Ferizaj

Përmes ushqimeve tradicionale promovohen kulturat e rajonit të Ferizajt

Published

8 years ago

12 December, 2018

Holli i shkollës së mesme të Agrobiznesit dhe Teknologjisë “Zenel Hajdini” në Ferizaj, sot ishte mbushur me ushqime të ndryshme tradicionale, të cilat ishin përgatitur nga nxënësit e kësaj shkolle.

Zëvendësdrejtoresha e kësaj shkolle Zebibe Imeri, tha se përmes këtij aktiviteti kanë për qëllim të aftësojnë nxënësit e drejtimit Teknologjia Ushqimore dhe në të njëjtën kohë promovimin e ushqimeve tradicionale.

“Ne e kemi kuzhinën në shkollën tonë dhe të gjitha ushqimet janë të përgatitura në shkollë, qëllimi ka qenë promovimi i kulturave të regjionit të Ferizajt me anë të ushqimeve tradicionale duke filluar nga gatimi i bukës, bukës së misrit, pogaçet, flija, ëmbëlsirat e shumë ushqime të tjera. Përveç realizimit të projektit nxënësit kanë bërë edhe praktikën duke i bërë këto ushqime tradicionale, po ashtu ne po mundohemi që nxënësit t’i përgatisim për tregun e punës”, tha Imeri.

Emel Qehaja- Elshani, nga organizata VRAE, organizatë kjo e cila ka mundësuar këtë aktivitet së bashku me GIZ-in gjerman, tha se shkëmbimi i kulturave mes nxënësve është një nga synimet e këtij aktiviteti.

“Ne punojmë me nxënësit e komunitetit rom, ashkali dhe egjiptas në program të monitorimit dhe që dy vite punojmë nëpër shkolla siç është edhe ky projekt në këtë shkollë që është synim i gjithpërfshirjes së nxënësve në mënyrë që të shkëmbehen kulturat në mes nxënësve”, tha Elshani.

Kurse, mësimdhënësit dhe nxënësit të cilët i kishin përgatitur këto ushqime, thanë se ato i kanë gatuar me shumë kënaqësi. Në mesin e nxënësve që pasion kanë kuzhinën dhe për t’u shkolluar në këtë profil kalojnë shumë kilometra, është edhe Alban Thaçi nga një fshat i Hanit të Elezit.

“Unë vijë nga një fshat i Hanit të Elezit, udhëtoj në këmbë 7 kilometra nga shtëpia deri në Han të Elezit më pas për të ardhur në Ferizaj pasi më pëlqen drejtimi kuzhinjer dhe gjithë këtë aktivitet sot që e kemi bërë më ka pëlqy shumë”, tha nxënësi Alban Thaçi.

“Kemi bërë ushqime të ndryshme dhe gjatë punës që e kemi bërë ka qenë kënaqësi për neve dhe është dashur që ne me bë maksimumin tonë që me bë këtë ekspozitë sa më të mirë”, tha nxënësi Shaban Tahiri.

“Sot kemi përgatitë rreth 40 produkte ushqimore dhe besoj se është një aktivitet që duhet të vlerësohet dhe çmohet”, tha Sahadete Lohaj, mësimdhënëse.

“Gjatë këtij aktiviteti interesimi i nxënësve ka qenë i jashtëzakonshëm, për çdo gjë kanë qenë të gatshëm me provu me përgatitë”, tha Valbona Ramadani, mësimdhënëse.

Në profilin Teknologjia Ushqimore, vijojnë mësimet rreth 150 nxënës.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar