Ferizaj

Gjendja e ”KF Ferizaj” shqetëson sportistët

Published

6 years ago

05 November, 2019

Të hysh në faqen zyrtare të klubit të futbollit “Ferizaj”, nuk sheh ndonjë lajm të mirë, përveç rezultateve negative, bojkotim të stërvitjeve, madje edhe publikime të atilla se sot u dhanë rrogat e po fillojmë stërvitjet.

E gjithë kjo situatë që është krijuar në klubin e futbollit të Ferizajt, po shqetëson trajnerët e këtushëm të cilët thonë se krejt kjo gjendje ka ardhë si pasojë e keqmenaxhimit.

“Kriza veç është thelluar, anija është kah fundoset, çështja është krejt tek menaxhimi benda klubit duke filluar nga kryetari, drejtori, bordi, kjo është arsyeja e vetme, por me ardh ”Ferizaj” në këtë gjendje nuk është në rregull, është shumë e dhimbshme. Ne, gjeneratat që kemi dhënë kontribut është e dhimbshme për ne. Brenda klubit duhet të japin përgjigje dikush pse është bërë privatizimi i klubit, merre shembull Gjilanin çfarë ekonomie ka, çfarë rezultate janë duke pas, po ashtu “Feronikeli” i Drenasit që nuk është as sa gjysma e ”Ferizajt”, çfarë rezultate ka po ashtu Podujeva, është tmerr i tmerrit se çfarë po ndodh me ”Ferizajn”, por këta e dinë më mirë, kurse për neve si kontribues është shumë e dhimbshme“, tha Qerim Shaqiri, trajner.

“Po flitet nëpër qytet se dikush i ka futur nja 2 hektarë tokë në këto muhabete kështu që ai që vjen prej Anglisë e shikon profitin, këtu është mjerim për ata që udhëheqin sportin, Drejtoria e Sportit është mjerim, është alarm i kuq në krejt degët e sportit. Unë si qytetar e aktivist i futbollit më brenë kjo punë dhe kjo nuk duhet të mbetet kështu, kjo hallkë e këputur duhet të ngjitet, për momentin nuk e kemi as ligjin e sportit, kemi kuadro, por edhe në vendin e vet nuk janë dhe kjo është mjerim, këtë e ka për obligim Drejtoria në krye me kryetarin e komunës ta zgjidhë”, u shpreh Ahmet Sylejmani.

“E gjithë energjia në futbollin e Ferizajt ështe e fokusuar në klubin futbollistik “Ferizaj”, sidomos në kategorinë e seniorëve, unë mendoj se janë lënë anash kategoria e juniorëve dhe lojtarë të klubeve të cilët po janë të interesuar nga klubet e Tetovës, Gjilanit, e të tjera. Derisa ka shumë lojtarë që ne i kemi vlerësuar të dobët ata në klube të tjera janë titullar, që fatkeqësisht ne i kemi vlerësuar jo drejt dhe këtu është gabim i madh, njerëzit që kanë bagazh profesional nuk është marrë mendimi i tyre dhe këtu peshën e fajit e ka Drejtoria për Sport”, tha Agron Selmani, trajner.

Ata shprehen të zhgënjyer me mënyrën e privatizimit të këtij klubi.

“Me privatizimin e klubit është bërë një gabim, sepse u është dhënë njerëzve që i kemi parë veç kur është bërë nënshkrimi dhe asnjëherë tjetër, t’u jepen aksione 51% të huajve është e tepërt sepse ky është klub qyteti”, tha Shaqiri.

“Akterë të cilët e kanë marrë nën menaxhim klubin që thonë 51% anglez është një çështje që mbetet për t’u dëshiruar, ai person që ka ardhë prej Anglisë ai e ka një interes dhe interesi i tij është material dhe i bie që është një punë jo e mirë“, tha Sylejmani.

Për gjendjen e klubit të futbollit “Ferizaj”, u kërkua të diskutohet edhe në seancën e fundit të Kuvendit Komunal nga grupi i kuvendarëve të LDK-së, por ky propozim nuk u përkrah nga shumica.

Ferizaj

Ferizajasit mund të ballafaqohen me rrezikun nga vërshimet

Published

23 hours ago

18 November, 2025

Redaksia

Nga reshjet e dendura të shiut që vazhduan nga mbrëmja e së hënës, banorët e Ferizajt e sidomos ata që banojnë pranë rrjedhës së lumit dhe kanaleve të ujitjes, mund të rrezikohen nga vërshimet.

Kjo pasi paralajmërimet e meteorologëve bëjnë të ditur për mundësinë e vazhdimit të reshjeve edhe në ditët vijuese.

Njoftim për rrezik të shtuar nga vërshimet dhe masat e kujdesit ka bërë edhe komuna e Ferizajt në faqen zyrtare të saj.

“Në bazë të situatës së fundit meteorologjike dhe reshjeve të dendura që kanë përfshirë rajonin, njoftohen qytetarët se ekziston rrezik i shtuar për paraqitjen e vërshimeve në disa zona.

Kërkohet nga qytetarët që:

• Të tregojnë kujdes të shtuar gjatë qarkullimit, veçanërisht pranë rrjedhave ujore, kanaleve dhe zonave ku ka grumbullim uji;

• Të shmangin lëvizjet e panevojshme në zonat me rrezik të lartë;

• Të raportojnë çdo situatë të mundshme emergjente në numrat 192 dhe 193.

Ekipet emergjente dhe Policia janë të angazhuara në terren dhe po monitorojnë gjendjen në mënyrë të vazhdueshme, me qëllim të sigurimit të një reagimi të shpejtë dhe efektiv”, thuhet mes tjerash në njoftim.

Ferizaj

Varrimi i ferizajasit që vdiq tragjikisht bëhet pasditen e sotme në fshatin Mirash

Published

4 days ago

15 November, 2025

Redaksia

Shpend Qalaj, që humbi jetën tragjikisht të premten, do të varroset pasditen e sotme në varrezat e fshatit Mirash të Ferizajt, njoftoi familja përmes një postimi në facebook.

I ndjeri humbi jetën pasi ra në kontakt me rrymën derisa po punonte në pullazin e shtëpisë në Mirash.

“Është raportuar se viktima mashkull kosovar, deri sa ishte duke punuar në pullazin e shtëpisë ka rënë në kontakt me rrymën dhe si pasojë ka humbur jetën. Vdekjen e viktimës e ka konstatuar mjeku ndërsa me kërkesë të familjarëve dhe konsultim me prokurorin trupi i pajetë u është liruar familjarëve për ceremoni mortore”, thuhet në raportin 24 orësh të policisë.

Ferizaj

Të shtunën ndërprerje e energjisë elektrike në Ferizaj – këto janë lokalitetet që mbesin pa rrymë

Published

5 days ago

14 November, 2025

webmaster

KEDS ka njoftuar për ndërprerje të domosdoshme të energjisë elektrike që do të realizohen këtë të shtunë në disa zona të Ferizajt dhe fshatrave përreth, për shkak të punimeve për sigurinë e sistemit dhe bartjes së kabllove në kthinave të reja.

Shkyçjet do të ndodhin kryesisht nga ora 08:00 deri në 12:00, ndërsa disa zona do të preken nga ora 10:00 deri në 12:00.

Njoftimi i plotë nga KEDS:
Punime të domosdoshme për siguri të sistemit

1.
Nga TS 35/10[kV] Ferizaj II do të ndërprehet:
LP 10kV J15 Kosova Transi 2 (kodi:40041037) nga ora 08:00 deri 12:00
Vendet:, Rr.Ahmet Kaçiku ( nje pjese),rr.Besim Fazliu, rr. Naim frashëri rr. Marie Shllaku nga nje pjese.
Arsyeja: Ndërprerje për siguri. Bartja e kabllove dhe energjzimi i kthinave te reja.

2.
Nga TS 35/10kV Ferizaj II do të ndërprehet:
Dalja 10kV Drejtimi i Sillosit (kodi: 40041001) nga ora 08:00 deri 12:00
Vendet: Ferizaji një pjesë, Talinovci i Muhaxherëve, Sazlia, Papazi, Pojata, Rahovica, Softaj dhe Fusha e Madhe.
Arsyeja: Ndërprerje për siguri. Bartja e kabllove dhe energjzimi i kthinave te reja.

