Ferizaj

Stabilizohet gjendja financiare e komunës së Ferizajt, thotë Ajeti

Published

8 years ago

20 November, 2018

Derisa në konferencën e saj të parë si drejtoreshë e Financave kishte dalë të flas për plotë borxhe e sfida që e presin pushtetin aktual, sot në një tjetër konferencë në prag të këtij fundviti, drejtoresha Sebahate Ajeti po vlerëson se punët e financave kanë dalë në terezi. Ajo tregoi për rritjen e inkasimit të të hyrave vetanake, për çka tha se kanë arritur të realizojnë mbi 80 për qind të planifikimit. Në këtë takim me gazetarë, drejtoresha Ajeti theksoi se kanë marrë edhe konfirmimin e ligjshmërisë nga Ministria e Administrimit të Pushtetit Lokal, për vendimin e Kuvendit lidhur me uljen e tatimit në pronë prej 10 për qind.

“Kjo dëshmon që qeverisja jonë është e përkushtuar për përkrahje të komunitetit të bizneseve, rrjedhimisht nxitjen e zhvilimit ekonomik lokal, duke lënë në paarsyeshmërinë e tyre të dëshmuar zërat e opozitës që ky vendim kinse është i kundërligjshëm“, tha Ajeti.

Menaxherja e kuletës së komunës, thotë se gjatë këtij viti kanë arritur të kryejnë të gjitha obligimet financiare pa ndonjë vonesë të theksuar.

“Pra gjatë gjithë kësaj kohe kemi qenë azhur sa i përket pagesave që kanë arritur në drejtorinë tonë. Këto që theksova më sipër janë pasqyrë e efikasitetit të administratës në Drejtorinë e Financave, qasjes tonë të shpejt në procedimin e lëndëve, ekonizimin e procedurave, si dhe shpenzimin e drejtë të parasë publike, ndërkaq nëse nisemi nga ajo se sa është stabilizuar gjendja financiare do të thoja se kjo ka ndodhur për vet faktin se ne jemi munduar që ta programojmë pagesën e borxheve për këtë vit, duke i shtyer obligimet e këtij viti për vitin që vjen e që janë të parashikuara me buxhet. Përndryshe, tash për tash nuk kemi shifër se sa do të jetë borxhi që trashëgohet për vitin e ardhshëm, pasi që deri në fundvit do të bëhen edhe kalkulimet e fundit, por gjithsesi që këto do të publikohen në një tjetër konferencë ku do t’iu ftoj”, tha drejtoresha e Financave.

Drejtoresha e Financave Sebahate Ajeti, tha se të gjitha ndërprerjet ose shtimet financiare të cilat hyjnë kategorinë e mallrave dhe shërbimeve, qeveria Aliu i ka bërë me mbështetje të plotë ligjore.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

8 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.