Ferizaj

Mustafa: Zgjedhjet në PDK të Ferizajt janë të manipuluara

Published

7 years ago

29 April, 2019

Partia Demokratike e Kosovës në Ferizaj, në kuvendin zgjedhor që u mbajt të shtunën që shkoi zgjedhi kryetarin, këshillin drejtues dhe delegatët për konventën qëndrore. Por në mesin e mbi 400 delegatëve nuk u pa njëri ndër themeluesit e këtij subjekti në Ferizaj, Nehat Mustafa.
Ai thotë se ka kohë që nuk merr pjesë në strukturat e PDK-së, pasiqë kjo parti është bërë uzurpatore dhe nepotiste. Mustafa thotë se ai nuk e kishte paramenduar që partia e tij, PDK, do e udhëheq komunën me aq shumë defekte.

“Unë kam paralajmëruar dhe kam shprehur qëndrimet e mia në lidhje me zhvillimet me qeverisjen lokale, por edhe me mënyrën si është menagjuar PDK-ja në Ferizaj pas zgjedhjeve. Që në fillim kam thënë që partia është uzurpuar, pushteti është uzurpuar, po flas për 2-3 vetë të cilët duke uzurpuar partinë dhe institucionet, kanë bërë që të mbytet diskutimi mbrenda PDK-së, kanë bërë që mos të diskutohen as çështjet e mëdha që kanë të bëjnë me zhvillimin e partisë dhe menyrën e udhëheqjes së pushtetit. Në vitin 2018, kemi pasur edhe largime të tjera nga kryesia e PDK-së, ka qenë largimi i Ekrem Metushit si anëtar, pastaj ka qenë detyrimi për dorëheqje i Bashkim Hysenit, që ka qenë edhe anëtar i kryesisë. Dhe përkundër këtyre gjërave, asnjëherë nuk është lejuar që të debatohet në kryesi për këto vendime. Pastaj mënyra se si është emëruar bordi i drejtorëve, nepotizimi, keqpërdorimet në punësime, angazhimet me kontrata në vepër, kaosi urbanistik dhe këto të gjitha kanë bërë që unë mos të pajtohem me këtë mënyrë të qeverisjes, pasi ne kishim kërkuar nga qytetarët që ta votojnë PDK-në dhe kandidatin e saj, që të kishim një qeverisje ndryshe, por për një vit e gjysmë, asnjë ndryshim nuk ka në qeverisje, dhe unë nuk mund të jem indiferent karshi këtyre zhvillimeve”, tha Mustafa.

Sa i përket Kuvendit zgjedhor, Mustafa tha se ishte ditur nga fillimi se kush do fitojë, madje sipas tij, ishte bërë edhe presion tek kundërkandidati Valon Eshrefi, që ai të tërhiqej nga gara.

“Në fund të fundit, pse duhet të merrja pjesë në një kuvend të degës, kur paraprakisht vetëm se ishin përcaktuar fituesit, dhe kur dihej se kush do të jetë fitues i zgjedhjeve, kur dihej se një kandidat kishte shprehur gadishmërinë e tij që të kandidohej, dhe përmes presionit dhe shantazheve i është kërkuar që të tërhiqet nga gara. Pra, këtu nuk ka të bëjë me demokraci. Nga ky këshill drejtues prej 71 vetëve, mund ta vëreni se 50 % e përbërjes vjen nga 5-6 familje, pra edhe nga mbiemrat dhe afërsitë e tyre familjare, shihet që ka edhe anëtarë të këshillit drejtues persona që me pozitat që i kanë, nuk kanë të drejtë të kenë pozita të tilla në parti politike. Dhe duke i marrë parasysh këto, atëherë imagjinoni se çfarë përbërje e kryesisë mund të del. Ka familje që ka 4-5 anëtarë, ndërsa keni parë edhe si janë ndëshkuar me votë, si shefi i grupit parlametar që nuk ka marrë mbi 60% të votave të delegatëve, i cili ka qenë më i votuar. Ka këshilltarë komunal, doktora shkence, specialistë që janë kah fundi në listë, dhe krejt këto dëshmojnë sa ka qenë proces i manipuluar”,- tha Mustafa.

Mustafa thotë se dega e PDK-së në Ferizaj është degraduar dhe se shumë shpejtë aty do të eskalojë situata. Sipas tij, barra e kësaj gjendje të partisë bie mbi tre individë.

