Ferizaj

“Forgive me” nga Besim Ugzmajli fiton dy çmime ndërkombëtare

Published

8 years ago

04 December, 2018

Regjisori ferizajas Besim Ugzmajli, së fundmi fitoi edhe dy çmime ndërkombëtare me filmin e tij “Më fal”. Ugzmajli mori çmimin si regjisori më i mirë në festivalin “Festival Internacional de Cine de Cartagena”, në edicionin e 47-të në Spanjë dhe çmimin special në ”Bosnia Herzegovina Looks Around Festival”. Ky film i cili është realizuar këtë vit me vetëfinancim të producentëve Besim Ugzmajli dhe Agron Shala, sjellë tematikën e një djali të ri të quajtur Bujar i cili manipulohet nga një imam kosovar që t’u bashkohet grupeve terroriste në Siri. Ugzmajli u shpreh i lumtur që filmi i tij u vlerësua aq lartë në një konkurrencë kaq të madhe filmash.

“Sigurisht unë jam përpjekur që filmi të sjellë një mesazh të përgjithshëm, sepse filmi i mirë nuk është vetëm si storie e mirë, por është shumë e rëndësishme që filmi me pas një storie e cila komunikon me botën. Ka pas sukses dhe po mendoj që kemi arrit që filmi ynë të komunikoj me botën dhe të vlerësohet nga njohësit e kësaj fushe. Përndryshe, filmi tregon se si një djalë vendos me iu bashkëngjit luftës në Siri, mirëpo ky nuk është efekti kryesor i filimit, pasi që qëllimi kryesor është me i paraqit dramat që mbeten në familjet që dikush i bashkëngjitet luftës e sidomos një lufte të tillë që ka sjellë tmerrin jo vetëm këtu por gjithandej, pra kjo dramë e përcjell filmin përgjatë 15 minutash”, u shpreh Ugzmajli.

E, derisa arritjet dhe sukseset e komunitetit të artistëve të këtushëm po depërtojnë në Evropë e më larg, procesi i vizave për kosovarët sikur e ka zhgënjyer këtë komunitet edhe njëherë. Ugzmajli, ka vlerësim edhe për këtë nevojë elementare të artistëve. Ai thotë se mungesa e vizave ka të bëj me një fyerje të jashtëzakonshme të dinjitetit tonë.

“Përtej asaj që pamundëson lëvizjen e lirë në njëfarë forme është një ofendim apo klasifikim si një popull i veçantë dhe krahas saj unë kudo që kam marrë pjesë e kam përmendur këtë fakt meqenëse shumica e festivale që më kanë ftuar të jem pjesë e tyre më kanë ofruar gati gjithçka sikur udhëtimin, akomodimin dhe gjëra të tjera, pamundësia ka qenë gjithmonë tek problemi i vizave. Thjesht, para një pjesëmarrje në një festival ne e marrim vesh dy javë përpara e paramendoni me apliku sot për vizë në cilëndo ambasadë kalojnë pothuajse muaj të tërë për të të kthyer përgjigjie“, tha Ugzmajli.

Filmi i shkurtër “Forgive me” deri më tani është prezantuar në mbi 50 festivale të rëndësishme në botë, ku ka marrë 8 çmime. Me ose pa viza, ky regjisor i suksesshëm ferizajas nuk do të ndalet. Ai tashmë ka marrë konfirmimin që filmi i tij do të jetë pjesë e festivaleve prestigjioze edhe gjatë vitit 2019.

Ferizaj

Në Ferizaj raportohen katër bankënota të dyshuara nga 500 €

Published

9 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.