Ferizaj

Aliu: Me mua në pushtet, Ferizaj ka gjithmonë pranverë

Published

7 years ago

21 March, 2019

Krahas ditës botërore të ujit, sot në Ferizaj u shënua edhe dita e pranverës, me ç’rast kryetari i Ferizajt i shoqëruar nga zyrtarët komuna, mbolli lule në sheshin qendror “Ademi Jashari” të Ferizajt. Pas këtij aksioni inspirues dhe tradicional, kryetari Aliu dërgoi mesazh se nga ardhja e tij në pushtet, Ferizaj është vetëm në pranverë.

“Pranvera për qytetarët e Ferizajt, ka filluar në fakt më 21 dhjetor të vitit 2017, dhe ajo pranverë nuk do të ndalet më, edhe pse sot simbolikisht është dita e pranverës, por pranvera do të jetë gjithë vitin gjatë qeverisjes sime dhe të ekipit tim”- tha në adresimin e tij pranveror kryetari i Ferizajt.

E në pranverën e vitit 2017 ishte ish-kryetari Muharrem Svarqa i cili poashtu mbolli lule në ditën e pranverës, ndërkaq asokohe qytetarët e shihnin këtë traditë si veprim me ngjyra politike.

“ Nuk është e thënë me mbjellë lule vetëm një ditë, por duhet së pari me pastru Kosovën, se ma së pari me shku tek ura çfarë tmerri është bërë, tmerrohet njeri, po duhet ma shumë me ba, rregullisht jo vetëm një ditë se 300 ditë tjera me shkatrru ajo nuk është asgjë, vetëm kaloni 100 metra më tej tek shkolla shihet tmerri që është bë, po kjo është një lloj fushate pe kuptojmë ne qytetarët”, ishte shprehur një qytetar gjatë aksionit të mbjelljes së luleve në vitin 2017.

Sipas astronomëve, stina e pranverës në hemisferën veriore zyrtarisht ka nisur mbrëmë në ora 22:58 kur ka ndodhur ekuinoksi pranveror.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

6 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.