Ferizaj
PZHK-ja e Ferizajt kthehet në pikën zero, në fuqi planet rregullative të vitit 2012
Pas një beteje dyvjeçare nëpër Gjykata të Kosovës, drejtësia filloi të buzëqeshë për banorët e lagjes “Astrit Bytyqi” të cilëve Komuna e Ferizajt padrejtësisht dhe me shkelje ligjore, përmes miratimit të Planit Zhvillimor, kishte nisur t’ua shndërrojë pronat e tyre në një kantier ndërtimi të lartë, në kundërshtim me vullnetin e shprehur të shumicës së pronarëve, që kjo zonë të mbetej lagje e ndërtimit të ulët.
Konkretisht, Gjykata Administrative në Prishtinë, me Aktgjykimin e djeshëm nr. 1675/2017 ka anuluar vendimin e Ministrisë së Planifikimit Hapësinor KSHA 926/17, i cili gjatë vitit 2017, pa bazë ligjore dhe pa i administruar provat e palëve, pat hequr pezullimin e pëlqimit të Ministrisë së Planifikimit dhe i pat hapur rrugë Kuvendit të Komunës së Ferizajt që më 21 Shtator të vitit 2017 të miratojë Planin e ri Zhvillimor 2017-2025.
Implementimi i PZHK-së re nga administrata kaluar dhe nga administrata e tanishme komunës së Ferizajt, ka rezultuar me dhënie të lejeve ndërtimore pa kriter dhe në kundërshtim me planet rregullative të Zonave 1,3,6,7 dhe 8 të cilat sipas ligjit janë ende ne fuqi.
Mirëpo Gjykata Administrative me aktgjykimin e vet ka aprovuar provat e paditësit Imri Haliti, dhe ka gjetur se Komisioni i MMPH-së, gjatë shqyrtimit të ankesave, në kundërshtim me dispozitat e Ligjit për Procedurën Administrative, nuk e kishte dëshmuar me prova se Komuna e Ferizajt i ka plotësuar kërkesat e vendimit të Inspektoratit të Ministrisë së Planifikimit, që nga Plani Zhvillimor të largohej kategorizimi i ndërtimeve të larta dhe të ulëta, sepse kjo ishte në kundërshtim me udhëzimin administrativ UA 11/2015, ku ceken përmbajtja dhe procedurat e miratimit të Planit të ri.
Gjykata Administrative ka vërtetuar se vendimi i Ministrisë ka kundërshtim në mes të përmbajtjes dhe dispozitivit dhe se nuk mund të bëhet analiza e ligjshmërisë së tij.
Gjykata Administrative poashtu ka gjetur prova se Komisioni i Ministrisë së Planifikimit ka pasur në përbërje persona që janë në konflikt të interesit, dhe se njëri nënshkrim në raportin e komisionit të Ministrisë ka qenë i paautorizuar.
Këto gjetje të Gjykatës Administrative i hapin rrugë edhe prokurorisë speciale të Kosovës që në bashkëpunim me Prokurorinë e Ferizajt të nisin hetime edhe kundër zyrtarëve të Ministrisë së Planifikimit Hapësinor për keqpërdorim eventual të detyrës zyrtare dhe tejkalim eventual të kompetencave, në lidhje me shkeljet e vërtetuara të Ligjit 04/L-174 dhe Udhëzimeve përkatëse administrative, ndërsa banorëve të rrugës “Astrit Bytyqi” u mbetet në dispozicion mundësia që të ngrisin kallëzim penal dhe të kërkojnë dëmshpërblim për ”dëmet e mëdha e të pariparueshme”, si prova të pranuara në aktgjykimin e kësaj Gjykate.
-
Kosovë5 days agoOsmani: Kuvendi nuk mund të bllokohet për një nënkryetar
-
Kosovë2 days agoSHBA-ja pezullon dialogun e planifikuar strategjik me Kosovën shkaku i veprimeve të Qeverisë
-
Kosovë2 days agoOsmani kërkon unitet politik për çështjen e dialogut strategjik me SHBA-të
-
Kosovë6 days agoOsmani do t’i dërgojë Gjykatës Kushtetuese komente për çështjen e konstituimit të Kuvendit
-
Kosovë5 days agoSerbia arreston një person në Merdare nën dyshimin për “krime lufte” në Podujevë
-
Kosovë1 day agoI arrestuari për krime lufte dyshohet se mori pjesë në vrasjen e 71 shqiptarëve në Vushtrri
-
Kosovë3 days agoKosova ngre aktakuzë ndaj një personi të dyshuar për spiunazh për Serbinë
-
Kosovë3 days agoPakicat joserbe i kërkojnë Kushtetueses të hedhë poshtë ankesën e Listës Serbe