Ferizaj

Tenderi për rrugën e Tërrnit, peng i ankesave

Published

8 years ago

01 December, 2018

Projekti i asfaltimit të rrugës Babush-Tërrn-Luboc-Koshare-Slivovë të komunës së Ferizajt, ka më shumë se 2 vite që është duke u shtyrë, për shkak të ankesave herë të një operatori e herë të një tjetri. Së fundmi ndaj dhënies së tenderit për operatorin “Renelual Tahiri” nga Prizreni, janë ankuar kompania “Bageri” dhe “Sallahu”. Këto dy kompani, në seancën e Organit Shqyrtues të Prokurimit, paraqitën para panelit shqyrtues pretendimet e tyre ankimore lidhur me këtë tender.

“Ne si kompani na është dhënë njoftimi për eliminim ku Ministria e Infrastrukturës ka rekomanduar për kontraktor operatorin ekonomik ”Renual Tahri“ nga Prizreni, për tenderuesin e eliminuar thuhet se tenderi nuk ishte me çmimin më të ulët, mirëpo në rastin konkret Ministria e Infrastrukturës ka bërë shkelje pasi që ka shpallur fitues operatorin ekonomik nga Prizreni i cili në asnjë formë nuk i plotëson kriteret bazë sipas FDPS”, tha përfaqësuesi i kompanisë ”Sallahu”.

“Operatori ekonomik po e quan të eliminuar vetën nga kjo procedurë, por në realitet është shpallur i pasuksseshëm e jo i eliminuar për shkak se ka përmbajtur ofertë financiarisht më të lartë sesa operatori ekonomik fitues”, tha eksperti shqyrtues i prokurimit.

“Është prezantuar diploma e fakultetit të kryer në Zagreb në gjuhën kroate në vitin 1994 dhe kemi të bëjmë me një gjuhë e cila është shumë e përafërt me gjuhën serbe dhe meqenëse i takoj një gjenerate të ish-Jugosllavisë jeni në dijeni se kjo gjuhë ka qenë një dhe vetëm një gjuhë zyrtare në ish-Jugosllavi dhe është quajtur gjuhë serbo-kroate”, tha përfaqësuesi i kompanisë “Bageri”.

“Unë e kam potencu edhe në ekspertizë atë çka është potencu dhe vërtetu në vendimin e panelit shqyrtues se operatori ekonomik e ka të dorëzuar diplomën e inxhinierit në gjuhën kroate dhe ligji e parasheh shumë qartë që dokumentacioni duhet të jetë në gjuhën shqipe, serbe ose angleze dhe ky nuk e ka në njërën prej gjuhës që kërkohet”, tha eksperti shqyrtues i prokurimit.

Në këtë seancë ku u shqyrtuan ankesat e operatorëve, të pranishëm ishin edhe banorët e fshatit Tërrn, të cilët u shprehën të mllefosur që për shkak të tenderit, rruga e tyre ka mbetur e paasfaltuar tash e sa vite.

“Këta interesat personale i kanë, ndërsa interesat e popullit kush i dëgjon, janë në pyetje 5 mijë banorë, ju duhet me i shiku interesat e popullatës e jo të kompanive”, tha një banor i Tërrnit.

U tha se autoriteti kontraktues në afat prej 10 ditësh do ta informoj me shkrim panelin shqyrtues për të gjitha veprimet e ndërmarra lidhur me këtë aktivitet të prokurimit dhe palët tjera në procedurë.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.