Ferizaj

Pakënaqësi për vendosjen e posterit mbi simbolin e kamarierit

Published

7 years ago

24 December, 2018

Murali i vendosur në ballinën e hotel ”Lybetenit” që paraqet figurën e kamarierit, me të cilin identifikohet qyteti i Ferizajt, është mbuluar nga një poster në të cilin paralajmërohet mbajtja e një koncerti nga disa këngëtarë ferizajas në klubet e natës së këtij qyteti. Ky veprim ka ngjallur pakënaqësi ndër ferizajas të cilët konsiderojnë se institucionet komunale janë ato që duhet të reagojnë për mbrojtjen e vlerave kulturore e artistike të qytetit. Artistja Lebibe Topalli, që është edhe drejtoreshë e Festivalit Ndërkombëtare të Muraleve, tha se vendosja e këtij posteri mbi muralin e parë të Ferizajt është shumë e pahijshme, sidomos në këtë kohë festash.

“Kamarieri si mural i parë i viteve 67 është bërë simbol i qytetit tonë dhe nuk më është dukur e hijshme kur e kam parë në mëngjes, sepse në prag të festave kur e tërë panorama është tek kjo pjesë mendoj se çdo fotografi, video apo prezantim i qytetit tonë do të dukej sikur është një qytet tjetër, nuk jam kundër këngëtarëve sepse janë këngëtarë që kanë bërë emër, por nuk është vendi adekuat për vendosjen e këtij posteri”, tha Lebibe Topalli.

Ndërsa, në Drejtorinë e Urbanizmit thonë se nuk kanë lëshuar leje për këtë, meqë nuk posedojnë ndonjë rregullore të veçantë e cila do të vendoste rreth kësaj.

“Figura e kamarierit nuk është simbol zyrtar i Ferizajt, hoteli nuk është monument apo objekt i mbrojtur dhe fotografia e kamarierit nuk është simbol që ne duhet me mbrojt, në qoftë se pronarët e hoteleve sot kishin ardhë me kërku leje për rrënim të hotelit Drejtoria e Urbanzimit është e detyruar me dhanë leje sepse nuk është monument i mbrojtur. A është mirë apo keq mua nuk më ka pengu vendosja e asaj reklame, ndërsa a i kemi dhënë leje apo jo, faktikisht pronari i objektit ka kërkuar leje prej nesh, por pasi që ne nuk e kemi këtë lloj të reklamave të vendosur në fasada në muri nuk e kemi të tatimueshme, nuk është në rregulloren e taksave për me ia caktu tarifën sa duhet me pagu, ne nuk i kemi dhënë leje”, tha Aliu.

Aliu, i cili është familjar i dy prej këngëtarëve që paraqiten në këtë poster, Mozzik dhe Getinjo, konsideron se po bëhet zhurmë e panevojshme për këtë.

“A ka të drejtë me u vendos një reklamë në mure apo të shkruhet diçka rregullorja e inspektorëve thotë që duhet me leje të Urbanizmit, por e ndaluar nuk është, sepse unë kam dhënë leje edhe për murale, artistët e Ferizajt kanë bërë vizatime në mure dhe unë u kam dhënë leje, por ata nuk kanë leje të përjetshme, një mural nuk e sanksionon objektin a ka të drejtë me u ndryshu apo jo, unë mendoj se është duke u bërë një zhurmë e panevojshme, unë mundem me leju deri në fund të vitit pasi nuk është duke iu ndryshu fasada e hotelit, por ne duhet të marrim vendim ose duhet me i leju ose jo, por duhet t’i trajtojmë njëjtë, si një reklamë si një mural është njëjtë, ne nuk duhet të lejojmë reklamim të gjithçkaje, por për reklamim të artistëve nuk besoj se komuna duhet të bëj kësi sanksione”, tha Aliu.

Kurse, pronari i hotel “Lybeteni” Fahri Bega, thotë se në pronën e tij ka të drejtë të vendos çka të dëshiron.

“Kemi vendosur këtë poster, është poster i përkohshëm, nëse janë ankuar artistë të Ferizajt edhe ky është vet artistë dhe nuk ka asgjë të keqe, është një poster i vendosur përkohësisht, nuk është bërë mural apo ndonjë ndryshim, dhe le ta di çdo artist që kur e kemi blerë nuk kemi pasur kushtëzime dhe është pronë private dhe le të dihet që nesër dua të bëj një ndryshim mund të vendos edhe fotografinë e prindit tim, ne kemi bërë kërkesë në drejtori, por nuk kemi marrë detaje pasi nuk u ditke çmimorja dhe ata mbetën me definu sa me bë pagesë, kështu që ka shumë elemente të tjera që me i vërejt dhe me i ba të mëdhaja, por ato po i eliminojnë ndërsa një gjë të vogël po e rrisin”, tha Bega.

Megjithatë, kjo nuk është hera e parë që simboli i kamarierit në Ferizaj, mbulohet me reklama të ndryshme.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

4 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

5 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.