Ferizaj

Kontesti për tokë sillet 9 vite nëpër gjykata

Published

7 years ago

21 January, 2019

Qazim Samakova, një banor i Komunës së Vitisë, e ka një hall: Ka një kontest pronësor me një të afërm të tij, dhe pasiqë nuk arriti marrëveshje me të, para 9 vitesh iu drejtua Gjykatës në Kaçanik, dhe sot e asaj dite lënda ende sillet nëpër institucionet e drejtësisë. Pra ai nuk vetëm dertin e kontestit pronësor, por është i inatosur pse lënda e tij i ka mbetur në sirtaret e Gjykatave.
“Që 35 viteve e kam ble një zabel me një kushëri, unë i kam besuar dhe e kam paguar por e kemi bërë marrëveshje pa noter, dhe gjithë katuni e dinë që unë e kam blerë. Unë e kam dërguar lëndën në gjyq, dhe gjyqi dy vite nuk më ka dërguar asnjë letër, më pas unë kam shkuar tek gjyqtari Rizah e ka emrin, i kam thënë të më tregojë se si është puna, ndërsa më tha se ka ardhur kushëriri ka thënë se jemi pajtuar, dhe unë i thashë që kjo nuk është e vërtetë dhe se të vazhdojë me lëndën. Më pas unë i kam dërguar dokumentet në Gjyqin e Prishtinës, dhe më është kthyer lënda që të dalim prapë në gjyq, por ne kemi dalur dy-tri herë por prapë nuk është rregullu asgjë, që 10 vite kështu vazhdon.”, thotë Samakova.
Ne lidhje me rastin , nga Gjykata Themelore të Ferizajt, morëm një pergjegje me shkrim, ku ndër të tjera thuhet se ky institucion e mohon se kjo lëndë është zvarritur nga kjo gjykatë.

“Lidhur me pyetjen tuaj për rastin ku paditës është Q.S, kundër të paditurve E.D dhe S.D, në çështjen civile kontestimore vërtetim pronësie, ju njoftoj se Gjykata Themelore në Ferizaj, Dega në Kaçanik, seancën në këtë rast e kishte caktuar për date 10 janar 2019, por si pasojë e bojkotit të avokatëve seanca nuk është mbajtur dhe është shtyrë për datë 25 shkurt 2019 me fillim nga ora 13:00. Sa i përket pyetjes tuaj me pretendimin për zvarritjen e rastit ju njoftoj se kjo ka ndodhur edhe si pasoje e sigurimit të një dëshmitari i cili gjendet jashtë Republikës së Kosovës, për të cilën janë të njoftuar edhe palët në procedure”, shprehet Zyrtarja për Informim Publik për gjyqësor të Ferizajt, Albënora Bekteshi.
Ne raportin e Keshillit Gjyqesor te Kosoves thuhet se gjate nentemujorit te vitit 2018, në Gjykaten themelore të Ferizajt kane mbetur 14 mije e 385 lëndë të pazgjidhura, prej tyre 1757 të natyrës civile, ndërsa në degën e kësaj Gjykate në Kaçanik edhe 3839 lëndë të tjera, nga to 581 lëndë kontestimore civile të shkallës së parë.

Ferizaj

Ngritët aktakuza e parë për zgjedhjet e 28 dhjetorit

Published

4 days ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

6 days ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

2 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.