REAGIM NGA DREJTORI I TV TEMA – FJALA E URTË POPULLORE THOTË: “UJKU E DO MJEGULLËN!”

Published

7 years ago

01 April, 2019

Në gjykimin që po mbahet ndaj Faik Graincës, i akuzuari para trupit gjykues lansoi sot disa akuza ndaj Televizionit TEMA, se redaksia jonë në baza ditore po bëka raportim për gjyqin ndaj tij, se raportet e TV TEMA po ndjellkan frikë tek dëshmitarët, dhe se TV TEMA raporton njëanshëm, pasiqë, sipas Graincës, pronarë të këtij mediumi qenkan të dëmtuarit nga ky proces, dy vëllezërit Haliti.
Por e pashembullt është vërejtja që gjykatësi i lëndës Krasniqi i tërhoqi Televizionit TEMA, për raportimin e vet nga kjo gjykatë, duke mos i dhënë këtij mediumi as mundësinë e përfaqësimit nga përfaqësuesi ligjor i saj(drejtori/avokati), për ta mbrojtur punën e vet me fakte dhe dëshmi.
Duke mos e ftuar përfaqësuesin ligjor të mediumit në seancë, ku shqiptohet një masë ndaj mediumit në bazë të pretendimit të njërës palë, pa i dhënë mundësi mbrotjes së autorizuar nga pala tjetër, është për ne një praktikë e paparë. Ekipi raportues nga gjykata është ekip zyrtar, por nuk është përfaqësues ligjor për të përfaqësuar palën, në një gjykim që s’ka të bëjë fare me median.
Tani më duhet ta përsëris një fjali të gjykatësit Krasniqi, që ai shpesh e thotë në gjykatë:
Gjykatës, ke dalur nga objekti i aktakuzës!
Në këtë formë, neve si medium na u pamundësua që t’i kundërshtojmë të pavërtetat që Grainca i shpalosi ndaj punës sonë në gjykatë, në të njejtën kohë kur hetuesia e Ferizajt po merret me rastin e mëhershëm të cilësuar si “kanosje” ndaj pronarit të TV TEMA nga pala nën akuzë. Kjo po i bie se gjykatësi sot gati se ia bëri të akuzuarit “alibinë” për rastin e cilësuar si kanosje. Nejse, s’është për çudi, në Kosovë po jetojmë!
1. Është kompetencë e institucioneve tjera të Republikës së Kosovës që merren me profesionalizmin e medias, me etikën e raportimit, me monitorimin e raportimit të drejtë dhe të balansuar, ndërsa gjykata është instanca e fundit pas shterrjes së të gjitha mjeteve tjera juridike paraprake. Në të gjitha rastet, ne si media kemi të drejtë të përfaqësohemi nga përfaqësuesi ynë ligjor apo i autorizuar.
2. Është një e pavërtetë e madhe se TV TEMA raporton çdo ditë për gjykimin ndaj Graincës, ashtu siç e deklaroi i akuzuari Grainca në gjykatë. Kjo është shumë lehtë e vërtetueshme në shekullin 21. Është vërtetë mëkat që një gjykatës i rasteve të rënda, të “bjerë” viktimë e të pavërtetave të tilla, të cilat lansohen nga një i akuzuar për falsifikim, dhe të shqiptojë një vërejtje aty-për-aty ndaj një medie të qytetit, pa e marrë deklarimin e palës tjetër.
Ku u tret tani paanshmëria e gjykatës?
Kur ne e shpallëm fajtor Graincën, në cilin raport, në cilën fjali siç po pretendon i akuzuari?
3. Nëse në gjykatë nga cilado palë paraqitet një dokument – fletëdpranim/fletëdorëzim zyrtar dhe i vulosur i Postës së Kosovës, në të cilin figuron se data e pranimit në Komunë të urdhrit nga Inspektorati i MMPH-së është 11 Gusht 2017, dhe nëse nuk ka qenë si provë e administruar më herët gjatë procesit, e nese për gjykaten është provë e re, edhe për ne është PROVË E RE. Nuk e zbuluam ujin e vakët, apo jo?
4. Nëse ka dëshmitarë që ndjehen të rrezikuar për shkak të raportimit të TV TEMA, janë rrugët ligjore të cilat parashikojnë mënyrat se si bëhet mbrotja e dëshmitarëve edhe nga ndonjë “sulm” mediatik, siç e pretendua sot në Gjykatë. Sa i përket rastit të njërit dëshmitar, të cilit pala e dëmtuar i pat ngritur kallëzim penal për deklarim të rrejshëm nën betim, TV TEMA vetëm ka raportuar për ngjarjen, i ka dhënë palës mundësinë e prononcimit, dhe kjo është e tëra! Mirëpo, nëse disa prej dëshmitarëve kanë frikë nga e vërteta apo dhembje nga brejtja e ndërgjegjes së tyre, atë frikë dhe atë dhembje nuk mund t’ua shërojmë as ne si medium, as Gjykata, e as Policia. Po, dhe mos të harroj, deklarimi i rrejshëm nën betim ËSHTË vepër penale!
5. Pronarët ligjor dhe faktik të QM TEMA/RTV TEMA mund të gjenden në web-faqen e ARBK-së, dhe kanë mbiemër Hoti. E mbajnë me krenari.
6. Prezenca e syrit të kamerës në një gjykim është pasuri për publikun, pasuri për gjykatën dhe për palët, pasiqë është një dëshmi autentike, origjinale e deklarimeve në gjykatë, rrjedhës së gjykimit, administrimit të provave, fjalës përfundimtare dhe vetë aktgjykimit. Video xhirimi autentik mund të jetë pengesë vetëm për personat që duan të fshehin diçka apo të shtrembërojnë të vërtetën në një formë ose tjetër, pa përjashtime.
Gazetaria e pavarur u pengon ujqve dhe rojeve të mjegullës.

