Ferizaj

PDAK kërkon rinumërim të votave

Published

7 years ago

08 October, 2019

Partia Demokratike e Ashkalinjve të Kosovës, po dyshon në manipulim të votave për zgjedhjet e parakohshme parlamentare që u mbajtën të dielën në Kosovë. Për t’i hequr dyshimet e tyre, kjo parti po kërkon rinumërim të votave.

“Kanë ndodhur parregullsi, pasi dy subjektet rivale që i kemi pasur i kanë pasur 260 vetë nëpër kutitë e votimit dhe ne dyshojmë se është keqpërdorur vota jonë që veç ka qenë e drejtuar për të votuar PDAK-në. PAE dhe PAI i kanë pasur nga 130 persona në vendvotime dhe aty ka mundur të manipulohet vota jonë që sot nuk e kemi, është mungesë në arkat tona. Nga të dhënat që i kemi, rivali jonë thotë i kemi 1 mijë vota dhe sipas të gjitha të dhënave atyre me automatizëm u mungojnë 700 vota sepse në Greme, Surçinë, Cërnillë, Lloshkobare, Manastric nuk ka nga komuniteti jonë, por vlera e cila ka 704 vota ato janë të papranueshme dhe ne gjithsesi kërkojmë rinumërim të votave apo ata njerëz që e kanë bërë këtë të merren organet e drejtësisë me ta”, tha Danush Ademi.

Sekretari i përgjithshëm i PDAK-së Asllan Kryeziu, thotë se këto vota nuk përkojnë me realitetin.

“Si ka mundësi në zemër të Drenicës me qenë më i votuar Etem Arifi se Ramiz Lladrovci, si ka mundësi që në Kaçanik 203 vota me i pas Etem Arifi, është tmerr, po ashtu edhe në Surçinë, ne mendojmë që PLE është rritë për 2,500 vota pa meritë që duhet t’iu zbresin, po ashtu mbi 1 mijë vota edhe PAI-së duhet t’iu heqen, konstatohen vota jo të rregullta në Ferizaj vetëm për PAI-në diku 400 vota që janë futur në kivot e që nuk përkojnë me realitetin e rezultateve zyrtare”, tha Kryeziu.

Në rezultatet preliminare të përditësuara gjatë ditës së sotme nga KQZ-ja, në nivel vendi PDAK ka marrë 1.818 vota, PAI e Etem Arifit 3.202, kurse PLE 5.071 vota.

Ferizaj

Bëhet i ditur identiteti i viktimave të aksidentit tragjik në Gjermani

Published

4 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

4 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

6 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.