Ferizaj

Shkolla “Pesë Dëshmorët e UÇK-së” bëhet me kabinet të kimisë

Published

7 years ago

12 November, 2019

Shkollës fillore “Pesë Dëshmorët e UÇK-së” në fshatin Pleshinë të komunës së Ferizajt, i është mundësuar kabineti i kimisë nga organizata “CDF – Donatorë të zhvillimit të komunitetit” nga Prishtina. Iniciator për këtë ishte ish-nxënësi i kësaj shkolle Drilon Bajraktari, i cili ishte fituesi i grantit “Jetëso Idenë” në kuadër të programit BRICK nga kjo organizatë.

“Puna ka filluar nga muaji maj ku e kam kryer një trajnim me këtë organizatë, në fund të trajnimit më kanë mundësuar të aplikoj për një projekt dhe do të thotë projektin e kam fituar dhe i kam pasur në dispozicion 1500 euro për t’i ndihmuar një komuniteti. E kam zgjedhur shkollën e vendit tim ku si mungesë e kam parë një kabinet të kimisë edhe kam arritur ta realizojë”, u shpreh Drilon Bajraktari.

Për këtë projekt flet edhe Vjollca Kelmendi, anëtare e organizatës CDF.

“Nxënësit fillimisht kanë ndjekur një trajnim për të mësuar se si të aplikojnë për grante, pasi e kanë ndjekur këtë trajnim ata kanë aplikuar me idenë e tyre për çka kanë nevojë në komunitetin e tyre dhe njëra nga idetë është kjo, do të thotë e Drilon Bajraktarit që ka ardhur të bisedojë me shkollën se çka është e nevojshme për këtë shkollë dhe pastaj kanë rrjedhur të gjitha procedurat. Si këto projekte i kemi edhe 17 të tjera, ku nxënësit kanë aplikuar tek ne, disa shkolla kanë përfituar edhe dy-tri herë, kemi dërguar edhe libra, pajisje sportive, të ndryshme do të thotë, ky është një projekt shumë Iaraman që ndoshta duhet pak më gjerë të bisedohet për këtë program, por kjo është një ndihmesë e madhe, sepse po e shoh edhe nga shkolla janë shumë të kënaqur dhe shpresoj që të kenë edhe shumë ide të tjera edhe nga nxënës të tjerë në të ardhmen”, tha Vjollca Kelmendi.

Ndërkaq, drejtori i shkollës dhe nxënësit, u shprehën falënderues ndaj organizatës dhe Drilonit.

“Duke iu falënderuar ish-nxënësit tonë Drilon Bajraktari falë iniciativës së të cilit kemi përfituar këtë projekt, kabinet të kimisë, meqenëse kabineti është një mjet shumë efektiv dhe shumë atraktiv sa i përket lëndës së kimisë ose lëndët siç janë biologjia, fizika mund ta shfrytëzojnë këtë kabinet”, tha drejtori i shkollës, Bujar Shatrolli.

“ Jam shumë e lumtur sepse në librat e shkollës ka pasur shumë eksperimente që deri tani ne nuk kemi mundur t’i zbatojmë, por tash e tutje e kemi laboratorin dhe kjo do të na ndihmojë shumë që të kuptojmë njësitë mësimore”, tha nxënësja Leonita Bajraktari.

“Për mua është i dobishëm shumë sepse nuk kemi mundur t’i bëjmë eksperimentet të cilat kanë qenë në libër, po ashtu laboratori na nevojitet shumë në lëndët shkencore për shembull në kimi, fizikë dhe biologji”, tha Mentor Beka.

Organizata CDF ka 20 vite që përmes projekteve të ndryshme në infrastrukturë, shërbime sociale e të tjera, ndihmon fshatrat e ndryshëm të vendit.

Ferizaj

Bëhet i ditur identiteti i viktimave të aksidentit tragjik në Gjermani

Published

4 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

4 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

6 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.