Ferizaj

Mbahet mbledhja e KPF-së

Published

8 years ago

20 December, 2018

Në prag të festave të fundvitit, ekzekutivi i Ferizajt ishtë kujdesur që anëtarët e legjislativit mos t’i rëndoj me pika të shumta të rendit të ditës në mbledhjen e ardhshme të Kuvendit, prandaj edhe sot në mbledhjen e Komitetit për Politikë e Financa u shqyrtua shumë shpejt materiali i cili parashihet të dalë në seancën e 27 dhjetorit. Në mesin e propozim-vendimeve ishin miratimi i Startegjisë Komunale për Personat me Aftësi të Kufizuara, vendimi për Rregulloren për Taksa, Tarifa, Ngarkesa dhe Gjoba Komunale, propozimi për vënie në diskutim publik të draft planit të veprimit të Zyrës për Informim të Komunës, si dhe destinimi e këmbimi i disa ngastarve kadastrale. Pika që u arsyetua pak më gjatë ishte ajo për mbrojtjen e vlerës së natyrës ”Bifurkacioni i lumit Nerodime në Ferizaj si monument i natyrës”. Drejtori i Urbanzimit Lulzim Aliu, tha se për shkak të disa ndryshimeve në ligj për trajtimin e këtij fenomeni, komuna ka marrë një propozim nga Ministria e Mjedisit.

“Qëllimi kryesor është më siguru rrjedhën e lumit, ndarjen tek Bifurkacioni që mos me qenë i pengueshëm, do të thotë mos me u rreziku fenomeni si fenomen, jo gjatë sikur ka qenë e paraparë edhe lumi që kalon nëpër qytet, pasi që ashtu kështu është e pamundur, sepse pjesa që është këndej nga qyteti është kanalizim pothuajse. Pra ne do të obligohemi përmbi restorantin ”Ujëvara” me siguru atë rrjedhën e ujit si dhe të intervenojmë në disa pjesë të tjera. Po ashtu, Ministria na ka thënë se objektet që janë përrreth këtij fenomeni nuk do të prishen, por që ne do të obligohemi që ato objekte që janë afër me metra të legalizohen, për shkak të telasheve që mund të na dalin më vonë. Pra, për mbrojtjen e këtij fenomeni ne nuk do të kemi probleme, pasi që shumica e pronave janë shtetërore”, tha Aliu.

Lidhur me këtë pikë të rendit të ditës, anëtarët e Komitetit ia përkujtuan ekzekutivit se në vitin 2015 Kuvendi i këtushëm e pati miratuar një vendim për mbrojtjen e këtij fenomeni dhe kërkuan të dinë se si të veprojnë gjatë seancës në mënyrë ligjore, të marrin vendim të ri, apo ta rishqyrtojnë si vendim të mëparshëm.

Ferizaj

Gjatë qershorit në Ferizaj janë konfiskuar 74 motoçikleta

Published

3 days ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

5 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

6 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.