Ferizaj

Rritet numri i pacientëve të prekur nga gripi në Ferizaj

Published

6 years ago

14 January, 2020

Edhe pse i përhapur në masë të madhe, numri i të prekurve nga gripi sezonal nuk është shqetësues për komunën e Ferizajt. Kështu thotë kryeshefi i Departamentit të Mjekësisë Familjare në Qendrën Kryesore të Mjekësisë Familjare në Ferizaj, Dr. Hesat Shatrolli, duke theksuar se shifra e rasteve të raportuara me grip sezonal për këtë dimër nuk e ka kaluar pragun e rrezikut.

“Deri tani është nën kontroll. Për muajin nëntor i kemi 173 raste, kurse në muajin dhjetor është rritur pak numri i rasteve, veç e ka kaluar numrin 100, 275 raste, një trend i rritjes është, por është brenda kufijve të kontrollës. Në Institutin Kombëtar të Shëndetit Publik Rajonal raportohen rastet me grip për çdo ditë dhe javë, atëherë deri më 10 janar kanë qenë si të dyshimta me grip 125 raste, pra kemi një trend të rritjes në krahasim me dy muajt e kaluar, të vitit të kaluar që presim të rritet sipas këtij trendi, nëse shkon deri në fund të janarit atëherë presim diku deri në 500 raste, por që është shifër relativisht jo shqetësuese për qytetarët e komunës sonë”, tha Dr. Hesat Shatrolli.

Ndërsa, përgjegjësja në Shërbimin e Vaksinimit në komunën e Ferizajt, Drita-Nazifi-Emini, tha se interesimi për marrjen e vaksinës kundër gripit sezonal ka qenë shumë i lartë.

“Nga 7 mijë e 700 doza, që është hera e parë që në komunën tonë është aq numër i madh i dhënies së vaksinave të gripit, nga vlerat e 4 mijë e 170 vaksina i kemi ndarë në punktet aty ku është e mundësuar dhënia e vaksinave dhe qendrat e mjekësisë familjare në komunën tonë dhe sa i përket numrit 3 mijë e 530 vaksina janë aplikuar në qendrën tonë të vaksinimit këtu në Ferizaj, tani mund të themi se jemi thuajse në dozat e fundit të dhënies së vaksinave, kjo ka qenë arsyeja që tri herë kemi bërë kërkesa të veçanta nga numri aktual që ka qenë 6 mijë e 500 për shkak se kemi pasur indikacione dhe kërkesa nga pacientë të tjerë dhe tani jemi në dozat e fundit të dhënies së vaksinave”, tha Drita Nazifi-Emini.

Sipas mjekëve disa nga simptomat e zakonshme të gripit sezonal janë: temperaturë e lartë, kollë, rrjedhje të hundëve, lodhje, dhembje koke, dhembje barku, dhembje fyti, dhembje në muskuj dhe vjellje.

Ferizaj

Humb jetën nxënësi 15 vjeçar në ambientet gjimnazit në Ferizaj

Published

14 hours ago

17 April, 2026

Redaksia

Një nxënës ka humbur jetën në ambientet shkollore të gjimnazit “Kuvendi i Arbërit” në Ferizaj.

Sipas policisë, viktima është rrëzuar pa ndjenja në sallën e edukatës fizike dhe me urgjencë është dërguar në Qendrën Emergjente në Ferizaj, ku pavarësisht trajtimit mjekësor, ka ndërruar jetë.

“Me datë 17.04.2026, rreth orës 15:15, është pranuar një informatë se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull (15 vjeç), në rrethana ende të panjohura, është rrëzuar pa ndjenja në sallën e edukatës fizike”, njoftoi zëdhënësi i Policisë për rajonin e Ferizajt, Kanun Veseli.

Në vendngjarje, rastin janë duke e trajtuar hetuesit e stacionit, ata rajonalë dhe krimteknikët ndërsa me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.

Ferizaj

Lëndohet një punëtor pasi bie nga një ndërtesë në Ferizaj

Published

15 hours ago

17 April, 2026

Redaksia

Një punëtor 46-vjeçar ka pësuar lëndime të rënda pasi ka rënë nga kati i dytë i një objekti, në rrugën “Uran Tinova” në Ferizaj.

Për shkak të lëndimeve të pësuara, punëtori fillimisht është dërguar për ndihmë mjekësore në Qendrën Emergjente në Ferizaj, e më pas në Qendrën Klinike Universitare të Kosovës (QKUK).

“Ju njoftojmë se sot, rreth orës 12:40, kemi pranuar një informatë se në rrugën “Uran Tinova” në Ferizaj , në një objekt në ndërtim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç.

Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë. Patrullat policore dhe njësitet e hetimeve kanë dalë në vendin e ngjarjes”, ka bërë të ditur zëdhënësi i Policisë për rajonin e Ferizajt, Kanun Veseli.

Ndryshe, brenda dy javëve të fundit ky është rasti i tretë i aksidenteve në punë për shkak të rënies nga lartësia në objekte ndërtimi në Ferizaj.

Ferizaj

Nisin hetimet për vdekjen e 48-vjeçarit në Shtime

Published

2 days ago

16 April, 2026

Redaksia

Policia e Kosovës ka njoftuar se ka nisur hetimet për vdekjen e një personi në vendin e punës në Shtime.

Rasti që ndodhi pasditen e djeshme në zonën industriale të Shtimes, po hetohet si shkelje e sigurisë në punë.

Viktima, Isuf Bislimi, ishte dërguar menjëherë në Emergjencën e Ferizajt, ku nga ekipi mjekësor ishte konstatuar vdekja e tij.

Siç bëhet e ditur në raportin 24 orësh “viktima mashkull kosovar, ishte dërguar në emergjencën e Ferizajt për trajtim mjekësor pasi që dyshohet se derisa ka qenë duke punuar, kishte pësuar lëndime të rënda trupore dhe nga mjeku është konstatuar vdekja e tij.”

Lidhur me këtë rast, i cili është duke u hetuar në dyshimin për “Asgjësim, dëmtim ose heqja e pajisjeve mbrojtëse dhe rrezikim i sigurisë në vendin e punës” një person është arrestuar dhe dërguar në mbajtje për 48 orë, thuhet mes tjerash në njoftimin e Policisë.