Ferizaj

Në Ferizaj nisin inspektimet për ndalimin e produkteve që nuk i referohen Kosovës si shtet

Published

8 years ago

22 November, 2018

Pas urdhëresës së lëshuar nga Ministria e Tregtisë dhe Industrisë, ku kërkohet nga të gjithë operatorët ekonomik që t’i largojnë produktet me mbishkrimin “Kosovo dhe Metohi”, ”Kosovo/UNMIK” dhe ”Kosova/Rezoluta 1244”, Inspektorati i Ferizajt ka nisur inspektimin, kryesisht të qendrave të mëdha tregtare në këtë komunë. Inspektori i tregut Besim Uruçi bashkë me ekipin e tij, sot vizituan qendrën “Interex”, ku tha se fillimisht po i paralajmërojnë bizneset për këtë vendim.

“Sipas urdhëresës që kemi marrë ne kemi kërkuar nga subjekti afarist, në këtë rast ”Interexi”, që t’i largoj produktet që kanë një deklaracion të tillë në një afat sa më të shkurtër. Pas kalimit të këtij afati ne do të bëjmë një kontrollë në detaje dhe nëse hasim në produkte të tilla do t’i konfiskojmë. Kështu do të veprojmë në të gjitha marketet e mëdha, natyrisht këto janë në prioritet, më pas do të vazhdohet edhe tek të tjerët operatorë”, tha ai.

Ndërkaq, përfaqësues të ”Interex”-it thanë se janë të njoftuar për këtë vendim dhe se po punojnë që produktet të cilat kanë mbishkrime të tilla t’i heqin nga sirtarët.

“Po edhe ne jemi të njoftuar me këtë urdhëresë, po ashtu edhe të paralajmëruar nga inspektorati për t’i hequr produktet që kanë mbishkrimin ”Kosova dhe Metohi”, ”Rezoluta 1244” dhe ”UNMIK”. Ne do ta zbatojmë këtë urdhër edhe pse për momentin nuk kemi asnjë produkt të tillë, por gjithsesi kuadri ynë po punon për t’i verifikuar të gjitha produktet që gjenden tek ne”, tha Edona Krasniqi nga”Interex”.

Përveç kësaj, Inspektorati i Ferizajt njoftoi se këto ditë është duke e zbatuar edhe një tjetër plan të veprimit për zbatimin e ligjit të konsumatorit, i cili obligon inspektorët që të ndalojnë dhe të sanksionojnë shitjen, shërbimin dhe dhurimin e duhanit dhe pijeve alkoolike personave nën moshën tetëmbëdhjetë vjeçare.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

8 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.