Ferizaj

Shtatë kandidatë për postin e të parit të LDK-së në Ferizaj?

Published

7 years ago

13 March, 2019

Lidhja Demokratike e Kosovës, ende nuk ka shpallur zgjedhjet e mbrendshme mbrenda kësaj partie, por gjatë këtyre ditëve ky subjekt do ta bëjë të qartë datën se kur do të fillojë ky proces.
Kryetari aktual i kësaj partie në Ferizaj, Muharrem Svarqa, tha se ajo që dihet, është se këtë vit do të shpallen këto zgjedhje dhe dega e Ferizajt është e gatshme të shkojë në zgjedhje të brendshme.

“Sa i takon zgjedhjeve të brendshme të LDK-së, zgjedhjet të cilat mbrenda këti viti sigurisht se do të mbahen, por nuk mund të flasim për datën e saktë, se kur, por unë shpresoj se ato shpejtë do të shpallen dhe besoj se LDK si forcë kryesore politike në vend, do të organizojë zgjedhjet e veta të lira brendapartiake në harmoni me të gjitha dokumentet e partisë, zgjedhje të cilat do të mbahen në një frymë demokratike dhe sigurisht se do të nxirren figura të cilat do të avancojnë LDK-në dhe do t’i çojnë proceset përpara në mënyrë që LDK në zgjedhjet nacionale, kurdo që mbahen, ato ta merr pushtetin për të mirë të Kosovës dhe qytetarëve të saj” – deklaroi Muharrem Svarqa.

Svarqa tha se LDK- është duke punuar që jo vetëm të zhvillojë zgjedhje mbrenda partisë por edhe ta shtyejë vendin drejt zgjedhjeve të parakohshme parlamentare.

“LDK është e gatshme, po ashtu punon që zgjedhjet të ndodhin sa më shpejtë që është e mundshme jo për LDK-në, por për Kosovën, ne gjendemi në një status-quo të vendimeve të institucioneve të Republikës së Kosovës, i cili shtet po qeveriset nga një koalicion i pakicës, të cilët nuk e kanë shumicën në vendimarrje dhe të cilët i kanë hyrë proceseve me rëndësi nacionale, pa pasur një koncenzus paraparak poltik për t’i kaluar këto procese, ndoshta më të mëdha dhe më të rënda që ndodhen para Kosovës” – shtoi Svarqa.

Edhepse akoma nuk dihet data e zgjedhjeve të brendshme brenda LDK-së, kryetari i dikurshëm i Ferizajt paralajmëroi se prapë do të kandidohet për postin e kryetarit të degës së LDK-së. Ndërkaq burime brenda LDK-së bëjnë të ditur se deri tani janë paralajmëruar 7 kandidatura për postin e të parit të kësaj partie në Ferizaj, por gjer tani në kuloaret e këtij subjekti po lakohen vetëm e emrat e Muharrem Svarqës, Gëzim Kokollarit, Ekrem Mustafës dhe Blerim Graincës.

Ferizaj

Aktakuzë ndaj tre të dyshuarve për mashtrim me kriptovaluta në Ferizaj

Published

9 hours ago

22 May, 2026

Redaksia

Prokuroria Themelore në Ferizaj, Departamenti i Përgjithshëm, ka ngritur aktakuzë kundër të pandehurve me inicialet: A.L., R.J. dhe V.N., për shkak të dyshimit në bashkëkryerje kanë kryer veprën penale”Mashtrimi” sipas Kodit Penal të Republikës së Kosovës

Të pandehurit dyshohen se më 17 Prill 2026, në Ferizaj, rruga, “Cen Dugolli” me dashje dhe në bashkëveprim, me anë të paraqitjes së rreme të fakteve dhe duke përdor emra të rreme, i vënë në lajthitje të dëmtuarit E.F., A.F., dhe Rr.K, duke ua marrë 12,000 euro si kundërpagesë për kriptovaluta të llojit USDT të cilat do t’ua transferonin përmes portofolit digjital “wallet”.

Pasi të dëmtuarve ua marrin shumën prej 12 mijë eurove, të pandehurit i fusin paratë në një çantë të gjelbër dhe i vendosin në një dollap brenda lokalit të cilin e kishin marrë me qira. Ata kishin hapur një vrimë në pjesën e pasme të dollapit, nga ku i morën paratë pa u vërejtur dhe u larguan në drejtim të panjohur.

Pas hetimeve, u zbulua se të dyshuarit e njëjtë, duke përdorur të njëjtën skemë, kishin organizuar një transaksion fiktiv në rrugën “Ismail Reka” në Kaçanik. Edhe aty kishin siguruar një lokal me qira për t’u takuar me persona të interesuar, të cilëve u kishin ofruar transferimin e USDT-ve në vlerë prej 50 mijë Euro.

Aktakuza ngarkon gjithashtu dy nga të pandehurit, A.L. dhe R.J., për një rast të ndodhur më 18 Gusht 2024 në rrugën “Agim Prodani” në Ferizaj ku të dëmtuarit G.A. ia kishin marrë me mashtrim 2 mijë euro duke i premtuar transferimin e kriptovalutave në portofolin e tij. Me të marrë paratë nga viktima, dy të pandehurit largohen me vrap në drejtim të panjohur.

Për të gjitha këto veprime, tre të pandehurit akuzohen për veprën penale “Mashtrimi” nga neni 323 paragrafi 1, lidhur me nenin 31 të Kodit Penal të Republikës së Kosovës.

“Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur të shpallen fajtor për veprën penale për të cilën akuzohen dhe të dënohen sipas ligjit”, thuhet mes tjerash në njoftimin e Prokurorisë Themelore të Ferizajt.

Ferizaj

Punëtori që ra nga kulmi i një objekti në Babush u dërgua në QKUK

Published

1 day ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Ferizaj

Policia godet një rrjet të kontrabandës së kafshëve në Ferizaj

Published

2 days ago

20 May, 2026

Redaksia

Policia kufitare ka realizuar një operacion në fshatin Rakaj të Ferizajt, nën dyshimin për kontrabandë të dhe mbajtje të paligjshme të kafshëve.

Në njoftimin e policisë bëhet e ditur se gjatë kontrollit të njësive policore dhe inspektorit të Agjencisë së Ushqimit dhe Veterinës (AUV), në pronën e të dyshuarit L.K dhe dy lokacione tjera, janë gjetur 100 krerë dele pa numra matrikulli dhe pa asnjë dokumentacion përcjellës mbi origjinën apo kontrollin veterinar.

Me vendim të Prokurorit të Shtetit rasti po trajtohet si “Kundërvajtje doganore” dhe i është dorëzuar Doganës së Kosovës në Han të Elezit për procedim të mëtutjeshëm.