Ferizaj

Asfaltohen disa rrugica në Komogllavë

Published

8 years ago

08 December, 2018

Asfaltimi i rrugicave në fshatin Komogllavë të Ferizajt, hyri në fazën finale. Banorët që kishin dalë t’i shohin punimet, u takuan edhe me kryetarin e komunës Agim Aliun, me ç’rast disa prej tyre iu ankuan atij për kualitetin e punimeve dhe moslargimin e shtyllave elektrike nga rruga.

“Keqpërdorime ka sa të duash në rrugë, po shihen shtyllat, që një vit jemi në shqyrtim dhe nuk vjen me i largu askush, asfalti po shihet, vetëm janë duke e nxi, nuk jemi të kënaqur aspak, kemi prit 20 vite parti pas partie duke na ardhë me premtime e realizime hiç, siç po shihet në lloç është duke u bërë asfaltimi”, tha Raif Osmani, banor i fshatit Komogllavë.

“Nevojë ka pas qysh kaherë, tani i erdhi fundi dhe jemi shumë të kënaqur, përpos një rrugë që e kemi problem, është një lumë i vogël aty por na është premtuar nga drejtori dhe kryetari se është rruga e parë për t’u asfaltuar vitin e ardhshëm, tani nuk na mungon asgjë dhe ishalla na shkojnë punët mirë”, tha Musli Ramadani, banor i fshatit Komogllavë.

Sa i përket shtyllave elektrike në rrugë, drejtori i Infrastrukturës Arbër Bytyqi, tha se kanë biseduar me zyrtarë të KEDS-it, por ata ende nuk kanë marrë ndonjë veprim andaj kërkesat për heqjen e tyre do të vazhdojnë. Sa i përket ankesave të banorëve për asfaltim jocilësor, Bytyqi paralajmëroi padi për kompaninë në rast se punët nuk kryhen si duhet.

“Ne kemi kontaktu me kompaninë, ka qenë mbikqyrësi i punimeve vazhdimisht, po ashtu janë bërë shqyrtimet dhe matjet e nevojshme të cilat kanë qenë të parapara në bazë të kontratës dhe sot po bëjmë asfaltimin e kësaj rruge, po ashtu edhe kontraktori e ka një garancion për këtë rrugë dhe në rast se do të kemi ndonjë telashe me këtë rrugë ne do ta padisim operatorin dhe do ta shfrytëzojmë të drejtën e garancionit që e kemi për këtë rrugë”, tha Bytyqi.

Ky investim i nisur në në Komogllavë, kap vlerën e rreth 400 mijë eurove.

Ferizaj

Në Ferizaj raportohen katër bankënota të dyshuara nga 500 €

Published

9 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.