Ferizaj

Promovohet libri “Dimri i gjatë i vitit 1945 – Tivari ”

Published

8 years ago

21 March, 2019

Në hapësirat e bibliotekës “Sadik Tafarshiku” të Ferizajt, sot u promovua libri “Dimri i gjatë i vitit 1945 -Tivari”, i autorëve Anna Di Lellio dhe Dardan Luta, në të cilin trajtohen aspekte dhe dëshmi të të mbijetuarve nga masakra e Tivarit.
Di Lellio, e cila vepron në Kosovë që nga paslufta, u shpreh se gjithmonë ka qenë e interesuar për historinë e Kosovës, por sipas saj, historia e Kosovës më shumë është e përfolur sesa që është e shkruar në letër, prandaj kishte vendosur që të shkruajë për historinë e këtij vendi, të cilin e mban në zemër.

“Jam shumë e interesuar për historinë Kosovare, e kam botuar një libër për betejën e Kosovës, dhe kam pasur ide për librin e Tivarit, pasi unë jam shumë e interesuar për historinë e Kosovës, dhe historia e Kosovës është më shumë e folur se sa e shkruar. Prandaj ky libër është shumë i mirë, është libër i historisë, pjesa më e madhe është bazuar për idenë gojore, përvec intervista me Shaban Pajazitin, i mbijetuar i një fshati afër Skenderajt, po ashtu libri nga Haxhi Biringjiku, i cili ka intervistuar 30 të mbijetuar nga Drenica, dhe 9 të mbijetuar ishin nga Qubreli i Skenderajt. Me Dardanin, i cili është artist, e kemi shkruar një histori të këtyre të mbijetuarve”, tha Di Lellio.

Kurse ko-autori Dardan Luta, para të pranishmëve tregoi ca fragmente nga titulli më i ri kushtuar masakrës së Tivarit.

“Nuk ka ndodhë masakra vetëm në Tivar, por gjatë krejt rrugës nga Prizreni kur janë nisur. Disa përshkruajnë që janë vrarë persona aty-për-aty rrugës. Kështu që ka pasur vrasje gjatë gjithë rrugës. Kur të lexohet libri, është një pjesë aty, është një incident, kur Syla nga Gllabari nuk mund të durojë dhe ulet të pijë ujë, vjen një partizan e godet në kokë me pushkë, dhe rrëzohet në ujë, por Syla çohet, ia merr pushkën dhe e vranë partizanin aty”, i parafrazoi Luta disa fragmente nga ky libër.

Ndërsa pjesëmarrësit në këtë promovim u shprehën se një libër i tillë, i cili e përshkruan ngjarjen e Tivarit, u ka munguar rafteve të librave në shtëpitë e qytetarëve dhe në institucione të Kosovës.

“Ky rrëfim ka qenë pjesë e shumë familjeve Kosovare, edhe kjo zonë ka pasur personazhe të veta, e cila ende vazhdon të mbahet e mbërthyer në shumë enigma. Kjo ngjarje ka qenë tabu tek ne”, tha analisti dhe kritiku letrar Afrim Demiri.

“Tivari”, është libri i dytë i autores Italiane Anna Di Lellio, i cili tani mund të gjendet në të gjitha bibliotekat dhe libraritë anembanë vendit.

Ferizaj

Siguria juaj fillon me zgjedhjen e duhur të sigurimit

Published

11 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

11 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.