Ferizaj

PDK, AAK DHE AKR në Ferizaj gjithashtu të gatshme për zgjedhje

Published

7 years ago

24 July, 2019

Për PDK-në e Ferizajt zgjedhjet jane alternativa e vetme për situatën aktuale politike. Kryetari i këtij subjekti politik në Ferizaj njëherit anëtar kryesisë së PDK-së, Agim Aliu tregoi se partia e tij tashme i ka të gjitha përgatitjet për t’i hyre gares se radhes për pushtetin qendror. Sipas Aliut, qëndrimi aktual i PDK-së është që në këto zgjedhje të garojë e vetme, por pa vendosur vijë të kuqe për koalicione të mundshme.

“PDK është partia e cila në këto zgjedhje e gjen si partinë më të strukturuar dhe më të përgatitur se çdo parti tjetër. Ju e dini që ne sapo kemi përfunduar një proces zgjedhor të brendshëm dhe prandaj lirisht mund të themi se PDK-ja është më e përgatitur për këto zgjedhje deri sa subjektet e tjera janë në fazën e përfundimit të këtij procesi. Ajo që ne e kemi parë gjatë këtij procesi të zgjedhjeve tona është masovizimi i partisë demokratike ne mënyrë të veçantë i të rinjëve që e shohin perspektivën në PDK. Ndryshe, PDK -ja ka qëndrim se do të garojë e vetme , mundësia që të ketë një koalicion është një lloj përsëritje e vitit 2014, kryesisht me disa parti që kanë qenë më të afërta me PDK. Por sido që të jete, kjo nuk është pikë, pasi që gjërat kanë evoluar, kanë ndryshuar”, tha Aliu.

Ndërkaq për kryetarin e AAK-së në Ferizaj Xhavit Zariqin, partitë që përjashtohen për koalicion janë PDK e Vetëvendosje, ndërkaq, për ndryshim nga deklarimet e shefit të tij, Zariqi e sheh mundësinë reale të koalicionit edhe me LDK.

“Aleanca deri më tani nuk e ka asnjë vijë të kuqe për dikë, por asnjë preferencë të jashtëzakonshme për dikë. Në mbledhjen e fundit të kryesisë kemi marrë vendim që në zgjedhje të shkohet vetëm, me mundësi bisedimesh pastaj sipas asaj që mund te rrjedhë në vazhdim. Normal që ka spekulime gjithandej, por si e mundshme është që të shkohet në koalicion me Nismën, PSD- në dhe AKR dhe siç e thashë, nuk përjashtojmë askë tjetër. Më e mundshme është që të shkojmë me LDK, e me e pamundëshmja është me PDK-në e Vetëvendosjen”, u shpreh Zariqi.

Të përgatitur për zgjedhje u shprehën edhe drejtues të AKR-së. Sipas Amir Rexhepit, subjekti i Behxhet Pacollit është i gatshëm për çdo bashkëpunim.

“Në mbledhjen e fundit që kmei mbajtur, presidenti Pacolli është përcaktuar shef i shtabit si dhe së shpejti do të formohen shtabet në nivel të degëve. Sigurisht që edhe AKR-ja do të jetë pjesë e koalicioneve, të shohim se si do të vendosë kryesia, ndërsa ofertat janë të shumta nga partitë politike”, tha Rexhepi.

E kur jemi tek listat e kanidatëve për deputet të parlamentit, partit e këtushme politike thone se kanë strukturë të përgatitur për përfaqësim dinjitoz.

“Ne do ti kemi më të mirët në kuadër të më të mirëve të degës së PDK-së, për të garuar në garën për kuvendin e Kosovës, për të na përfaqësuar denjësisht dhe që pastaj përmes përfaqësimit të këtyre të vazhdojmë suksesin e Ferizajt. Jo unë nuk do të kandidoj, sepse do ta kryej detyrën e kryetarit të komunës dhe kjo nuk do të ishte e moralshme nëse unë kandidohem”, tha Aliu.

“Normal që ambiciet janë shfaqur dhe janë shumë normale, por që ne ende nuk kemi marrë vendim se cilët mund të jenë kandidatët per deputet. Nuk e di akoma, por besoj që edhe unë do te kandidohem, pavarësisht që kjo akoma nuk është përfundimtare”, u shpreh Zariqi i AAK-së.

“Sigurisht që edhe dikush prej degës së AKR-së në Ferizaj do të jetë pjesë e listës së kandidatëve për parlament, por këtu vendos këshilli drejtues”, tha Rexhepi i AKR-së.

Ndryshe pothuasje të gjitha partitë politike në Ferizaj tashmë e kanë përfunduar procesin zgjedhor brenda subjekteve të veta, ndërkaq të gjitha u shprehën se janë në pritje të vendimit të presidentit të vendit për shpalljen e zgjedhjeve të jashtëzakonshme.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

13 hours ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

2 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

5 days ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.