Ferizaj

AMBASADORI O’CONNELL: KOSOVA ËSHTË SHTET I KAPUR

Published

7 years ago

23 May, 2019

Ambasadori i Britanisë së madhe në Kosovë, Ruairi O’Connell në faqen e tij të Facebook-ut ka shkruar se ai nuk mund tua garantojë investirorëve Britanikë sigurinë e investimeve në Ferizaj gjersa në krye të policisë regjionale është Emin Beqiri. Këto komente Ambasadori i bëri gjatë një sesioni pyetje – përgjegje me qytetarë të Kosovës, ku morën pjesë mbi 500 qytetarë. Në pyetjen e një qytetari për mendimin e ambasadorit O’Connell nëse problem kyç i Kosovës janë gjykatësit e korruptuar, ambasadori i Mbretërisë së Bashkuar është përgjigur:

“ Rasti i Emin Beqirit me vjen ne mendje. Ai ishte incizuar duke u perfshire ne gjera te keqija. Ai u shpall i fajshem nga gjykata themelore, dhe eshte hedhur poshte nga gjykata e apelit, per deri sa gjykata supreme e sheh si jo te ligjshme, por sipas standardeve te te drejtave te njeriut qe jane te rendesishme qe ne pergjithesi, Beqiri nuk vuajti asnje denim. Dhe pastaj transferohet dhe nuk largohet nga puna nga ana e policies Ai eshte shef i policise ne Ferizaj. Une kam investitor Britanik te cilet duan te investojne ne Ferizaj, por si mund te ulem une ne takim me ta dhe te ju them ‘Mos u brengosni sepse policia ne Ferizaj do t’ju ruaje’, kur ne e dime se njerezit si keta udheheqin policine, dhe kur e dime qe keto lidhje me kriminalitetin vazhdojne dhe kur sistemet gjyqesore bejne gabime dhe nuk ka pergjegjesi per ata gjykates qe jane duke i bere keto, dhe eshte nje fjale per kete: kapje e shtetit.
Eshte jetesore qe ndryshimet te ndodhin. Jemi duke punuar me Ministrine e Drejtesise, dhe eshte me rendesi te themi dy gjera: Kosova ka nevoje per asistence qe te sigurohet integriteti i gjykatesve dhe prokuroreve qe keto mos te ndodhin ne te ardhmen. Por edhe keta gjykates dhe prokurore te cilet nuk pajtohen me ate qe ndodhe, te tregojne trimeri. Kemi pare disa arrestime javen e kaluar dhe eshte me rendesi jetesore qe gjithe sistemi te dije se ne jemi duke vezhguar dhe Bashkesia Nderkombetare eshte duke vezhguar. Ne deshirojme te shohim rezultate dhe prokuroret sikur z.Hamiti qe kane treguar guxim do kene gjithmone perkahjen tone. “

Ferizaj

Një burrë theret me kaçavidë nga dy persona në Ferizaj

Published

2 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

3 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.