Ferizaj

Shënohet Dita Botërore pa Viktima në Trafikun Rugor

Published

7 years ago

30 October, 2019

Nën organizimin e Shoqatës së Sigurimeve të Kosovës në bashkëpunim me Ministrinë e Infrastrukturës dhe Policinë e Kosovës, para studentëve të Fakultetit të Shkencave të Aplikuara në Ferizaj, është bërë prezantim me temën “Dita Botërore pa Viktima në Trafikun Rugor” në kuadër të shënimit të “Ditës Botërore të përkujtimit të viktimave në trafikun rrugor”. Sami Mazreku, Drejtor Ekzekutiv në Shoqatën e Sigurimeve të Kosovës, tha se kanë bashkëpunim me shoqata ndërkombëtare dhe me institucione vendore për t’i vetëdijësuar dhe aftësuar qytetarët në fushën e sigurimeve.

“Qëllimi kryesor është të jemi prezent në çdo universitet të bëjmë prezantimin, ligjërata me qëllim të vetëdijësimit dhe të përafrimit sa më shumë në fushën e sigurimeve. Që nga viti i kaluar aktivitete më të shumta kemi pas me Policinë e Kosovës dhe me Ministrinë e Punëve të Brendshme, për shkak se kemi një temë e cila është shqetësuese për neve, është numri i automjeteve të paregjistruara, e të cilin po mundohemi që ne forma të ndryshme ta ulim sa më shumë”, tha Mazreku.

Nënkolonel Jeton Rexhepi, drejtor i Divizionit të Komunikacionit Rrugor në Policinë e Kosovës, tha se që nga viti 1993, Kombet e Bashkuara kanë kërkuar që të dielën e tretë të nëntorit në të gjithë botën të ketë aktivitete të cilat kanë për qëllim sensibilizimin e të gjithë pjesëmarrësve në trafik.

“Ne si Polici i Kosovës që nga viti 2009 kemi marrë si rekomandim këtë datë, pothuajse çdo vit kemi aktivitete të ndryshme, ndoshta ndonjë formë më të vogël sesa këtë vit që jemi duke e realizuar, mirëpo në forma të ndryshme përmes konferencave, përmes tryezave, përmes pjesëmarrjes në shkolla të mesme, mirëpo këtë vit ne e kemi targetu qe kjo duhet të ngritet në nivel më të lartë, për shkak se numri më i madh i pjesëmarrësve në trafikun rrugor të cilët qoftë në cilësinë e këmbësorëve, por edhe pjesëmarrës si shoferë do të thotë është mosha mbi 18 vjeçare ose kur ata pajisen me patentë shoferë, andaj për këtë arsye ne po mendojmë që përmes këtyre prezantimeve, përmes këtyre kërkesave që do të jenë ne vijim dhe bashkëbisedimet do të ndikojmë që ky numër i aksidenteve, kjo gjendje e sigurisë në trafikun rrugor të jetë shumë më e mirë sesa viti aktual dhe vitet paraprake“, tha Rexhepi.

Ndërkaq, Fejzullah Mustafa, udhëheqës në Departamentin për siguri në komunikacionin rrugor në Ministrinë e Infrastrukturës, tha se duke i parë si problem global aksidentet me fatalitet edhe Kosova e ka vendorur si prioritet agjendën e sigurisë.

“Sepse të humbësh një jetë do të thotë shumë. Mendoj se të gjithë ne duhet të mendojmë për sigurinë rugore, të fokusohemi në sigurinë rrugore, sepse jemi pjesëmarrës të sigurisë rrugore. Një nga elementet kyqe është që si shofer, kur jeni shofer në automjetin tuaj keni njerëz më të dashur, njerëz që i doni më së tepërmi, do me thënë kemi prindërit, kemi vëllain, kemi motrën, bashkëshortin, fëmiun e juaj, për atë do me thënë kërkohet respektim që t’u përcjellim mesazhe të tjerëve për respektimin e rregullave të trafikut rrugor“, u shpreh mes tjerash Mustafa.

Në Kosovë që nga viti 2001 e deri në vitin 2018, në aksidente rrugore kanë humbur jetën mbi 2500 njerëz.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

15 hours ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

1 week ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 week ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”