Ferizaj

Hasan Elezi kërkon mbrojtje nga shteti

Published

7 years ago

24 April, 2019

Hasan Elezi, pronar i parcelës që është pranë oborrit të shkollës në fshatin Prelez të Jerlive, për të cilën disa herë pat protesta nga një grup qytetarësh, po akuzon institucionet e rendit dhe të sigurisë, se nuk po i ndihmojnë atij që ta gëzojë pronën e tij, edhepse për këtë ka vendim nga gjykata. Elezi, thotë se ka një javë që ka filluar ta kufizojë parcelën e tij, mirëpo policët e Ferizajt në vend se ta mbrojnë atë, u kanë rekomanduar punëtorëve të tij që ti ndërpresin punimet “për t’i ikur belasë”.

“Gjykata na e ka leju, komuna na e ka leju, drejtoria e Urbanzimit na ka dhënë leje që mundemi me bë ndarjen e parcelës tonë, fshatarët thonë se nuk është e jotja. Shteti neve na detyron me dale aty duke na thënë “Dilni ju se ne vijmë, dhe vijnë pas 40 minutave dy policë, madje i kanë thënë punëtorit tonë “pse po del këtu me ba bela”, do të thotë ne nuk jemi të sigurtë në pronën tonë. Kërkoj me çdo kusht të lirohet prona ime, nëse nuk lirohet prona ime nga shteti, nuk di kah të kërkoj ndihmë tjetërkund. Unë do t’i drejtohem prokurorisë dhe kryetarit, pasi nuk shkon më kjo kështu, e pesta herë që policia neve nuk na ndihmon a në realitet na thotë dilni se ju ndihmojmë, do të thotë ne nuk jemi të sigurt nga policia” – tha Elezi.

Elezi thotë se ai i ka dokumente se Komuna nuk ka qenë e interesuar që të shpronësojë pronën e tij, dhe se për ndërtimin e rrethojës ai ka marrë pëlqim nga drejtoria e urbanizmit.

“Ofertat që mi kanë dhënë i kam të gjitha me shkrim se Komunës nuk i intereson me arsyetim se mjafton oborri që ka shkolla. Një fshat i tillë ka gabime të mëdha pasi me shpronësimin e tokave tona kanë mundur të kenë një shkollë të re me 1,5 milion siç e precizojnë disa banorë, ata kanë mundur të ndërtojnë një shkollë të re, por ata kanë vetëm interes të na pengojnë. Në bazë të intervistave që kanë dhënë fshatarët thojnë që kjo tokë ka vlerë 1.5 milion euro e gjysmë, dhe nëse ka këtë vlerë unë nuk e kam njet me fal se është e imja. Nëse dojnë ata me shpronësu, unë jam i gatshëm, nëse jo, le të ma lirojnë pronën time”- tha Elezi.

Pronari legjitim i tokës pranë oborrit të shkollës në fshatin Prelez i Jerlive, që e kishte blerë atë nga AKP-ja, thotë se ai do të ndërtojë një objekt aty porse nuk do të pengojë shkollën.

‘Unë du me nda parcelën, du me ba dicka me ligjin e shtetit që mos me pengu shkollën ,me maru një objekt dhe mos me pengu shkollën, unë do ta bëjë me norma të shtetit jo të miat. Shteti e ka shitë vetë ,unë nuk e kam vjedhë këtë tokë. Këto janë klithmat e mia të fundit, ata duhet t’i qëndrojnë prapa kësaj pune” – tha Elezi.

Për këtë rast, policia e Ferizajt përmes telefonit është deklaruar se njësitet e këtij stacioni i kanë dalë në ndihmë këtij pronari madje ka arrestuar edhe qytetarë, mirëpo sipas zëdhënësit rajonal togerit Agim Gashi, policia nuk mund ta ruajë pronën e këtij qytetari 24 orë në ditë.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar