Ferizaj

Varrezat e qytetit do t’i kushtojnë komunës 1 milion euro

Published

8 years ago

13 December, 2018

Drejtorët e Drejtorive Komunale të Ferizajt, së bashku me përfaqësues të Këshllit të Bashkësisë Islame në Ferizaj, kanë vizituar parcelën e destinuar për varreza në Fshatin e Vjetër, nga ku bënë me dije se gjatë këtyre ditëve do të fillojë edhe rregullimi i infrastrukturës.

Drejtori i Urbanizmit Lulzim Aliu, tha se janë duke u përkujdesur që varrezat e qytetit të kenë pamjen e një parku, pasi ato janë pasqyrë e një qyteti dhe një nder që u bëhet të vdekurve.

“Këto janë varreza të përbashkëta të qytetit të të gjitha komuniteteve, ka me qenë një organizim i jashtëzakonshëm, në formë të parkut, vetëm brenda parcelës janë diku 4 kilometra rrugë, ka me qenë rrethoja diku 2.6 kilometra, kanë me qenë diku mbi 3 mijë pisha të mbjellura, ka me qenë me trotuare, sistemi i ujit, i kanalizimit, i reshjeve atmosferike. Unë kujtoj se nderin që ua bëjmë të vdekurve është mirëmbajtja e varrezave”, tha Aliu.

Aliu, tha se rregullimi i varrezave brenda kësaj hapësire do të jetë i njëjtë, përfshirë edhe pllakat e varreve të cilat do të kenë dimensione të njëjta për të gjithë.

“Në mesin e planifikimeve ka me qenë një formë e xhamisë, e kishës dhe për komunitetet e tjera dhe çka është më e rëndësishmja ka me qenë morgu i përbashkët për krejt komunitetet, ndërsa do të jenë dy hyrje, por ka mundësi me qenë edhe tri, ndërsa varret kanë me qenë me rregull, nuk do të ketë përpjekje të njerëzve t’i bëjnë varrezat sipas mundësive të veta, por ka me qenë një formë unike për të gjithë”, tha Aliu.

Kurse, Lutfi Halili, sekretar në Këshillin e Bashkësisë Islame në Ferizaj, u shpreh i kënaqur që më në fund çështja e varrezave të qytetit po merr fund.

“Kemi dalë ta verifikojmë vendin e varrezave të reja, pasi çështja e varrezave ishte një brengë e madhe jo vetëm për komunën e Ferizajt, por edhe për Bashkësinë Islame pasi ne duhet të tregojmë respekt ndaj të vdekurve dhe po besoj që tani është bërë një zgjidhje shumë e mirë dhe po besoj se nga janari do të fillojmë varrimin e komunitetit mysliman”, tha ai.

Sa i përket akuzave të opozitës se komuna nuk ka planifikuar buxhet për varrezat e reja të qytetit, drejtori Aliu tha se do t’i shfrytëzojnë fondet e Ministrisë së Administrimit të Pushtetit Lokal, e cila e ka një buxhet rezervë për këtë.

U bë e ditur se projekti i varrezave të qytetit kushton rreth 1 milion euro.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar