Ferizaj

Sojevasit rrezikohen nga ujërat e zeza

Published

7 years ago

25 August, 2019

Disa lagje të fshatit Sojevë të Ferizajt janë në hall me rrjetin e kanalizmit i cili është shpërfaqur nëpër tokat e tyre. Ata thonë se janë të rrezikuar nga epidemitë, pasiqë ujërat e zeza po depërtojnë edhe në puset e tyre, prej nga ata furnizohen me ujë të pishëm.
Rrahim Kçiku, pronar i një restoranti në këtë fshat, thotë se përveç që është i rrezikuar ai së bashku me familjen e tij, po dëmtohet edhe si biznes pasi klientët po i ikin shkaku i kundërmimit që vie nga kanalizimi.

” Ne e kemi një restorant këtu, vijnë klientët, nuk munden me qëndru nga ernat, është i mbyllur kanalizmi dhe nuk bahet. Shtëpitë i kemi andej, në mbrëmje nuk dilet me nejt jashtë, është vështirë me jetu kështu, veç kush nuk e di. Kjo mund të shkaktojë edhe ndonjë epidemi. Ujërat hynë edhe në lagjen më poshtë dhe hynë edhe në bunare të tyre, se ne ujësjellës nuk kemi, furnizihemi me këtë ujë. Tash kujt me ju drejtu ne?”, – pyeti Kçiku.

Përfaqësuesi i fshatit Sojevë, Sylejman Syla, tregon për kërkesat e vazhdueshme që i ka adresuar në Komunën e Ferizajt, por përveç premtimeve që ka marrë, ende nuk është bërë ndonjë zgjidhje. Ai thotë se vonesa e intervenimit, mund të shkaktojë helmim tek të gjithë banorët e fshatit.

“Unë kam bërë disa herë shkresa, ju kam adresu drejtorisë së shërbimeve publike, dhe konataktet i kam pas me Eminin zyrtarin i cili ka premtu se do ti sanojë këto gjëra. Më 15.05 kam bërë shkresë, më ka premtu se do të vie pas Dardanisë, pas asaj kanë ardhë dhe kur ju kam tregu vendin kanë thënë që nuk mundemi me hi dhe janë tërheqë, unë u thashë atëherë po e marr kanalizmin po e qes në asfalt dhe rregullone e po e kthej prap. Më pas, më kanë thënë se prej Tërrnit do të intervenojnë këtu, por prapë asgjë. Më datë 20.08 prapë kam bërë shkresën tjetër mirëpo asgjë. Unë 5-6 herë kam bërë shkresa i kam njoftu, mirëpo deri më tash ende asgjë. Problemi kryesor është që ky ujë shkon në lagjen e kronit dhe krejt ky kanalizim futet në bunaret e tyre, dhe kështu mund të vie deri tek helmimi i fshatit”,- tha Syla.

Zyrtarët e Drejtorisë për Shërbime publike të Ferizajt, në lidhje me problemin e paraqitjes së ujërave të zeza në Sojevë, u zotuan se javën e ardhshme do ta trajtojnë këtë çështje me prioritet.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

5 hours ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

4 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”