Connect with us

Ferizaj

Dëshmitari Musa: Na u prezentuan dy peticione

Published

on

Në Gjykatën Themelore në Ferizaj, ka vazhduar shqyrtimi gjyqësor ndaj ish- drejtorit të Urbanizmit Faik Grainca, i cili dyshohet se gjatë procesit të Planit Zhvillimor Komunal, ka bërë flasifikim të dokumentit zyrtar dhe ka keqpërdorur pozitën zyrtare, në rastin e shqyrtimit të ankesave dhe peticioneve të qytetarëve të rrugës “Astrit Bytyqi”.
 Në këtë sesion, në cilësinë e dëshmitarit është deklaruar një anëtar tjetër i komisionit të PZHK-së,  Basri Musa, i cili tha se në mbledhjet e komisonit janë shqyrtuar vetëm dy peticione të kësaj rruge dhe jo peticione të tjera.

 “A ka pasur peticione prej banorëve të rrugës “Astrit Bytyqi?”, – pyeti prokurori i rastit Arben Ismajli.
“Kam ndëgju që ka pasur peticione dhe na u janë prezantuar dy peticione për dhe kundër, kompania dhe stafi na e kanë prezantuar në mënyrë vizuele, peticionin  me mbi 150 nënshkrime që kanë qenë për ndërtimit kolektiv, dhe 50-60 për banim individual.” – u përgjigj dëshmitari Basri Musa
“Këto peticione a janë paraqitur vetëm si numër, apo në mënyrë detale?” -vazhdoi me pyetje prokurori
“Unë për veti si numër i kam pa, se personalisht nuk më ka interesu.” – u përgjigj dëshmitari Musa.

Dëshmitari Musa, deklaroi se në raportin final, ai vetëm është nënshkruar dhe nuk e ka analizuar se çka po nënshkruan.

 “Diku gjysmë ore pa përfundu takimi kam ardhur, si dhe Ismajli kolega tjetër, nja 10 minuta para përfundimit të takimit, veç e kemi nënshkruar praninë që kemi qenë aty, dhe është folur aty, kanë qenë kallabllik, në zyre të drejtorit kemi qenë.”
“A të kujtohet data a ka qenë më 09.08.2017, apo tjetër datë?”, – parashtroi pyetje i dëmtuari Haliti.
“Nuk më kujtohen datat. ’- u pergjigj dëshmitari Musa.
“Atë vendim a ta ka tregu dikush, atë ditë, vendimin e inspektoratit si anëtar i komisionit?”,- pyeti i dëmtuari Haliti.
“Jo nuk më kujtohet!” – tha Musa
“A e ke lexu se çka shkruan në procesverbal?”, – pyeti i demtuari Haliti.
“Unë thashë se në takimin e fundit siç po thoni, tregova që kam qenë me vonesë dhe e kam nënshkruar si prezent që kam qenë në atë takim dhe nuk e kam lexuar e analizuar asnjëherë!”,- tha dëshmitari Musa
Në pyetjen e palës së dëmtuar se a i kanë rishqyrtuar peticionet një nga një, dëshmitari Musa tha se ai personalisht nuk e ka bërë një gjë të tillë.

“Skender Baftiu në seancën e 5 marsit ka deklaru se komisioni një për një peticionet i ka riqshyrtu. A i keni shqyrtuar ju një për një peticionet me anëtarët tjerë të komisionit? – Përsëriti pyetjen Haliti
“Jo, unë s’kam qenë një për një, por komisioni i ngushtë ata kanë punuar rregullisht, se unë s’kam qenë ndonjë person kyç aty.” – U pergjigj dëshmitari Musa.

Prezenca e ekipit raportues të Televizionit Tema në shqyrtimin gjyqësor ndaj Faik Graincës, si duket po i pengon të akuzuarit, pasiqë sipas tij,  ky televizion çdo mbrëmje jep raporte nga gjykimi kundër tij, dhe se ai ndihet i diskriminuar në raportimet  e këtij mediumi.  Grainca poashtu kërkoi nga gjykata masa mbrojtëse nga raportimi i ekipit të TV TEMA, sepse, sipas tij, ky televizion po i frikëson dëshmitarët.

“Unë nuk di ndonjë rast të vetëm që bëhet ndonjë fushatë nga ndonjë televizion sic bëhet nga TV Tema ndaj meje. TV Tema për cdo mbrëmje dhe dy herë në javë tani jep raporte nga ky gjykim duke  e transmetuar fjalën e dëshmitarëve, duke  e transmetuar  fjalën e të dëmtuarve gjojase, dhe unë mendoj se ka shkatuar një kaos, dhe qëllimi është për të krijuar një bindje të opinionit se këtu nuk është duke u mbajtur një gjykim i drejtë dhe tjetër që ka për qëllim t’i friksojë dëshmitarët”, – deklaroi Grainca.

Për hir të objektivitetit ndaj opinionit, ia rikujtojmë të akuzuarit Faik Grainca, se raportimi i fundit i  TV TEMA nga ky gjykim ka qenë më datë 5 mars 2019, dhe se nuk qendrojnë deklarimet e tij të dhëna sot në Gjykatë.  Pra janë bërë 26 ditë, që kur TV TEMA  ka raportuar së fundi nga ky proces gjyqësor ndaj tij, edhepse vullneti i ekipit ekziston që ky gjykim të përcillet në detaje edhe më të vogla.
Gjatë seancës së sotme gjyqësore, trupi gjykues refuzoi kërkesën e banorëve të rrugës “Astrit Bytyqi”, që të vendoset një masë e sigurisë në vendin ku po bëhet ndërtimi i një objekti të lartë. Seanca e radhës ndaj ish-drejtorit të urbanzimit dhe dy të akuzarve të tjerë, do të mbahet më 6 dhe 8 maj.

Continue Reading
Click to comment

Leave a Reply

Your email address will not be published. Required fields are marked *

Ferizaj

Gjendet personi i raportuar i zhdukur në Ferizaj

Published

on

Policia e Kosovës ka njoftuar se pas katër ditësh kërkimi është gjetur ferizajasi i raportuar i zhdukur  më 10 nëntor 2026.

Sipas njoftimit, personi i zhdukur është gjetur në Prishtinë,  në gjendje të mirë shëndetësore.

“Me datën 11.11.2026, në stacionin policor në Ferizaj është raportuar zhdukja e personit M. O.(31 vjeç), i cili, sipas familjarëve, ishte larguar nga shtëpia me datën 10.11.2026 dhe nuk ishte kthyer.

Pas katër ditësh kërkimi, më 15.11.2026, rreth orës 01:30, personi i raportuar i zhdukur është gjetur në Prishtinë, në gjendje të mirë shëndetësore dhe më pas është kthyer në shtëpi.

Për rastin është njoftuar Sektori Rajonal i Hetimeve dhe prokurori i rastit, të cilët po e trajtojnë rastin,”  thuhet mes tjerash në njoftimin e policisë.

Continue Reading

Ferizaj

Ndahet nga jeta veterani i UÇK-së, Avdi H. Ahmeti

Published

on

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

#

Continue Reading

Ferizaj

Ndalohet për 48 orë një person për rastin e vdekjes të punëtorit në Ferizaj

Published

on

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi.  Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale  “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

#

Continue Reading

Trending