Ferizaj

Pensionohet mësuesi dhe drejtori Halit Grainca

Published

7 years ago

21 October, 2019

Për herë të fundit po ngjitet këtyre shkallëve për të shkuar tek zyra në të cilën punoi 16 vite. Është ky Halit Grainca, i cili udhëhoqi shkollën ”Halit Ibishi” në Cërnillë për 4 mandate radhazi, ndërsa sot po del në pension.

Grainca, i cili përveç që udhëhoqi këtë shkollë 16 vite, ai ishte edhe mësuesi i parë i këtij fshati. Ai thotë se puna shumëvjeçare si mësimdhënës kishte edhe sfidat e saj.

“Jeta ime ka shkuar më gjatë ketu se në shtëpi, 45 vite, gati një gjysmë shekulli në shkollë. Kam filluar punën në arsim nga vitit 1974, në këtë shkollë kam qenë mësimdhënës, por edhe nga viti 2003 udhëheqës i kësaj shkolle e që kënaqësia ime ishte kjo se mision vetës ia kam dhënë që të edukoj dhe arsimoj gjeneratat dhe jam munduar t’ia arrijë. Puna në arsim është sfiduese, kemi perjetuar gjëra të rënda, kemi pasur pengesa, besa edhe burgim, por qëllim e kishim edukimin dhe arsimimin e gjeneratave të reja“, tha Grainca.

Grainca, thotë se ndihet i kënaqur që shkollën po e lë me një infrastrukturë mjaft moderne.

“Sot në shkollën tonë që është e vetmja në Kosovë zhvillohet mësimi online, çdo klasë ka laptop, smart tv, dhe janë të gjitha mjetet e konkretizimit, kështu që jam i kënaqur që po i lë me një infrastrukturë të shëklqyer dhe besoj se kanë me ia dalë“, tha Grainca.

Megjithatë, ai thekson se me daljen në pension nuk do të shkëputet tërësisht nga kjo shkollë. Thotë se do të jetë aty saherë që i kërkohet ndihmë.

”Duhet me dashtë arsimin, të gjithë duhet të përkushtohen, nuk është ditë e lehtë sot për mua, fëmijët i kam dashur, por kësaj shkolle nuk do t’i mungoj, nëse kanë nevojë për prezencën time, këshillat e mia gjithmonë do të jem prezent“, tha Grainca.

Përkushtimin për punën e drejtorit Grainca, e çmoi lartë kolegia e tij Minire Grainca, e cila punoi më shumë se 30 vjet me Graincën.

“Ka qenë mjaft shumë entuziat të punoj, e ka dashur punën, po ashtu ka qenë shume kolegial“, tha Grainca.

Pasardhëse e Graincës do të jetë Mereme Zhinipotoku, e cila thotë se nuk do ta ketë të vështirë ta udhëheq këtë institucion, pasi aty ka traditë menxhuese.

“Do të jetë privilegj për mua, por edhe përgjegjësi, mirëpo në këtë shkollë mendoj që nuk do ta kem vështirë menaxhimin pasi këtu ka traditë menaxhimi“, tha Zhinipotoku.

Fjalë miradie për Graincën tha edhe drejtori i Arsimit në Ferizaj Afrim Llabjani, i cili i dhuroi edhe një mirënjohje për kontributin e dhënë në arsim.

“Po e percjellim në pension një bashkëpunëtor të suksesshëm, një mësues, një drejtor të suksesshëm dhe si të tillë ne do të mundohemi ta ndjekim rrugën e tij“, tha Llabjani.

Për t’i uruar pensionimin drejtorit të tyre, nxënësit dhe arsimtarët kishin organizuar një program kulturo-artistik.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar