Ferizaj

Drejtoria e Kulturës në përgatitje të festivalit ”Kosovarja Këndon”

Published

5 years ago

24 November, 2018

Drejtoria e Kulturës, e Rinisë dhe e Sportit në Ferizaj, po bën përgatitjet e fundit për aktivitetet që do të shënohen gjatë këtij muaji në këtë qytet. Drejtoresha e kësaj drejtorie Xhemile Murati-Shabani, tregoi rreth agjendës së këtyre aktiviteteve.

“Më 26 në komunën e Ferizajt shënohet 50 vjetori i demonstratave të vitit 1968 si një ngjarje e cila bëri një kthesë mjaftë të rëndësishme në historinë e Kosovës, prandaj në këtë datë janë të parapara disa aktivitete si homazhe te Varrezat e Dëshmorëve, pastaj homazhe tek pllaka përkujtimore, si dhe akademia solemne ku do të ketë pjesën foljore dhe pjesën artistike. Ndërsa, si ngjarje tjetër mjaftë e rëndësishme që organizohet për nder të 28 nëntorit është festivali “Kosovarja Këndon” i cili do të mbahet më datën 27 nëntor, një festival i cili ka arritur të ruaj traditën, ndërsa në këtë vit ky festival i ka tejkalur përmasat që ka pasi përpos kandidateve nga Kosova do të ketë edhe nga trevat e tjera shqiptare”, tha Murati-Shabani.

E pyetur për dështimet e Klubit të Futbollit ”Ferizaj” në çdo ndeshje, ajo theksoi se komuna e ka mbështetur mjaftueshëm këtë klub.

“Sa i përket Drejtorisë së Kulturës, Rinisë dhe Sportit, Klubi i Futbollit të Ferizajt e ka pasur gjithmonë mbështetjen e drejtorisë aq sa ka këkruar, me transport pothujase i kemi përkrahur të gjitha klubet pa përjashtuar edhe Klubin e Futbollit të Ferizajt, poashtu klubi përkrahet edhe nga donatorët, unë po shpresoj se në të ardhmen do të kemi suksese edhe më të mëdha”, tha ajo.

Drejtoresha Murati-Shabani, e vlerësoi të suksesshëm këtë vit sa i përket aktiviteteve kulturore që janë mbajtur në Ferizaj.

Ferizaj

Qëndrim Januzi dënohet me 17 vjet burgim për vrasjen Gazmend Hysenit në Ferizaj

Published

1 day ago

30 April, 2024

Redaksia

Gjykata Themelore në Ferizaj ka dënuar me 17 vjet burgim të akuzuarin Qëndrim Januzi, për vrasjen e Gazmend Hysenit, më 28 maj 2022 në Ferizaj.

Për vrasje, Januzi u dënua me 16 vjet burgim, kurse për armëmbajtje pa leje me 1 vit e gjysmë burgim. Gjykata shpalli dënim unik me 17 vjet burgim.

Sipas aktakuzës, më 28 maj 2022, rreth orës 00:53, në Ferizaj, në rrugën “Rexhep Bislimi”, përkatësisht para hyrjes së marketit “Euro Market”, i pandehuri Qëndrim Januzi, me dashje dhe përgatitje paraprake kishte privuar nga jeta tani të ndjerin Gazmend Hyseni dhe me atë rast kishte vënë në rrezik edhe jetën e Maliq Latifit, i cili kishte qenë para hyrjes së marketit si dhe të personave tjerë brenda në market.

Të njëjtit i konfiskohet në mënyrë të përhershme arma e markës “SAUER model 38H”, me një karikator me kapacitet prej 8 fishekëve, me të cilën armë kishte kryer veprën penale.

Ferizaj

Brenda një jave në Ferizaj u shqiptuan 1370 gjoba trafiku

Published

2 days ago

29 April, 2024

Redaksia

Policia Rajonale e Ferizajt në periudhën njԯ javore nga 22 deri më 28 prill 2024, ka shqiptuar 1370 gjoba trafiku derisa ka hequr edhe 10 patentë shoferë për drejtuesit që kanë shkaktuar kundërvajtje më të rënda në komunikacion.

Në njoftimin për media bëhet e ditur se gjatë kësaj periudhe janë raportuar 29 aksidente, ku katër prej tyre ishin aksidente me lëndime, 18 persona të lënduar si dhe 15 aksidente me dëme materiale.

Ferizaj

Kërcënohet me jetë Kenan Gashi, drejtor ekzekutiv i “AVONET”

Published

4 days ago

27 April, 2024

Redaksia

Drejtori Ekzekutiv i rrjetit të OJQ-ve, “AVONET”, Kenan Gashi, ka njoftuar se është kërcënuar me jetë nga një palë e përfshirë në një rast që “AVONET” po e trajton në gjykatë.

Përmes një postimi në Facebook, Gashi bëri të ditur se rasti i kërcënimit dhe kanosjes ndaj tij nga ana e personit Faredin Grainca, ndodhi mbrëmjen e së premtes, në ambientet e spitalit rajonal të Ferizajt, por siç u shpreh Gashi, sulmi u parandalua falë zyrtarëve të Policisë që ishin të pranishëm në atë çast në vendngjarje.

Sipas Gashit, kërcënimet e sulmet e tilla janë shqetësuese për faktin se vijnë si rezultat i punës dhe aktivitetit publik të cilin e zhvillon në interes të përgjithshëm andaj edhe kërkon veprime të menjëhershme nga Policia e Kosovës dhe Prokuroria e Shtetit për inicimin e procedurës penale këtij personi.

Zëvendësdrejtori i policisë për rajonin e Ferizajt, major Qazim Reka, ka konfirmuar nisjen e hetimeve për këtë rast, për të cilin tha se është njoftuar edhe prokuroria dhe janë intervistuar të dyja palët.