Ferizaj

LDK kritikon Drejtorinë e Bujqësisë për keqmenaxhim

Published

8 years ago

18 December, 2018

Partia më e madhe opozitare në Ferizaj LDK, u lajmërua sërish. Në prag të festave të fundvitit ky subjekt politik po e kritikon pushtetin e Ferizajt për stagnim të punës së Drejtorisë së Bujqësisë në këtë komunë. Fadil Halili nga kjo parti, akuzoi Drejtorinë e Bujqësisë se gjatë këtij viti të qeverisjes projektin për shërimin e thundrave nuk e shfrytëzoi për qëllimin e paraparë, ndërsa projektin për vaksinimin e qenve nuk u realizoi në mënyrë të besueshme, ku sipas LDK-së, këtu pati edhe humbje rreth 7 mijë euro .

“Në vend të projektit për pajisje me mekanizëm bujqësor që ishte paraparë nga qeverisja e kaluar, u fut projekti i shërimit të thundrave i cili nuk ka pasur ndonjë efekt pozitiv, për arsye se është paraparë për fermerë që kanë pasur mbi 5 krerë lopë, të cilët edhe ashtu marrin subvencion nga 70 euro nga Ministria për krerë, ndërsa fermerët me nga katër krerë lopë janë diskriminuar dy herë, sikur nga Drejtoria e Bujqësisë po ashtu edhe nga Ministria”, u shpreh ai.

Tjetër akuzë që u drejtua në adresë të Drejtorisë së Bujqësisë nga LDK-ja, është edhe ndërpreja e kontratës me organizatën ”Mështjerra”, si dhe lidhja e disa marrëveshjeve me donatorë të cilët nuk u sqarun akoma për publikun se çfarë do të sjellin në interes të fermerëve.

“Disa nga marrëveshjet e reja, siç është ajo me IKC-në për fillimin e punës së tregut gjithë ditorë dhe ajo me USAID-in nuk janë konkretizuar dhe nuk kanë pasur ndonjë efekt përveçse kanë zënë vend në letër. Është për t’u habitur se si madje as projekti me USAID-in për mbjelljen e fidaneve të dredhëzës industriale me kushte shumë të favorshme për fermerët nuk është vazhduar përkundër kërkesave të mëdha të të interesuarve”, tha Halili.

Dega e LDK-së në Ferizaj, ka kritikuar po ashtu qeverinë Aliu se ka bërë përzierje të kompetencave të drejtorive, ku në mesin e tyre si shkelje të rëndë e konsideron pagesën e bërë nga Drejtoria e Bujqësisë prej 5 mijë 750 eurove në xhirollogarinë N.SH “Klarino” në emër të një subvencioni për kulturë.

Ferizaj

Në Ferizaj raportohen katër bankënota të dyshuara nga 500 €

Published

9 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.