Ferizaj

Mbahet protesta “Mos e betononi gjelbërimin!”

Published

7 years ago

28 June, 2019

Aktivistë të shoqërisë civile të udhëhequr nga OJQ “INPO”, përmes protestës kanë shprehur kundërshtimin e tyre ndaj projektit për të ndërtuar parking publik në parcelën e gjelbërt të ish – çerdhes publike në Ferizaj.
Protestuesit me pankarta në duar, protestën e nisën nga parku i çerdhes së vjetër, për të marshuar drejt sheshit të qytetit dhe objektit të Komunës së Ferizajt.
“Mos e betononi gjelbërimin”, ishte llogoja mbrojtëse e kësaj proteste, përmes së cilës u kërkua që të ndalet aktiviteti i administratës së Agim Aliut që ka nisur të shkatërrojë parqet e qytetit një nga një.
Afrim Demiri në emër të shoqërisë civile, tha se Ferizaj ka marrë dukjen e një pakete betoni dhe përgjegjësia për këtë bie direkt tek pushtetarët.

“Asnjë përpjekje e komunës nuk mund ta arsyetojë vendimin për shëndërrimin në parking pothuajse të vetmit park të gjelbëruar në Ferizaj. Çdo arsyetim zyrtar nuk është asgjë më shumë se një demagogji dhe një fshehje e qëllimeve të ulëta përfituese. Nuk duhet të lejojmë shkatërrimin e parqeve dhe sipërfaqeve të gjelbërta, përgjegjësia për këtë shkatërrim bie direkt mbi papërgjegjësinë politike. Shikoni qytetin tonë si duket, si një paketë betoni, lumi i betonuar, rrugët pa asnjë dru, shumëkatëshet pa dritare, po i prejmë pyjet shekullore dhe po mbjellen pishat xhuxhe në saksi, kjo është politika mjedisore e qeveritarëve tanë”, u shpreh në emër të shoqërisë civile gazetari Afrim Demiri.

Protestuesve nga shoqëria civile iu bashkangjitën edhe asambleistët nga Vetëvendosja dhe LDK-ja, të cilët thanë se ky park do të bëhej shumë i mirë me pak investime, duke e ripërsëritur se me vendimin komunal përveç se është shkelur ligji për dhënien në shfrytëzim të pronës komunale, janë shkelur edhe politikat ambinetaliste.

Për protestën e shoqërisë civile Kryetari i Komunës së Ferizajt tha se po bëhet zhurmë pa nevojë pasi a’i do ta bëjë park atë vend por në një fazë tjetër, derisa vazhdoi të thotë se zmadhimi i kësaj çështje është bërë nga grupe dhe individë të caktuar. Aliu nuk e përjashtoi mundësinë që projekti Bashkimi i Qytetit mund të merr një pjesë të caktuar të kësaj parcele.

Burime të brendshme të projektit të “Gropës” japin indikacione se projekti do të “gëlltisë” edhe oborrin e shtëpisë së pensionistëve, ndërsa ende nuk dihet se cili do të jetë fati i ndërtesës dhe banorëve të këtij lokacioni.

Ferizaj

Gjatë qershorit në Ferizaj janë konfiskuar 74 motoçikleta

Published

1 day ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

4 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

4 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.