Visar Hoti, drejtor,

QM TEMA/RTV TEMA

Ferizajasit mund të ballafaqohen me rrezikun nga vërshimet

Published

15 hours ago

18 November, 2025

Redaksia

Nga reshjet e dendura të shiut që vazhduan nga mbrëmja e së hënës, banorët e Ferizajt e sidomos ata që banojnë pranë rrjedhës së lumit dhe kanaleve të ujitjes, mund të rrezikohen nga vërshimet.

Kjo pasi paralajmërimet e meteorologëve bëjnë të ditur për mundësinë e vazhdimit të reshjeve edhe në ditët vijuese.

Njoftim për rrezik të shtuar nga vërshimet dhe masat e kujdesit ka bërë edhe komuna e Ferizajt në faqen zyrtare të saj.

“Në bazë të situatës së fundit meteorologjike dhe reshjeve të dendura që kanë përfshirë rajonin, njoftohen qytetarët se ekziston rrezik i shtuar për paraqitjen e vërshimeve në disa zona.

Kërkohet nga qytetarët që:

• Të tregojnë kujdes të shtuar gjatë qarkullimit, veçanërisht pranë rrjedhave ujore, kanaleve dhe zonave ku ka grumbullim uji;

• Të shmangin lëvizjet e panevojshme në zonat me rrezik të lartë;

• Të raportojnë çdo situatë të mundshme emergjente në numrat 192 dhe 193.

Ekipet emergjente dhe Policia janë të angazhuara në terren dhe po monitorojnë gjendjen në mënyrë të vazhdueshme, me qëllim të sigurimit të një reagimi të shpejtë dhe efektiv”, thuhet mes tjerash në njoftim.

Ferizaj

Varrimi i ferizajasit që vdiq tragjikisht bëhet pasditen e sotme në fshatin Mirash

Published

4 days ago

15 November, 2025

Redaksia

Shpend Qalaj, që humbi jetën tragjikisht të premten, do të varroset pasditen e sotme në varrezat e fshatit Mirash të Ferizajt, njoftoi familja përmes një postimi në facebook.

I ndjeri humbi jetën pasi ra në kontakt me rrymën derisa po punonte në pullazin e shtëpisë në Mirash.

“Është raportuar se viktima mashkull kosovar, deri sa ishte duke punuar në pullazin e shtëpisë ka rënë në kontakt me rrymën dhe si pasojë ka humbur jetën. Vdekjen e viktimës e ka konstatuar mjeku ndërsa me kërkesë të familjarëve dhe konsultim me prokurorin trupi i pajetë u është liruar familjarëve për ceremoni mortore”, thuhet në raportin 24 orësh të policisë.

Ferizaj

Të shtunën ndërprerje e energjisë elektrike në Ferizaj – këto janë lokalitetet që mbesin pa rrymë

Published

4 days ago

14 November, 2025

webmaster

KEDS ka njoftuar për ndërprerje të domosdoshme të energjisë elektrike që do të realizohen këtë të shtunë në disa zona të Ferizajt dhe fshatrave përreth, për shkak të punimeve për sigurinë e sistemit dhe bartjes së kabllove në kthinave të reja.

Shkyçjet do të ndodhin kryesisht nga ora 08:00 deri në 12:00, ndërsa disa zona do të preken nga ora 10:00 deri në 12:00.

Njoftimi i plotë nga KEDS:
Punime të domosdoshme për siguri të sistemit

1.
Nga TS 35/10[kV] Ferizaj II do të ndërprehet:
LP 10kV J15 Kosova Transi 2 (kodi:40041037) nga ora 08:00 deri 12:00
Vendet:, Rr.Ahmet Kaçiku ( nje pjese),rr.Besim Fazliu, rr. Naim frashëri rr. Marie Shllaku nga nje pjese.
Arsyeja: Ndërprerje për siguri. Bartja e kabllove dhe energjzimi i kthinave te reja.

