Ferizaj

Vazhdojnë aktivitetet në muajin kundër kancerit të gjirit

Published

4 years ago

29 October, 2019

Ka një muaj që po organizohen aktivitete të ndryshme për sensibilizimin e grave rreth kancerit të gjirit. Një aktivitet me të njëjtin qëllim është mbajtur sot në Dubravë të Ferizajt me gratë e komuniteteve që jetojnë në këtë lokalitet. Me këtë rast, Shehide Jashari, tha se është hera e parë që mbahet një takim i tillë në Dubravë, duke kërkuar që takime të tilla të organizohen më shpesh në këtë fshat.

“I kena mledhë për kancerin e gjirit, për me pas mbledhje, për me e ditë ku me shku për këtë gratë e fshatit Dubravë. Hera e parë për këtë sëmundje, do të ishte mirë me pas këso takime jo vetëm për këtë sëmundje, por për gjithçka me gratë e komunitetit këtu në fshatin Dubravë “, u shpreh Jashari.

Ndërkaq, kryesuesja e Kuvendit Komunal të Ferizajt Kristina Gashi-Bytyqi, tha se takimet e tilla janë të mirëseardhura për t’iu rikujtuar grave që duhet të bëjnë kontrolle më të shpeshta mjekësore.

“Besoj se secila grua duhet ta ketë prioritet shëndetin, sepse gratë janë shumë të rëndësishme për familjen pa dashur me i diskriminu burrat, e dimë që bashkërisht ne jemi të rëndësishëm, mirëpo kujdesi i nënave është jashtëzakonisht i nevojshëm, kështu që për familjen, për fëmijët dhe besoj që një nënë e shëndetshme do ta ketë edhe një familje më të shëndetshme, andaj unë kam bërë edhe vizita te mamografi dhe kam parë punën e mamografit, stafin shumë të përkushtuar, kështu që këto aktivitete besoj që janë shumë të mirëseardhura që t’iu rikujtojnë grave se duhet të bëjnë kontrolle më të shpeshta”, tha kryesuesja e KK Gashi-Bytyqi.

Ndryshe, muaji tetor në Kosovë shënohet si muaji i ndërgjegjësimit kundër kancerit të gjirit.

Ferizaj

Kërcënohet me jetë Kenan Gashi, drejtor ekzekutiv i “AVONET”

Published

6 hours ago

27 April, 2024

Redaksia

Drejtori Ekzekutiv i rrjetit të OJQ-ve, “AVONET”, Kenan Gashi, ka njoftuar se është kërcënuar me jetë nga një palë e përfshirë në një rast që “AVONET” po e trajton në gjykatë.

Përmes një postimi në Facebook, Gashi bëri të ditur se rasti i kërcënimit dhe kanosjes ndaj tij nga ana e personit Faredin Grainca, ndodhi mbrëmjen e së premtes, në ambientet e spitalit rajonal të Ferizajt, por siç u shpreh Gashi, sulmi u parandalua falë zyrtarëve të Policisë që ishin të pranishëm në atë çast në vendngjarje.

Sipas Gashit, kërcënimet e sulmet e tilla janë shqetësuese për faktin se vijnë si rezultat i punës dhe aktivitetit publik të cilin e zhvillon në interes të përgjithshëm andaj edhe kërkon veprime të menjëhershme nga Policia e Kosovës dhe Prokuroria e Shtetit për inicimin e procedurës penale këtij personi.

Zëvendësdrejtori i policisë për rajonin e Ferizajt, major Qazim Reka, ka konfirmuar nisjen e hetimeve për këtë rast, për të cilin tha se është njoftuar edhe prokuroria dhe janë intervistuar të dyja palët.

Ferizaj

Policia në kërkim të dyshuarit të dytë për plagosjen me armë zjarri mbrëmë në Ferizaj

Published

9 hours ago

27 April, 2024

Redaksia

Zëvendësdrejtori i policisë për rajonin e Ferizajt, major Qazim Reka, ka konfirmuar se njëri nga të dyshuarit për të shtënat e mbrëmshme me armë zjarri është arrestuar ndërsa një i dyshuar tjetër është në kërkim.

Nga të shtënat me armë zjarri, që ndodhi mbrëmë rreth orës 23:45 më rrugën “ 12 Qershori” mbetën të plagosur dy persona të cilët u dërguan për trajtim në në emergjencën e Ferizajt.

“Dy meshkuj kosovarë kanë pësuar lëndime si pasojë e gjuajtjes me armë zjarri nga persona të panjohur. Të lënduarit janë dërguar për trajtim mjekësor në QKUK. Pas tretmanit mjekësor njëri i lënduar është liruar, ndërsa i lënduari tjetër ka dorëzuar armën me gaz dhe tre fishekë dhe i njëjti është dërguar në qendrën e mbajtjes”, thuhet në raportin e policisë.

Ferizaj

Arrestohet një ish zyrtar i gjendjes civile në Ferizaj

Published

3 days ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.