3.
Nga TS 35/10kV Ferizaj II do të ndërprehet:
Dalja 10kV J12 Banka 1&2 (kodi: 40041039) nga ora 08:00 deri 12:00
Vendet: MBTS Banka,TS Fatmir Rashani,TS Halil Haxhidema,TS TMK Ndertesa,TS Koncorzium Komuna (përball Spitalit).
Arsyeja: Ndërprerje për siguri. Bartja e kabllove dhe energjzimi i kthinave te reja.

4.
Nga TS 35/10kV Ferizaj II do të ndërprehet:
Dalja 10kV J11 Kazerma (kodi: 40041020) nga ora 08:00 deri 12:00
Vendet: TS Kazerma dhe TS Minexi.
Arsyeja: Ndërprerje për siguri. Bartja e kabllove dhe energjzimi i kthinave te reja.

5.
Nga TS 35/10kV Ferizaj II do të ndërprehet:
Dalja 10 kV J07 Fitorja (kodi: 40041007) nga ora 08:00 deri 12:00
Vendet: TS Fitorja, Fabrika e Bukes dhe Elsam Company
Arsyeja: Ndërprerje për siguri. Bartja e kabllove dhe energjzimi i kthinave te reja.

6.
Nga NS 35/10kV Ferizaj II do të ndërprehet:
Dalja 10kV J06 Betoni (kodi: 40041002) nga ora 08:00 deri 12:00
Vendet: Rr.”Prizrenit”, Saraishta, Lloshkobare, Llojza, Kosinë, Slivova, Dremjak dhe bizniset private.
Arsyeja: Ndërprerje për siguri. Bartja e kabllove dhe energjzimi i kthinave te reja.

Nga TS 35/10kV Ferizaj II do të ndërprehet:
Dalja 10kV Ujëvara (kodi: 40041011) nga ora 08:00 deri 12:00
Vendet: Rr. Nerodimes, Ujëvara, Frigoriferi dhe Barakat.
Arsyeja: Ndërprerje për siguri. Bartja e kabllove dhe energjzimi i kthinave te reja.

Nga TS 35/10kV Ferizaj II do të ndërprehet:
Dalja 10kV Bablaku-Bizneset dhe Banka 3 (kodi: 40041041) nga ora 08:00 deri 12:00
Vendet: Bablak, Magjistralja Ferizaj-Prishtinë, Babush i Muhaxherëve, Babushi i Ri, Mirash, Cërnillë dhe Surqinë
Arsyeja: Ndërprerje për siguri. Bartja e kabllove dhe energjzimi i kthinave te reja.

* * *

Punime nga pala e tretë

1.
Nga NS 35/10kV Ferizaj III do të ndërprehet:
Dalja 10kV J05 Varoshi (kodi: 40042005) nga ora 10:00 deri në orën 12:00
Vendet: fshatrat: Elezaj (një pjesë), Gërlicë (një pjesë), Greme, Çardak-Kaçaniku i Vjetër (një pjesë), Magj. Ferizaj-Kaçanik (një pjesë), Rakaj dhe Varosh.
Arsyeja: Kryerja e punimeve sipas pëlqimit elektro-energjetik dhe projektit të aprovuar.

2.
Nga NS 110/35/10[kV] Ferizaj 1 do te ndërprehet:
LP J02 Drejtimi i Fshatrave (kodi: 40000002) nga ora 09:00 deri në ora 13:00
Shkyqja realizohet ne stabilimentin Natyrali (J02 Dardani) (J03Bibaj)
Vendet: Rrugët: Dardania, Haki Braha (1 konsumator), Mirosalë, Mirosalë lagjja Bytyqi, Dedaj dhe te Shkolla, Rexhep Bislimi (1 konsumator), Fshatrat: Sojevë, Dardani dhe Zllatar.
Arsyeja: Vendosjen e shtyllave sipas pëlqimit elektro-energjetik.

Nga NS 35/10[kV] Shtërpca do të ndërprehet:
Dalja 10[kV] J02 Molika (kodi: 40044007) nga ora 08:30 deri në ora 15:30
Vendet: TS Repititori, TS Shkolla Skijimit, TS Kulla dhe TS Hotel Molika.
Arsyeja: Eliminimi i problemeve teknike në transformator.