Ferizaj

Pluhuri i “Gropës” i bëri taksistët e Ferizajt për spital

Published

7 years ago

15 June, 2019

Ish sekretarja e shtetit amerikan, zonja Medllin Ollbrajt e nderoi popullin e Kosovës me pjesëmarrjen e saj në ceremoninë e 20 vjetorit të çlirimit të vendit. Ollbrajt erdhi dhe shkoi, ndërsa rruga e Ferizajt e cila mban emrin e kësaj figure më meritore për çlirimin e Kosovës, edhe pas 30 ditësh vonese, akoma ka mbetur si një shtresë e zhavorit të shtypur mbi “Gropë”.

Pluhuri i madh që po shkaktohet nga lëvizja e veturave dhe kamionave që po kalojnë atypari, përveç se po u bën dëme të mëdha bizneseve, ai edhe qytetarëve po ua rrezikon jetën dhe shëndetin.

“Çdo ditë këtu jam, prej pluhurit mbarum, atyre nuk është tu jav ni hiç, nuk interesohen me ardhë këtu e me pa gjendjen, a besoni që katër persona infarkt kanë pasur nga ky pluhur, katër taksista kanë probleme“, tha një taksist që është i stacionuar tek rrethi afër shtëpisë së pensionistëve.

“Ky pluhur, ky beton është tepër e rrezikshme, të paktën një shtres të vogël me dhënë“, tha Isak Muhaxheri.
“Vijnë e bijnë zhavor, e zhavori po i dëmton edhe veturat, kush i pagun këto dëme?“, pyeti një qytetar tjetër.

QytetarëT janë edhe kreativ se si të avansohen metodat e reja të transportit urban gjatë kohës së fluksit të mërgimtarëve, të cilët si zakonisht vijnë për pushime nga mesi i korrikut.

“Kur të vinë gurbetaqarët nuk e di, nashta me helikoter i çojnë a nuk e di përndryshe është tmerr!”, tha Muhaxheri.

Por ka dhe qytetarë që thonë se premtimi i dhënë për asfaltim të rrugës është duke u realizuar.

“Dëm është për neve por është përparësi që e kanë shtruar rrugën me zallë edhe pse pluhuri është, por firma është tu punu mirë dhe e ka kalu shumë mirë, është pak keq për fëmijë e pleq edhe pse na ka shkaktu dëme pak neve si biznese por jemi duke e marrë veten. Na kanë premtu këto ditë se kanë me kry krejt komplet, qysh kanë thanë me 14 të këti muaji, me 14 i kanë qitë pikat e kanë përfunduar.“, tha afaristi Arsim Ejupi.

Ekipi i TV Tema gjatë dy ditëve ka provuar të marrë një përgjigjje nga drejtori Bytyqi në lidhje me vonesën e asfaltimit, mirëpo ai nuk u është përgjigjur telefonatave nga redaksia jonë.

Ferizaj

Një burrë theret me kaçavidë nga dy persona në Ferizaj

Published

1 day ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.