Ferizaj

Akuzat e LDK-së për aksidentin me veturë zyrtare Berisha i quan të pabaza

Published

8 years ago

01 November, 2018

Në seancën e djeshme të Kuvendit, anëtari i LDK-së Burim Karameta, kishte kërkuar që në rend të ditës të futet si pikë e veçantë njoftimi për një aksident që kishte ndodhur me veturë zyrtare nga drejtori i Shëndetësisë në Ferizaj Besnik Berisha dhe ushtruesi i detyrës së drejtorit të Qendrës Kryesore të Mjekësisë Familjare, Asllan Bajrami.

“Propozimi im është raportimi i drejtorit të Shëndetësisë për veturën që e ka aksidentuar dhe e ka shkatërruar ditëve të fundit. Të jepet arsyeshmëria që kush ka qenë fajtor, para këtij organi kompetent të paraqitet raporti i Policisë, të na tregohet se kush ka qenë në veturë më të, sepse ne dyshojmë që kjo veturë ka shërbyer për aktivitet të anëtarëve të partisë, këto informacione i duam ne”, tha Burim Karameta.

Por, në mungesë votash një njoftim i tillë nuk u bë dje në Kuvend.

“Drejtori i Shëndetësisë besoj që ka ku të drejtohet dhe të arsyetohet nëse veç ka pasur një telashe të tillë, nuk është çështje që duhet të diskutohet këtu”, ka deklaruar kryesuesja e Kuvendit Kristina Gashi-Bytyqi.

Lidhur me këtë, drejtori i Shëndetësisë Besnik Berisha sot thirri konferencë për gazetarë, ku tha se kërkesa e djeshme ishte vetëm një përpjekje e LDK-së për ta manipuluar opinionin.

” Ata kanë tentuar që ta qesin në lajthitje opinionin publik dhe për atë arsye unë mund t’iu them se akuzat e ish-drejtorit të Shëndetësisë Burim Karameta sa i përket aksidentit zyrtar që është aksidentuar janë të pabaza. Unë sot ua konfirmoj se me atë automjet kemi qenë unë edhe drejtori i QKMF-së në një seminarë në Prishtinë dhe me datën 17 tetor na ka goditur një kamion në rrugën B në orën 15:00, do të thotë kemi qenë në orar të punës. Kështu që sot mund të them se vendimi i kryetarit Aliu për menaxhimin e pasurisë publike siç janë edhe automjetet është duke u zbatuar më së miri, prandaj mund të them lirshëm që nuk ka as drejtor e as zyrtar që i keqpërdor këto automjete jashtë orarit zyrtar. Dëmi është duke u vlerësuar, këto janë çështje teknike që kompanitë e sigurimeve merren me këtë çështje, kështu që ne në çdo moment mund të kemi aksidente dhe shpresojmë që ato të jenë vetëm në dëme të vogla. Vetura është duke u riparuar këtu i kam të gjitha raportet”, tha Berisha.

U bë e ditur se përveç dëmtimit të veturës, nga ky aksident shoferi dhe pasagjeri nuk kishin pasur lëndime serioze.

Ferizaj

Siguria juaj fillon me zgjedhjen e duhur të sigurimit

Published

21 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

21 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.