Ferizaj
Vjen për pushime, bëhet për mjekim nga pluhuri
Është një rrugë e rëndësisë së madhe për qarkullim alternativ nëpër qendër të Ferizajt, një rrugë që mban emrin e dëshmorit “Tahir Sinani”. Por për shërbimet komunale të Ferizajt, si duket, mirëmbajtja e kësaj rruge nuk është në prioritet. Për këtë flet balta që flen mbi të gati disa javë, duke e lënë këtë rrugë të shëmtuar , dhe që e merr pamjen e një shtegu malor në mes të qytetit . E gjurmët e baltës na sjellin tek punishtja e projektit “Bashkimi i Qytetit” (B. i Q.)
Përderisa banorët e Ferizajt janë pajtuar me këtë gjendje, kjo po del të jetë e papranueshme për mërgimtarin Mustafë Mustafa, i cili ka ardhur për pushime në vendlindje. Por, ai thotë se me tu kthyer në Francë, është i detyruar që të shkojë tek mjeku i syve, meqë pluhuri i këtushëm po i’a dëmton sytë. Ai ankohet se ecja nëpër qytet edhe këpucët e reja i bën të duken të vjetruara, sikur të ishin të para disa dekadave.
“Unë jetoj në Francë, po këtu edhe për sy është keq për mua, se kur po çohet pluhuri po duhet me shku te mjeku atje menjëherë. E kam shtëpinë pak ma poshtë, derisa të shkoj atje, krejt pluhur. E në Francë nuk i pastroj kurrë, i blej e shkoqen e nuk i pastroj hiç. Në Francë ma e fshine është rruga se shtëpia, e këtu mos vet valla“, u shpreh mërgimtari Mustafa.
Kurse një punonjës i një autolarjeje në këtë rrugë, prapa kamerës tha se ka muaj që nuk ka parë ndonjë automjet duke e pastruar këtë rrugë.
“Na pengon shumë, duhet kjo rrugë me u pastru çdo mbrëmje e në mëngjes, por kjo a është pastru një herë në vit ajo”, tha punëtori i autolarjes.
Drejtori i Shërbimeve Publike në Ferizaj, Arben Halili, përmes telefonit deklaroi se shërbimet komunale çdo ditë po e pastrojnë rrugën “Tahir Sinani”, mirëpo ajo prapë po bëhet me baltë shkaku i punimeve në projektin “Bashkimi i Qytetit”. Autoritetet komunale të Ferizajt ende nuk kanë bërë të ditur nëse inspektorati i kësaj komune ka shqiptuar ndonjë gjobë për baltosjen e rrugës “Tahir Sinani”, e cila në kohë të vizitave nga mërgimtarët , ka një frekuentim të shtuar të automjeteve dhe këmbësorëve.
-
Ferizaj3 days agoNdahet nga jeta veterani i UÇK-së, Avdi H. Ahmeti
-
Kosovë1 week agoMe kërkesa për dorëheqje dhe përgjegjësi penale mbahet protesta për vrasjen e Arlinda Zekajt
-
Kosovë1 week agoSuspendohen 11 zyrtarë policorë, kryeprokurorja e Pejës dhe prokurorja e rastit të Zekajt
-
Kosovë1 week agoKurti për vrasjen e Arlinda Zekajt: Qartazi ka pasur një zinxhir sistemor lëshimesh nga institucionet
-
Kosovë1 week agoGazmend Hoxha jep dorëheqje si Drejtor i Policisë
-
Kosovë1 week agoGjenden mbetje mortore në veri, dyshohet se mund t’u përkasin viktimave të luftës në Kosovë
-
Kosovë2 days agoArrestohen pesë persona dhe sekuestrohen 37 kilogram heroinë
-
Botë1 week agoTë paktën 68 të vdekur pas përplasjes së trenave të shpejtë në Spanjë
-
Kosovë3 days agoTre të arrestuar në Kosovë në aksionin ndërkombëtar kundër mashtrimeve me investime
-
Botë3 days agoSHBA-ja rikthen Rusinë dhe Ukrainën në tryezën e bisedimeve
-
Kosovë3 days agoPas 15 vjetësh, ngrihet aktakuzë në mungesë për vrasjen e Diana Kastratit
-
Botë2 days agoDemokratët marrin kontrollin e Kongresit