Ferizaj

Kolegji “Mehmet Akif” ndan 80 bursa për nxënës nga mbarë Kosova

Published

7 years ago

23 March, 2019

Në hapësirat e kolegjit “Mehmet Akif”, sot janë ndarë 80 bursa për finalistët e olimpiadës të Gjuhës Angleze dhe Kimisë, të cilët një javë më parë i’u nënshturan garës në këto lëndë.
Drejtori i këtij kolegji Nazmi Ulus, tha se nga ky kolegj kanë dalur nxënës të cilët tani po vazhdojnë shkollimin nëpër institucione më prestigjioze të botës, dhe një e ardhme e tillë do ti pret edhe gjeneratat e tjera që vijnë në “Mehmet Akif”.

“Këto gara i organizojmë me qëllim që tua mundësojmë suksesin gjeneratave të reja të Kosovës, dhe për këtë arsye sot në këtë sallë unë shoh të ardhmen e Kosovës. Tani po shoh, inxhinjerë, doktorë, avokatë të Kosovës. Të diplomuarit nga kolegjet tona tani janë duke kryer doktoratura në institucione shumë prestioze. Unë shpresoj se një jetë plotë suksese është duke ju pritur. Sot unë kam nderin që tua hap dyert drejt një të ardhme të ndritur nëpërmjet studimit të këtij kolegji më të sukseshëm në Ballkan” tha drejtori Ulus.

Fehmi Krasniqi, nga Ministria e Arsimit, tha se nga ky institucion arsimor, janë shkolluar fëmijë të udhëheqësve të vendit.

“Suksesi i kësaj qendre është shumë evident, për arsye se këtë shkollë e kanë kryer të gjtihë fëmijët e udhëheqëve tanë, dhe nxënësit të cilët e kanë kryer shkollimin këtu janë duke studiuar në vende të ndryshme të botës, prandaj e kam lehtë të flas për këtë shkollë”, – tha Krasniqi.

Andolena Veseli nga Gjilani, ishta është njëra ndër nxënësit që fituan bursë 100%, nga ky kolegj.

“Tani që e kam fitu bursën është një privilegj shumë i madh, në njërën anë më është shpërblyer mundi që kam bërë, unë kam ndëgju për kolegjin Mehmet Akif, dhe po ndjehem e priveligjuar që do të jem pjesë e këtij kolegji”,- tha bursistja e re Veseli.

Bursat e ndara sot nga kolegji “Mehmet Akif”, u jepin mundësi nxënësve fitues shkollim 3 vjeçar në këtë shkollë prestigjioze private.

Ferizaj

Ferizajasi dorëzon në polici portofolin e gjetur me dokumente dhe 160 €

Published

2 days ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

3 days ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.

Ferizaj

“Ecim me policinë tonë” – Aktivitet në shënim të Ditës së Çlirimit të Ferizajt

Published

1 week ago

11 June, 2026

Redaksia

Në shënim të Ditës së Çlirimit, Stacioni policor në Ferizaj, organizon më 12 Qershor ecjen e përbashkët me Forcën e Sigurisë, institucionet lokale, shoqërinë civile, klubet sportive dhe organizatat e ndryshme.

Në njoftim bëhet e ditur se aktiviteti do të nisë nga Palestra e Sporteve “Bill Clinton”, fiks nga ora 08:30 dhe do të përmbyllet në Parkun e Lirisë, ku do të organizohet një koktej rasti, si dhe do të zhvillohen rrëfime historike nga pjesëmarrësit dhe diskutime të hapura mbi rëndësinë e kësaj dite dhe vlerat e saj.

Bashkohuni me ne në Ecjen për Lirinë – në rrugëtimin e përbashkët në nderim të Ditës së Çlirimit”, thuhet mes tjerash në ftesën e Stacionit policor të Ferizajt.