Ferizaj

Hapet ”Emona Center” në Ferizaj, punësohen 70 punëtorë

Published

8 years ago

20 December, 2018

Qytetit të Ferizajt iu shtua edhe një qendër tregtare. Është kjo “Emona Center” e cila ofron produkte ushqimore, shtëpiake dhe tekstil. Kjo qendër u tha se qytetarëve të këtushëm do t’u ofroj shërbime cilësore, por edhe çmime më të lira. Përfaqësues të “Emona Center”, thanë se ky biznes për shkak të besnikërisë, ofertës dhe shërbimit ka marrë edhe çmime ndërkombëtare.

“Emona Center” së bashku me ekipin e saj në krye me Agron Mikullovcin, shfrytëzon gjithë potencialin e vet që të ketë klientë lojal dhe të kënaqur me shërbimet tona, këtë e dëshmojnë edhe dy çmimet ndërkombëtare që i kemi marrë për këtë fushë. Përndryshe, klientët, qytetarët e Ferizajt nga sot kanë mundësi të kenë qasje në një pikë moderne ku janë të ekspozuar mbi 30 mijë artikuj të ndryshëm ushqimor , shtëpiak, tekstil, të renditura në një hapësirë me mbi 7 mijë metra katrorë. Po ashtu, kemi edhe një parking modern ku me traka lëvizëse si në aeroportet moderne, pa e lagur shiu konsumatorin mund të vjen dhe t’i marrë shërbimet tona”, tha Flamur Mripa.

Menaxheri Mripa, tha se përveç çmimeve të favorshme, ”Emona Center” do të kujdeset që çdo javë të ketë promocione në produkte të caktuara.

“Në Kosovë ka një konkurrencë jashtëzakonisht të madhe në këtë sektor të marketeve, me atë që ne dallohemi nga vështrimet ndërkombëtare që kemi marrë vlerësimet tashmë ku në mesin e tyre siç thash është lojaliteti, pra këtu çmimi që ekspozohet i favorshëm nuk është i rrejshëm, por shumë i drejtë. Në vazhdimësi do të ketë promocione, por do të kemi edhe një lojë shpërblyese ku klientët tanë fitojnë aktualisht nga 20 euro blerje gratis të produkteve që janë pjesë e lojës”, u shpreh Mripa.

“Emona Center” e cila ndodhet në ndërtesën prapa Stacionit të Policisë, hapi pikën e dhjetë në Ferizaj ku ka punësuar 70 punëtorë, kryesisht nga kjo komunë.

Ferizaj

Në Ferizaj raportohen katër bankënota të dyshuara nga 500 €

Published

10 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

10 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.