Ferizaj

Ankesa për rrugën “Elhami Hasani” në Ferizaj

Published

8 years ago

07 December, 2018

Rasim Çerkini banor i rrugës “Elhami Hasani” në Ferizaj, po ankohet se gjatë rregullimit të kanalizimit nga fqiu i tij, është dëmtuar rruga. Ai thotë se disa herë ka kërkuar ndihmë nga komuna, por asnjëherë nuk është marrë parasysh.

“Ne e kemi bërë instalimin e kanalizimit dhe ujësjellësit vet, por është zënë kanalizimi dhe është detyru vet një kojshi me hap pasi komuna s’ka ardhë me rregullu, ndërsa këtë rrugë unë e kam pas asflatu vet me forca të mia po tani është dëmtu, kur po bje shi po bëhet lloç dhe për dimër problem me kalu, kam qenë në komunë më kanë thënë e asfaltojmë sot e nesër, por ende vazhdon të mbetet kështu, të gjitha rrugët afër i kanë asfaltu, ndërsa rrugën tonë nuk po e asfaltojnë”, tha Çerkini.

Kurse, në Drejtorinë e Infrastrukturës në Ferizaj, thonë se kjo rrugë do të rregullohet në vitin e ardhshëm.

“Në përgjithësi në zonën urbane të qytetit ne kemi telashe të mëdha me infrastrukturën, por për ne vazhdon të jetë prioritet zona urbane pasi kemi asfaltuar një numër të madh të rrugicave në zonën urbane. Sa i përket rrugës “Elhami Hasani”, unë e kam pasur këtë qytetar në zyrën time dhe i kam treguar se në momentin e parë që na jepen hapësirat buxhetore ne do të merremi me problematikën e asaj rruge dhe në kuadër të projektit të rrugicave që do t’i shpallim gjatë vitit të ardhshëm figuron edhe rruga”Elhami Hasani” që do ta trajtojmë edhe atë rrugë në kuadër të këtij projketi”, tha Bytyqi.

Kjo rrugë e cila po kërkohet të asfaltohet është e gjatë rreth 100 metra.

Ferizaj

Në Ferizaj raportohen katër bankënota të dyshuara nga 500 €

Published

9 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.