Ferizaj

Turne memorial në volejboll për Ismet Ramadanin

Published

7 years ago

23 October, 2019

16 vite më parë gazetari i sportit dhe anëtari i klubit të volejbollit ”Kastrioti”, Ismet Ramadani, ndërroi jetë në këtë sallë në të cilën e kaloi shumicën e kohës së jetës së tij. Pikërisht në këtë vend tashmë është bërë traditë që të organizohet turne memorial në volejboll për nder të jetës dhe veprës së tij.

Një i tillë u mbajt sot në Ferizaj, ku morën pjesë katër klube, dy nga Ferizaj një nga Gjilani dhe një klub nga Shqipëria.

Ekrem Qorrolli, bashkëpunëtor dhe mik i Ramadanit, tha se me vdekjen e Ismet Ramadanit, sportit ferizajas i humbi gjallëria që e kishte dikur.

“Kemi qenë fqinj dhe jemi rrit bashkë, me të kam kaluar vite e momente që janë të prekshme kur i kujtoj. Ai ishte një sportdashës i madh që nga fëmijëria, i përcillte të gjitha sportet e në fund më shumë me volejboll, ai ishte edhe gazetar i sportit, ka shkruar në gazetat më prestigjioze në Jugosllavi, prandaj një përbledhje për të ishte sportist, e luante vet, por më shumë iu përkushtua sportit në aspektin gazetaresk, ai emër nuk do të harrohet kurrë në Ferizaj”, tha Qorrolli.

Kurse, Arta Ramadani, e bija e Ismet Ramadanit, e cila është edhe trajnere e klubit të volejbollit “Kastrioti”, thotë se sa herë që hynë në këtë sallë ka emocione dhembje e krenarie.

”Babai është marrë moti me sport, por prej se kam filluar unë me volejboll është qasur në këtë sport dhe pikërisht në këtë sallë ai ndërroi jetë, sa herë hy në këtë sallë është e njëjta ndjenjë, por sot kur i shoh këta njerëz që kanë ardhur për nder të tij jemi krenarë, gjithë jetën e kam pasur me të, ka qenë shumë e vështirë për mua, në momentin që ka vdekë unë kam thënë që s’do të luaj më kurrë, por e kam mendu që ai e ka dashur këtë sport dhe unë e kam vazhduar, që në një formë ma ka lënë amanet me u marrë me këtë sport”, tha Ramadani.

Kurse, përfaqësuesit e klubeve, thanë se është kënaqësi të marrin pjesë në këtë turne që organizohet për nder të Ismet Ramadanit.

“Është një nder i veçantë që e kemi marrë një ftesë të tillë dhe ndjehem e nderuar për këtë ftesë dhe për këtë pjesëmarrje, po ashtu besoj që edhe prania jonë këtu është nder për familjen“, tha Lindita Hoxha, trajnere e klubit “Mirëdita”.

Mbështetëse të këtij turneu ishin Drejtoria e Kulturës në Ferizaj dhe Federata e Volejbollit të Kosovës.

“Një e di që po të ishte sot do të gëzohej shumë nga numri i familjeve të volejbollit”, tha Abedin Ibrahimi nga Federata e Volejbollit.

“Volejbolli në Ferizaj po na bën të ndjehemi krenarë, prandaj jam e privilegjuar që udhëheqi me këtë drejtori”, tha Xhemile Murati-Shabani.

Në këtë turne u ndanë kupa, medalje e mirënjohje për pjesëmarrësit.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

2 weeks ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.