Ferizaj

Komunizmi po troket në derën e komunës së Ferizajt

Published

8 years ago

23 April, 2019

Në takimin e sotëm të Komitetit për Politikë e Financa të Ferizajt, ndër pikat kyçe të diskutimit ishte propozim vendimi për miratimin e rregullores për caktimin e orarit të punës së veprimtarive afariste dhe veprimtarive të tjera që operojnë në Ferizaj.
Lidhur me caktimin e orarit të punës të veprimtarive të ndryshme, ekzekutivi tha se kjo rregullore është model ndërkombëtar, por anëtarët e opozitës thanë se kjo rregullore nuk është në harmoni me ligjin e punës.

“Qëllimi i kësaj rregullore është që në bazë të kësaj rregulloreje përcaktohet fillimi dhe mbarimi i punës së shoqërive tregtare, afariste dhe veprimtarive të tjera biznesore që veprojnë në Komunën e Ferizajt. Ne i kemi përjashtuar nga ditet e diela vetëm veprimtaritë e industrisë përpunuese, dhe të gjitha veprimtaritë e tjera përveç veprimtaritë akomodimit, kryesisht të gastronomisë, të gjitha do të jenë ditë pushimi, dhe përveç atyre që punojnë 24 orë, janë veçuar tregjet dhe barnatoret të cilat mund të punojnë edhe të dielave” – tha Zekir Bytyqi, Drejtor komunal i Zhvillimit Ekonomik.

“Duhet të jetë e përgaditur në bazë të ligjeve në fuqi dhe jo vetëm statuti i komunës dhe ligji për qeverisje lokale nuk është e majftueshme, por duhet të jetë i harmonizuar me ligje të cilat përveç që e përcaktojnë se si konstruktohet një marrëdhënie pune dhe cilat janë detyrimet e punëdhënësit dhe punëtorit, kemi ligjin e punës, ligjin e ndërmarrësis dhe kjo është në kundërshtim me to”, – tha Burim Karameta, nga LDK.

“Këtë propozim që na e kanë dërgu neve vërtet është shumë i mangët, unë e kam lexuar një dy tri herë, sen vesh nuk kam marrë, sepse janë të përziera aq keq që nuk mundet me i dallu kërkush. Në radhë të parë, duhet ta nënkuptojmë që me rregullore për orar të punës nënkupton që secili duhet ti përmbahet atij orari dhe ne me rregullore nuk mundemi t’ia përcaktojmë atij në pylltari dhe në bujqësi se sa duhet të punojë ai se nuk ka asnjë kuptim, ai punon sa të është nevoja dhe sa të është dritë, plus asaj mendoj që duhet të harmonizohet me ligjin e punës”, – tha Xhavit Zariqi nga AAK-ja.

“Raporti mes biznesit dhe punëtorit rregullohet përmes ligjit të punës, dhe komuna nuk mund të involvohet në atë raport, krejt ideja është me përcaktu një orar për veprimtari të ndryshme, kam vërejtje të mia edhe unë, por pasi që është draft do të diskutojmë në kuvend dhe diskutim publik” – tha këshiltari i PDK-së në KPF- Arian Imeri.

Përndryshe, propozim vendimi i ekzekutivit të Ferizajt thotë se bazohet në nenin 50 të statutit të Komunës së Ferizajt dhe në nenin 58 të Ligjit për Vetëqeverisje lokale, mirëpo në asnjërin nga këto dokumente nuk përmendet se komunat kanë kompetencë për kufizim të së drejtës së bizneseve për punë përmes një rregullimi komunal.

Një tjetër propozim që sërish do t’iu bie në duar kuvendarëve ferizajas është vendimi për plotësimin dhe ndryshimin e rregullores për dhënie të dekoratave. Përfaqësuesi i LDK-së në komitet kishte vërejtje për mospërfshirje të çmimit “Finesa” me këtë rregullore.

“Propozimet e LDK-së nuk janë përfshi asnjë, në raportin e punës është paraqitur se janë ndarë cmimi “Finesa” për disa regjisorë dhe për shkrimtarin Ismail Kadare, dhe si mund të votojmë pro një regullore të tillë, kur ne nuk jemi përfaqësu me propozoimet tona në këtë dokument.
“Të përkryer nuk ka asgjë dhe nuk besoj që mund të jetë ndonjë herë sa të ketë njerëz. Cmimi “Finesa”, nuk e di se cka nënkupton, me cka lidhet dhe cka përfaqëson ky çmim, unë nuk e di ku është simbolika e këtij çmimi, pse duhet të jetë ose pse jo”, tha Zariqi, AAK.

Në seancën e Kuvendit Komunal e cila është caktuar të mbahet në fund të këtij muaji, ekzekutivi komunal do ta shpalos raportin financiar për tremujorin e parë të këtij viti.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar