Ferizaj

Trajneret Amerikane në përkrahje të basketbollisteve Ferizajase

Published

7 years ago

20 May, 2019

Këto basketbolliste të reja ferizajase e kishin një ditë fatlume, meqë në mesin e tyre po qëndrojnë dy trajnere të njohura botërore të basketbollit, Ruthie Bolton dhe Chineze Nwagbo nga Shtetet e Bashkuara të Amerikës.
Ato gjenden në Kosovë me inciativën e Abmasadës së Shteteve të Bashkuara në Prishtinë, Departamentit të Shtetit Amerikan dhe Federatës së Basketbollit të Kosovës.
Qëllimi i vizitës së tyre është shprehja e përkrahjes për basketbollistet e reja dhe senzibilizImin e opinjonit në Kosovë për të mbështetur femrat që mirren me sport, në këtë rast me basketboll.
Trajnerja Ruthie Bolton thotë se qëndrimi në Kosovë është një eksperiencë e veçantë për të:

“Unë jam nga Mississippi, por jetoj në Kaliforni ne SHBA, jam këtu me programin e sportit të Ambasadës Amerikane dhe jam shumë e emocionuar,është nje eksperiencë e shkëlqyer. Unë e bëj këtë punë gati 10 vite dhe duke përdorur basketbollin si një mundesi për të kaluar pengesat mes familjeve, komuniteteve, shteteve eshte nje gje e shkelqyer andaj sot edhe pse do te bejme ushtrime, do te jemi ne fushe. Ky moment, kjo eksperience është shumë më e madhe se nje loje”, tha Ruthie Bolton

Ndërsa Elvira Dushku, sekretare e përgjithshme e Federatës së Basketbollit të Kosovës, tha se qëndrimi i këtyre dy trajnereve Amerikane në Kosovë, do të ndikojë në rritjen e numrit të femrave që të mirren me basketboll.

“Është një projekt i përbashkët me Amasadën Amerikane, kemi arritur që ti sjellim dy ish-basketbolliste të famshme nga SHBA-ja, të cilat kanë një karrier të bujshme duke përfaqësuar Amerikën disa herë në lojëra olimpike në kampionate botërore, të cilat pas përfundimit të karrieres e kanë vazhduar karrierën e tyre si trajnere, dhe ne e kemi shfrytzuar ratin që me i sjell këtu që me i motivu basketbollistet tona që me u mirr me basketboll”,- tha Dushku.

Ruthie Bolton është ish -lojtare e ligës më të fortë të basketbollit në botë për femra, WNBA, ndërsa pas përfundimit të karrierës si basketbolliste, Bolton ka filluar punën si trajnere për ekipe të ndryshme në SHBA.
Ndërsa Chineze Nwagbo krahas si basketbolliste në SHBA, ajo ka luajtur edhe në Evropë, Brazil. e disa vende të tjera. Aktualisht Nëagbo, punon për NBA në Kinë në programet bazë të NBA Junior.

Ferizaj

Kosova paralajmërohet për mot të ashpër me shi, rrufe dhe breshër

Published

4 hours ago

21 July, 2026

Redaksia

Instituti Hidrometeorologjik i Kosovës (IHMK) dhe Organizata Evropiane për Parashikimin e Stuhive (ESTOFEX) kanë lëshuar paralajmërime për reshje intensive, stuhi, breshër dhe erëra të forta.

Instituti Hidrometeorologjik i Kosovës ka njoftuar se gjatë ditës së sotme do të mbajë mot me diell dhe vranësira të pjesshme, por gjatë orëve të pasdites pritet ndryshim i kushteve atmosferike me vranësirave konvektive, të cilat vende-vende do të shoqërohen me reshje lokale shiu dhe shkarkesa rrufesh.

Temperaturat maksimale parashihen të sillen prej 31°C deri në 33°C.

Ndërkaq, Organizata Evropiane për Parashikimin e Stuhive (ESTOFEX), e cila monitoron motin e ashpër në Evropë, ka lëshuar një alarm të nivelit 3 të rrezikut për Kosovën dhe disa vende të rajonit.

Sipas ESTOFEX, përfshirja e Kosovës në zonën me nivelin 3 të rrezikut nënkupton një potencial të lartë për mot ekstrem, me mundësi për breshër shumë të madh dhe erëra të forta me fuqi shkatërruese.

Ferizaj

Arrestohen katër të dyshuar për kanosjen e një personi në Ferizaj

Published

1 week ago

14 July, 2026

Redaksia

Policia Rajonale në Ferizaj ka arrestuar 4 persona në dyshimet për kanosje dhe armëmbajtje pa leje.

Në njoftim bëhet e ditur se më datën 13.07.2026, në stacionin policor në Ferizaj është paraqitur një ankues, M.B, i cili ka deklaruar se ishte kanosur nga disa persona.

Pas ndërmarrjes së veprimeve operative-hetimore nga njësitet reaguese dhe njësia e hetimeve, janë identifikuar dhe lokalizuar personat e dyshuar në një lokal në Ferizaj, ku gjatë kontrollit janë sekuestruar katër armë zjarri dhe sasi municioni.

Të dyshuarit: H.TH. ( 50 vjeç), SH.TH. (27 vjeç). E.B. ( 37 vjeç) dhe E.H. (27 vjeç), me vendim të prokurorit të shtetit janë ndaluar në mbajtje për 48 orë, ndërsa ndaj tyre janë iniciuar raste për veprat penale “Kanosja”, “Mbajtja në pronësi, kontroll ose posedim të paautorizuar të armëve dhe “Asgjësimi apo dëmtimi i pasurisë”.

Ferizaj

Brenda një jave konfiskohen 15 motoçikleta në Ferizaj

Published

1 week ago

13 July, 2026

Redaksia

Policia Rajonale e Ferizajt ka njoftuar se brenda periudhës nga 6 – 12 korrik ka shqiptuar 26 gjoba për shkelje të rregullave të trafikut dhe ka konfiskuar 15 motoçikleta.

Kjo pasi policia ka shtuar kontrollet në qarkullimin dhe drejtuesit e motoçikletave dhe skuterëve.

Shumica e gjobave janë shqiptuar për shkelje të rregullave të komunikacionit, përfshirë drejtimin e motoçikletës pa regjistrim, pa patentë shoferi ose pa helmetë mbrojtëse, si dhe kundërvajtje të tjera.

Gjatë kësaj periudhe janë konfiskuar edhe 15 motoçikleta/skuterë, kryesisht për mungesë të dokumentacionit të rregullt.