2.
Nga TS 35/10kV Ferizaj II do të ndërprehet:
Dalja 10kV Drejtimi i Sillosit (kodi: 40041001) nga ora 08:00 deri 12:00
Vendet: Ferizaji një pjesë, Talinovci i Muhaxherëve, Sazlia, Papazi, Pojata, Rahovica, Softaj dhe Fusha e Madhe.
Arsyeja: Ndërprerje për siguri. Bartja e kabllove dhe energjzimi i kthinave te reja.

3.
Nga TS 35/10kV Ferizaj II do të ndërprehet:
Dalja 10kV J12 Banka 1&2 (kodi: 40041039) nga ora 08:00 deri 12:00
Vendet: MBTS Banka,TS Fatmir Rashani,TS Halil Haxhidema,TS TMK Ndertesa,TS Koncorzium Komuna (përball Spitalit).
Arsyeja: Ndërprerje për siguri. Bartja e kabllove dhe energjzimi i kthinave te reja.

4.
Nga TS 35/10kV Ferizaj II do të ndërprehet:
Dalja 10kV J11 Kazerma (kodi: 40041020) nga ora 08:00 deri 12:00
Vendet: TS Kazerma dhe TS Minexi.
Arsyeja: Ndërprerje për siguri. Bartja e kabllove dhe energjzimi i kthinave te reja.

5.
Nga TS 35/10kV Ferizaj II do të ndërprehet:
Dalja 10 kV J07 Fitorja (kodi: 40041007) nga ora 08:00 deri 12:00
Vendet: TS Fitorja, Fabrika e Bukes dhe Elsam Company
Arsyeja: Ndërprerje për siguri. Bartja e kabllove dhe energjzimi i kthinave te reja.

6.
Nga NS 35/10kV Ferizaj II do të ndërprehet:
Dalja 10kV J06 Betoni (kodi: 40041002) nga ora 08:00 deri 12:00
Vendet: Rr.”Prizrenit”, Saraishta, Lloshkobare, Llojza, Kosinë, Slivova, Dremjak dhe bizniset private.
Arsyeja: Ndërprerje për siguri. Bartja e kabllove dhe energjzimi i kthinave te reja.

Nga TS 35/10kV Ferizaj II do të ndërprehet:
Dalja 10kV Ujëvara (kodi: 40041011) nga ora 08:00 deri 12:00
Vendet: Rr. Nerodimes, Ujëvara, Frigoriferi dhe Barakat.
Arsyeja: Ndërprerje për siguri. Bartja e kabllove dhe energjzimi i kthinave te reja.

Nga TS 35/10kV Ferizaj II do të ndërprehet:
Dalja 10kV Bablaku-Bizneset dhe Banka 3 (kodi: 40041041) nga ora 08:00 deri 12:00
Vendet: Bablak, Magjistralja Ferizaj-Prishtinë, Babush i Muhaxherëve, Babushi i Ri, Mirash, Cërnillë dhe Surqinë
Arsyeja: Ndërprerje për siguri. Bartja e kabllove dhe energjzimi i kthinave te reja.

* * *

Punime nga pala e tretë

1.
Nga NS 35/10kV Ferizaj III do të ndërprehet:
Dalja 10kV J05 Varoshi (kodi: 40042005) nga ora 10:00 deri në orën 12:00
Vendet: fshatrat: Elezaj (një pjesë), Gërlicë (një pjesë), Greme, Çardak-Kaçaniku i Vjetër (një pjesë), Magj. Ferizaj-Kaçanik (një pjesë), Rakaj dhe Varosh.
Arsyeja: Kryerja e punimeve sipas pëlqimit elektro-energjetik dhe projektit të aprovuar.

2.
Nga NS 110/35/10[kV] Ferizaj 1 do te ndërprehet:
LP J02 Drejtimi i Fshatrave (kodi: 40000002) nga ora 09:00 deri në ora 13:00
Shkyqja realizohet ne stabilimentin Natyrali (J02 Dardani) (J03Bibaj)
Vendet: Rrugët: Dardania, Haki Braha (1 konsumator), Mirosalë, Mirosalë lagjja Bytyqi, Dedaj dhe te Shkolla, Rexhep Bislimi (1 konsumator), Fshatrat: Sojevë, Dardani dhe Zllatar.
Arsyeja: Vendosjen e shtyllave sipas pëlqimit elektro-energjetik.

Nga NS 35/10[kV] Shtërpca do të ndërprehet:
Dalja 10[kV] J02 Molika (kodi: 40044007) nga ora 08:30 deri në ora 15:30
Vendet: TS Repititori, TS Shkolla Skijimit, TS Kulla dhe TS Hotel Molika.
Arsyeja: Eliminimi i problemeve teknike në transformator.