Ferizaj

170 mijë euro për mirëmbajtjen e rrugëve gjatë dimrit në Ferizaj

Published

8 years ago

23 November, 2018

Në një konferencë të thirrur për media, drejtori i Shërbimeve Publike Arben Halili, ka raportuar për punën gati një vjeçare të kësaj drejtorie. Ai tha se gjatë kësaj kohe më së shumti rëndësi i kanë kushtuar ruajtjes së ambientit. Sa i përket vitit të ardhshëm, Halili tha se kanë planifikuar vendosjen e hidrantëve në shesh dhe vendosjen e kabinave për autobusë nëpër qytet.

Halili, njoftoi se tashmë ka nisur edhe dekorimi i qytetit për festat e fundvitit, për çka janë ndarë rreth 10 mijë euro, ndërsa për mirëmbajtjen e rrugëve gjatë dimrit janë përzgjedhur 5 kompani dhe buxheti i planifikuar për këtë qëllim është 170 mijë euro.

“Në bashkëpunim me GIZ-in gjerman si komunë kemi përfituar 260 kontejnerë, ku janë shpërndarë nga ndërmarrja “Pastërtia” në të gjitha institucionet arsimore, qendrat e mjekësisë familjare dhe në disa zona të qytetit. Janë riparuar mbi 5000 metra të kanalizimit fekal dhe mbi 500 metra të kanalizimit atmosferik. Deri tani janë riparuar mbi 5000 metra katrorë rrugë me asfalt dhe 1000 metra gjatësi të trotuareve. Po ashtu, deri tani janë mbi 400 kilometra rrjet të ndriçimit dhe me qëllim të kursimit të parasë publike kemi vendosur rele kohore në shumicën e fshatrave me qëllim të kursimit të energjisë elektrike, gjithashtu kemi bërë mirëmbajtjen e rrugëve me shenja të komunikacionit duke vendosur shenja horizontale dhe vertikale”, tha Halili.

Në këtë konferencë, Halili u pyet edhe për gjendjen financiare të ndërmarrjeve publike në Ferizaj.

“Ne gjendjen e ndërmarrjeve publike e kemi gjetur keq, jemi munduar t’i funksionalizojmë, kemi ndërmarrë dy hapa konkret tek “Ambienti” kemi bërë një marrëveshje pa procedura tenderimi që na lejon ligji, u kemi kriju mundësi vlera e të cilit ka qenë 94 mijë euro dhe u kemi dhënë hapësira të parkingjeve. Ndërsa me “Pastërtinë” kemi bërë një marrëveshje për mirëmbajtje gjatë sezonit pranveror dhe eliminimin e deponive ilegale dhe kështu që ne i kemi ndihmuar ato, gjendja e tyre është e mirë, edhe tek “Bifurkacioni” jemi në përfundim të marrëveshjes për t’ua dhënë disa punë me qëllim që të funksionalizohet dhe të krijoj më shumë të ardhura”, tha Halili.

Drejtori Halili, tha se disa investime të vogla i kanë bërë edhe në Njësinë Zjarfikëse të Ferizajt, mirëpo jo në mjete të punës meqë përgjegjës për këtë është niveli qendror.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

8 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.