“Nuk ka qenë e lehtë që të marr një vendim të tillë, por nga ky vendim kam dashur që të alarmoj strukturat e PDK-së për këtë situatë dhe për ata që janë duke menduar që janë duke shënuar fitore, do ta vërejnë me kalimin e kohës. Kjo fitore do t’iu kthehet në zhgënjim dhe disfatë të madhe. Pjesa më e madhe e atyre që sot janë zgjedhur në këshillin drejtues, janë ata që kanë punësuar nga një apo dy anëtarë të familjes dhe mijëra të tjerë aktivistë të PDK-së qëndrojnë në shtëpi dhe as që mund të vijnë në rend për një punësim meritor çfare e meritojnë. Dhe kjo pritet që me kalimin e kohës të eskalojë situata, pasi grupet e pakënaqura mbrenda PDK-së do të rriten dhe pastaj ku do të shpije kjo është detyrë e atyre qe kanë marrur udhëheqjen e partisë që të mendojnë, pasi janë veprimet e tyre që janë duke e sjellur në një situatë të tillë”, – tha Mustafa.

Nehat Mustafa në tetor të vitit të kaluar kishte dhënë dorëheqje nga grupi i këshilltarëve të PDK-së në Ferizaj, por thotë se akoma nuk ka vendosur për ndonjë largim eventual nga partia, edhepse ky opcion mund të jetë në tavolinë në të ardhmën.

Ferizaj

Arrestohen edhe dy persona pas sekuestrimit të 17.9 kg heroinë në Ferizaj

Published

3 hours ago

14 April, 2026

Redaksia

Një operacion i koordinuar ndërmjet Prokurorisë Speciale dhe Policisë së Kosovës – Task Forca “White Star”, i zhvilluar më 13 prill 2026 në Komunën e Ferizajt, ka rezultuar me arrestimin e dy personave të tjerë të dyshuar për trafikim të narkotikëve, duke e çuar në katër numrin total të të arrestuarve.

Në njoftimin e prokurorisë bëhet e ditur se të ndaluarit A.D., S.Sh., M.Sh. dhe M.B., dyshohen për kryerjen e veprave penale për pjesëmarrje ose organizim të grupit kriminal të organizuar, blerje, posedim, shpërndarje dhe shitje të paautorizuar të narkotikëve, si dhe shpëlarje parash.

“Sasia e substancës narkotike të llojit heroinë e sekuestruar gjatë operacionit, pas vlerësimit arrin në rreth 17 kilogramë e 900 gramë.

Me urdhër të gjykatës janë kryer kontrolle në katër lokacione të ndryshme, ku përveç substancës narkotike janë sekuestruar edhe prova të tjera relevante që do të përdoren në procedurën penale.

Me vendim të prokurorit, të dyshuarit janë ndaluar për 48 orë. Brenda këtij afati, Prokuroria Speciale do të paraqesë kërkesë për caktimin e masës së paraburgimit në Gjykatën Themelore në Prishtinë.

Nga hetimet e deritanishme është arritur të identifikohen personat dhe lokacionet ku ka operuar ky grup kriminal i organizuar me qëllim trafikimin e narkotikëve. Po ashtu, është lokalizuar edhe vendi ku mbahej substanca narkotike, e cila ishte përgatitur për transport”, thuhet në njoftim.

Lidhur me këtë rast, edhe dy persona të tjerë janë në kërkim policor, për çka Policia e Kosovës po vazhdon punën intensive për lokalizimin dhe arrestimin e tyre.

Ferizaj

Vdes punëtori që ra nga kati i 6-të i një ndërtese në Ferizaj

Published

1 day ago

13 April, 2026

Redaksia

Një 59-vjeçar ka humbur jetën në Ferizaj pasi ka rënë nga kati i gjashtë i një objekti që po ndërtohej në të cilin viktima ishte si punëtor.

Rastin e ka konfirmuar zëdhënësi i policisë së Kosovës për rajonin e Ferizajt, Kanun Veseli, derisa bëri të ditur se vdekja e viktimës u konstatua në vendngjarje nga ekipi emergjent.

“Me datë 13.04.2026, rreth orës 11:45, është pranuar informatë se në rrugën “Remzi Hoxha” një person ka rënë nga një objekt në ndërtim.

Patrulla policore ka dalë menjëherë në vendngjarje, ku edhe ekipet emergjente kanë konstatuar vdekjen e viktimës.

Dyshohet se viktima është një mashkull 59 vjeç , i cili ka rënë nga kati i 6-të i objektit në ndërtim gjatë punimeve.

Policia ka siguruar vendin e ngjarjes, ndërsa janë njoftuar hetimet, forenzika rajonale dhe inspektorët komunal të punës,” ka njoftuar policia.

Brenda dy javëve të fundit ky është rasti i dytë i aksidentit me fatalitet që ndodh për shkak të rënies nga lartësia në objekte ndërtimi, pasi më 3 prill, në një rast të ngjashëm, humbi jetën një 44 vjeçar.

Ferizaj

Siguria juaj fillon me zgjedhjen e duhur të sigurimit

Published

6 days ago

08 April, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG