Ferizaj

Ultimatum bizneseve për flamujt e origjinës së mallit

Published

8 years ago

19 January, 2019

Vendimi i Ministisë së Tregtisë dhe Industrisë për vendosjen e flamujve në raftet e marketeve  kosovare, përmes së cilave tregohet se prej nga produkti e ka origjinën, ka filluar të zbatohet edhe në Komunën e Ferizajt.
Besim Uruçi, inspektor komunal në Ferizaj, thotë se ata janë duke i kontrolluar marketet dhe në disa produkte janë vendosur flamujt, por ende jo në të gjitha, pasi numri i produkteve në rafte është shumë i madh. Sipas tij, pas disa ditësh të gjitha produktet do ti kenë të vendosura flamujt e origjinës.
“Me udhëzimin administrativ 20.2018, është vendosur që mënyra se si duhet të vendosen flamujt, ne kemi dalur në teren i kemi inspektuar subjektet ekonomike dhe u kemi dhënë urdhër që në afat sa më të shpejtë të vendosen këta flamuj. Ka filluar ky proces mirëpo bëhet fjalë për një numër të madh të produkteve dhe ka nevojë për një kohë më të gjatë për vendosjen e tyre. Ne u kemi dhënë kohë subjekteve afariste me e pa se si po veprojnë ata, dhe ata kanë filluar këtë proces, disa edhe i kanë përfunduar por ne jemi në përcjellje të tyre”, tha Uruçi.
Uruçi thotë se nuk përjashtohet asnjë produkt që mos të ketë flamur, përfshirë edhe tekstilin.
“Udhëzimi administrativ e ka paraparë se si duhet të vendoset flamuri. Flamuri duhet të vendoset në anën e majtë të cmimit, në madhësi 2 centimetra me 4 centimetra, madhësia mund të jetë edhe më e madhe por jo më e  vogël, ajo duhet të jetë e qartë për konsumatorin me pa se çfarë produkti është dhe prej cilit shtet është. Bëhet  fjalë për të gjitha produktet, edhepse është fjala për dhjetra mijëra produkte dhe kërkon një logjistikë më të madhe prej subjekteve. Por ne jemi duke përcjellur vendosjen e flamujve dhe do të marrim masa nëse nuk vendosen flamujt, ligji është i qartë për çdo produkt, duhet të vendoset origjina e atij produkti”,tha Uruçi.
Nga ana tjetër, qytetarëve po i’u pëlqen një veprim i tillë.
“Ky veprim është i mirë, veçanarisht ata që nuk dëshirojnë të marrin produkte të Serbisë e kanë flamurin e Serbisë dhe e kanë shumë më të lehtë. Tani nuk kemi më vështërsi për me shiku produktin se nga është,  është shumë më lehtë për ne”, deklaroi Samir Aliu, konsumator.

“Është një lehtësim shumë i mirë për ne, edhe ne duhet tua lehtësojmë  pak politikanëve që produktet tona t’i shfrytëzojmë dhe kjo tani është në dorën tonë, dhe është mirë se tani në bazë të flamurit e dijmë origjinën e produktit”, tha Bedri Zeqiri, konsumator.
Bizneset që nuk e respektojnë këtë udhëzim administrativ do të gjobiten nga 1 mijë deri 10 mijë euro. Por pa u dënuar nuk do të shpëtojnë as personat përgjegjës të subjektit, ku gjoba e përcaktuar për ta do të sillet nga 400 deri në 2 mijë euro.

Ferizaj

Bëhet i ditur identiteti i viktimave të aksidentit tragjik në Gjermani

Published

3 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

3 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

5 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.