Ferizaj

28 nëntorin e shënojnë edhe të vegjëlit e çerdhes ”Ardhmëria Jonë”

Published

8 years ago

27 November, 2018

Të gjithë të veshur kuq e zi. Këta janë më të vegjëlit e çerdhës publike “Ardhmëria Jonë”, të cilët sot pa ndonjë rregull të kopshtit u argëtuan të lirë secili në mënyrën e vet. Festën e Flamurit ata e shënuan duke kënduar e vallëzuar me këngë kushtuar kësaj date historike. Por, nuk ishin vetëm fëmijët ata që po kënaqeshin, të lumtura e të buzëqeshura dukeshin edhe edukatoret, të cilat po ashtu ishin veshur me ngjyrat e flamurit kombëtar.

“Atmosfera që po mbretëron këtu me siguri që çdo fjalë e imja është e tepërt, por gjithsesi që dua të tregoj që festat kombëtare gjithmonë mundohemi t’i organizojmë me aktivitete të ndryshme, në mënyrë që fëmijët tanë të rriten me ndjenjën e atdhedashurisë dhe të rriten të informuar për rëndësinë e këtyre datave historike, prandaj ata sot edhe janë veshur si ngjyrat e flamurit kombëtar dhe po kënaqen këtu së bashku“, tha edukatorja Nurjete Beqa.

“Sigurisht që edhe ne po ndihemi shumë mirë, besoni që ky aktivitet po na sjellë shumë emocione kur po i shohim fëmijët tanë duke u kënaqur në maksimum, përveçse po argëtohen ata të njëjtën kohë edhe po mësojnë nga ne për rëndësinë e Festës së Flamurit Kombëtar, prandaj edhe ky është qëllimi”, u shpreh Fitore Demelezi.

Për rëndësinë që kanë festat në mbamendjen e me të vegjëlve, foli edhe psikologia e kësaj çerdheje Flora Abdullahu. Ajo tha se sikurse prindërit ashtu edhe kopshtet e shkollat, fëmijëve duhet t’u japin gjithmonë informacione për datat e rëndësishme kombëtare, por edhe të tjerave që shënohen tek ne.

“Këto aktivitete për festa janë mjaftë të rëndësishme, ne edhe sivjet organizuam një program festiv dhe edukativ për fëmijët, sepse atdhedashuria trashëgohet dhe fëmijët janë gjeneratorë për një shoqëri të shëndosh, që do të thotë nëse ata rriten në një frymë të mirë, në një shërbim të mirë dhe në mirë edukim, ne si shoqëri përqendrojmë vëmendjen nga e ardhmja dhe atëherë pa dyshim që ne dhe qyteti i Ferizajt do ta ketë një të ardhme të sigurtë. Unë falënderoj edhe edukatoret, të gjithë stafin e kësaj çerdheje që asnjëherë nuk u mungon buzëqeshja dhe vullneti që të përkushtuara kujdesen për një edukim që çdo ditë lënë mesazh në jetën e fëmijëve për të përçuar dashuri për atdheun dhe ndaj çdo gjëje tjetër”, tha Flora Abdullahu.

U tha se çerdhja “Ardhmëria Jonë” për çdo vit Festën e Flamurit mundohet ta organizoj më ndryshe, prandaj këtë vit ajo që surprizoi fëmijët ishte një tortë gjigante të cilën e përgatiti vet stafi i këtij institucioni. E, derisa torta u shpalos me një ceremoni, fëmijët mezi pritnin që ta shijonin atë.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

13 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar