Ferizaj

”Zona e pritjes” shfaqet në natën e tretë të Festivalit të Teatrove

Published

7 years ago

24 October, 2019

Me shfaqjen “Zona e pritjes” nga regjisori Fatos Berisha, të ekzekutuar nga teatri i Shkodrës, në teatrin “Adriana” të Ferizajt, mbrëmë është mbajtur nata e tretë e Festivalit të Teatrove. Regjisori Agim Selimi tha se ishte nje shfaqje përplot emocione.

“Një shfaqje shumë e thjeshtë, mirëpo shumë domethënëse, mendoj që sa e kam parë teatrin e Shkodrës që 20 vite nuk kam pa shfaqje që ka qenë më me këmbë në tokë dhe më mirë që kanë luajtur aktorët shkodranë, kjo flet për një bashkëpunim shumë të mirë të një regjisori kosovar me aktorë të mrekullueshëm të Shkodrës, sepse gjithmonë aktorët e Shkodrës e kanë një lloj patosi, mirëpo në këtë rast ishin shumë normal dhe përcollën një mesazh me një thjeshtësi shumë të madhe me mesazh shum të madh për jetën e rëndomtë”, u shpreh ai .

Ndërsa, vet regjisori i shfaqjes Fatos Berisha tha se publiku ferizajas e priti shumë mirë këtë shfaqje.

“Ishte shumë interesant për mua, sepse publiku i Ferizajt e priti jashtëzakonisht mirë, jo vetëm që e priti mirë, por edhe ka reaguar saktësisht në ato vende ku ne e kemi planifiku gjatë provave, gjatë punës së procesit që këtu do të duhej të reagonin kështu dhe kjo ka qenë shfaqja më e mira sipas meje nga të gjitha shfaqjet, sepse ne kemi pas shfaqje edhe në Shkodër edhe në Tetovë edhe këtu, edhe ka qenë një publik si të themë super- super e saktë nëse mund të quhet kështu, pra në kuptimin e reagimeve, marrjes si të them të batutës, por edhe në fund m’u duk të duartrokitjes. Unë për vete u ndjeva shumë mirë dhe më vjen mirë, sidomos për trupën e Shkodrës me të cilët me aq sa pata rast të bisedoj pas shfaqjes, ishin jashtëzakonisht të kënaqur me pritjen e publikut në Ferizaj“, tha Berisha.

Rita Gjeka, aktore në këtë shfaqje, tha se e ka të vështirë të gjej fjalë për t’i shprehur emocionet që kishte nga pritja e audiencës ferizajase.

“Nuk di me e përshkru, sepse më kapi një emocion shumë i madh, edhe pse shfaqja është një shfaqje që ndjehemi të relaksuar ne si aktorë sepse regjisori ka bërë që ne me qenë të parët dhe është gati e padukshme puna e tij për një sy jo të stërvitur faktikisht pas reagimit të spektatorëve unë nuk kam fjalë, nuk di as çka të them, kam mbetur kështu si e mpirë, nuk e di nuk e prisja këtë lloj duartrokitje edhe tash që po më ndalin njerëzit, nuk e di veç duhet me thënë faleminderit Zotit jemi një, nuk e di, këtu në Ferizaj gjithmonë na ndodhë kjo gjë”, u shpreh Gjeka.

Ndërkaq, shfaqja “UN INSPEKTORI” me regji të Erson Zymberit, do të jetë shfaqja me të cilën do të vazhdoj nata e katërt e Festivalit të Teatrove në teatrin “Adriana” të Ferizajt.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.