Ferizaj

Shënohet Dita e Fëmijëve

Published

7 years ago

01 June, 2019

Fëmijë të klubeve sportive e kulturore të Ferizajt por edhe filloristë të tjerë defiluan sheshit të këtij qyteti , duke përçuar mesazhe se po festojnë ditën e tyre, 1 qershorin.
Drejtoresha e Kulturës e Rinsië dhe e Sportit, Xhemile Murati Shabani, tha se janë përkujdesur që dita e fëmijëve të shënohet me shumë aktivitete në Ferizaj

“Të tre sektorët e drejtorisë kanë bërë një organizim të përbashkët, është filluar me defile nga grupe të ndryshme ku në sheshin para komunë, atje klube sportive kanë mundur të bëjnë demonstrimin e sportve të tyre, në të njejtën kohë është zhvilluar një akitivitet edhe nga ansambli i valleve nga fëmijët e vegjël, dhe aktivitete të tilla do të ketë gjatë tërë ditës. Përvec këtyre ka qenë një bashkëpunim me FSK-në, Policinë, Urgjencën, KFOR-in ku ata kanë interpretuar për shërbimet që i bëjnë ata” – u shpreh drejtoresha Murati.

Përfaqësues të klubeve sportive në Ferizaj thanë se qëllimi i këtij organizimi është që të tregojnë se Ferizaj ka kulturë sportive dhe më e ka çka është më e rëndësishmja, se ka rini të shëndoshë.

“Në bashkëpunim me departamentin e rinisë e në nivel të të gjitha klubeve komunale kemi organziuar ditën dnërkombtare të fmëijëve. Kemi bërë një defilim sheshit dhe para komunës kemi shpërfaq teknikat dhe disa demonstrime të klubit “Kastrioti”, do të thotë është një simbolikë që me përkrahë rininë që në të ardhmen me u marrë sa më shumë me sport pasi sporti është ambasador”,- tha Raif Musa, nga klubi i karatesë “Kastrioti”.

Karateisti Fation Mahalla, tha se ishte i lumtur që defiloi e shpalosi teknikat e tij sportive para qytetarëve të Ferizajt.

“Jam nga klubi i karatesë”Kastrioti” jam shumë i kënaqur që sot është 1 qershori dhe poashtu jam shumë i kënaqur që kam dalur me klub në qytet, unë kam bërë disa pozita dhe jamë shumë i lumtur”, tha Fation Mahalla.

Ditën e fëmijëve në Ferizaj e shënuan edhe shoqatat të tjera joqeveritare. Në qendër të qytetit “Handikos” kishte ekspozuar produkte të ndryshme që ishin përgaditur nga fëmijë të kësaj shoqate.
1 Qershori shënohet në botë si Dita ndërkombëtare e mbrotjes së të drejtave të fëmijëve në përkujtim të kësaj date të vitit 1925, kur në Gjenevë u mbajt Konferenca Botërore për mbrojtjen e fëmijëve, ndërkaq zyrtarisht në disa vende të botës shënohet si Dita e fëmijëve që nga viti 1950.

Ferizaj

Ferizajasi dorëzon në polici portofolin e gjetur me dokumente dhe 160 €

Published

18 hours ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

1 day ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.

Ferizaj

“Ecim me policinë tonë” – Aktivitet në shënim të Ditës së Çlirimit të Ferizajt

Published

1 week ago

11 June, 2026

Redaksia

Në shënim të Ditës së Çlirimit, Stacioni policor në Ferizaj, organizon më 12 Qershor ecjen e përbashkët me Forcën e Sigurisë, institucionet lokale, shoqërinë civile, klubet sportive dhe organizatat e ndryshme.

Në njoftim bëhet e ditur se aktiviteti do të nisë nga Palestra e Sporteve “Bill Clinton”, fiks nga ora 08:30 dhe do të përmbyllet në Parkun e Lirisë, ku do të organizohet një koktej rasti, si dhe do të zhvillohen rrëfime historike nga pjesëmarrësit dhe diskutime të hapura mbi rëndësinë e kësaj dite dhe vlerat e saj.

Bashkohuni me ne në Ecjen për Lirinë – në rrugëtimin e përbashkët në nderim të Ditës së Çlirimit”, thuhet mes tjerash në ftesën e Stacionit policor të Ferizajt.