cili bie në kundërshtim me të gjitha dokumentet tjera strategjike për Ferizajn. Sipas tij, sinjali që hartuesi i projektit po jep për përmirësimin e tij pas ankesave të disa bizneseve, tregon më së miri për seriozitetin e këtij investimi.

“Gjëja tjetër që e shqetëson Lëvizjen Vetëvendosje është ndryshimi i këtij projekti ende pa filluar. Do të thotë, kemi parë që ka hasur në rezistencë të disa bizneseve ku pas diskutimit me ta arkitekti i hartimit të këtij projekti del para mediave dhe thotë se kam biseduar me ato biznese dhe kam vendosur që ta ndryshoj projektin dhe gjithçka është në rregull. Ky fakt na shqetëson se me këtë formë kaq të lehtë po mundohen t’ia shesin qytetarëve që një projekt aq i rëndësishëm për qytetin e Ferizajt mund të ndryshohet sa herë dëshirojnë”, tha Haliti.

“Absolutisht, ne kemi dëgjuar shqetësimet e qytetarëve dhe ligji i prokurimit e lejon ndryshimin e çdo projekti deri në masën 10 për qind dhe ne jemi në suaza të këtij 10 për qindëshit që e lejon ligji i prokurimit të Kosovës”, tha Bytyqi.

Në Lëvizjen Vetëvendosje u shprehën skeptikë se për bazën ligjore të projektit “Bashkimi i qytetit” mund të reagojnë organet qëndrore, pasi sipas kësaj partie, ky është premtim elektoral për të cilin bën reklamë edhe kryeministri dhe kryetari i Kuvendit të Kosovës.

Ferizaj

Siguria juaj fillon me zgjedhjen e duhur të sigurimit

Published

19 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

19 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.