Ferizaj

Prindërit ankohen se çantat e rënda po e rrezikojnë shëndetin e fëmijëve

Published

6 years ago

25 November, 2019

Për shkak të peshës së rëndë të librave që fëmijët mbajnë nëpër çanta, familjarët detyrohen që ato t’i bartin derisa i dërgojnë fëmijët e tyre në shkollë. Të shqetësuar për një mbingarkesë të tillë shprehen prindërit, të cilët kërkojnë nga Ministria e Arsimit të gjej një zgjidhje për këtë çështje mjaftë shqetësuese.

“Çdo ditë i përcjell fëmijët, 4 km e kanë larg shtëpinë, më duhet mua t’i përcjell sepse janë të vegjël, çantat e rënda, duhet çdo ditë t’i bartë unë dhe t’i marrë. Nëse ka mundësi ta bëjnë të mundshme t’i lëmë librat, disa që nuk kanë nevojë, t’i lëmë në shkollë, të kenë rafte sepse shumë të vegjël. Jo që flas vetëm për fëmijët e mi, por të gjithë në përgjithësi ashtu janë duke udhëtuar, shumë vështirë”, u shpreh Selim Kashtanjeva.

“Nuk është faji tek arsimtarët ose këshilli organizativ i shkollës, është faji i i ministrisë sepse ministria ka bërë shumë mungesa ka në planprogram ose në lëndë, kanë hequr disa libra, i kanë shtuar disa të tjera pa nevojë, janë disa libra ushtrimore që nuk i nevojiten shumë nxënësit”, tha Hekuran Shabani.

Shqetësimin për çantat e mbingarkuara të nxënësve e shpreh edhe një mësuese e shkollës ”Jeronim de Rada” në Ferizaj. Shkëndie Aliu thotë se nuk ka qenë e nevojshme që për secilin libër të bëhet fletorja e punës.

“Është dashur ta bëjnë me një libër, jo fletore pune, secila lëndë gati e ka edhe fletorën e punës, është dashur pasi janë shikuar librat të bashkohen në një libër të vetme, sepse përveç peshës që është e rëndë, librat edhe pse janë shikuar kanë materiale jo të duhura për moshën e fëmijëve, kështu që shqetësimet e prindërve janë me vend, por edhe ne si shkollë jemi duke u munduar që t’u ofrojmë mundësinë që pesha e çantës së fëmijës të jetë e lehtë”, tha Shkëndie Aliu.

Ndërkaq, doktor Iziadin Zahiri, pediatër në Qendrën Kryesore të Mjekësisë Familjare në Ferizaj, tregon për efektet anësore të bartjes së peshës së rëndë nga fëmijët.

“Shkaqet e bartjes së valixheve të rënda me numër të madh të librave kishin me qenë dhimbje shpine, shtrembërim i boshtit kurrizor që është një patologji, një sëmundje e rëndë për fëmijën për mjekim, kështu që mirë do të ishte për drejtorinë e shkollave që të marrin një vendim, të kenë një sirtarë të veçantë në klasa që t’i lënë ato librat, jo t’i mbajnë të gjitha për çdo ditë. Edhe unë kam fëmijë në arsim dhe e shoh që i kanë vërtet valixhet shumë të mëdha, sidomos klasët e para kanë një numër të madh të librave, kështu që i rëndojnë valixhet dhe është rëndë për fëmijën”, tha Iziadin Zahiri.

Ndërsa, Drejtori i Drejtorisë së Arsimit në Ferizaj, Afrim Llabjani tha se janë duke punuar rreth kësaj çështje me Ministrinë e Arsimit në Prishtinë.

“Ne këtë vit kemi shpërndarë edhe librat e reja me kurrikulë por prapë ka qenë pothuajse e njëjta ngarkesë, ndoshta me një lehtësim dikund pak më të madh, por jo ajo që është pritur, ajo që është kërkuar. Ne para një jave kemi pasur një takim me Ministrinë e Arsimit si regjion i komunës së Ferizajt, duke përfshirë edhe komunat rreth nesh që janë dhe në takimin që kanë pasur koordinatorët e cilësisë, drejtorët e shkollave dhe zyrtarë të Drejtorisë së Arsimit është diskutuar për pilotimin e këtyre teksteve shkollore, të cilat duhet të dihen se cilat duhet të mbesin se cilat duhet të përdoren dhe të cilat nuk duhet të mbesin për përdorim të mëtutjeshëm. Ne po mendojmë se ky pilotim që është duke u bërë, këto kontakte që ka pasur Ministria e Arsimit me komunat dhe zyrtarë të cilësisë dhe drejtorët e shkollave tregon faktin që është duke u punuar në këtë drejtim dhe me siguri pas verifikimit të këtyre librave do të mbetet të shihet se cilat libra do të mbesin të përdorura dhe ndoshta do të jetë ky një lehtësim i cili do t’iu bëhet çantave të fëmijëve dhe ne të zgjidhim këtë problem që është problem shqetësues për të gjitha instuticionet e në veçanti për prindërit të cilët janë duke u ngarkuar më tepër”, tha Afrim Llabjani.

Sipas standardeve të përcaktuar nga Organizata Botërore e Shëndetit, ngarkesa fizike tek fëmijët nuk guxon të kalojë 10 përqindëshin e peshës trupore të fëmijës.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

5 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

6 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.