Ferizaj

150 biznese të Ferizajt me peticion kundërshtojnë kufizimin e punës me rregullore komunale

Published

6 years ago

21 February, 2020

Gjatë ditës së djeshme anëtarët e Komitetit për Politikë dhe Financa ia proceduan Kuvendit Komunal të Ferizajt rregulloren e cila ua cakton orarin dhe ditët e punës veprimtarive afariste që operojnë në Ferizaj.

Por, një ditë më parë në komunën e Ferizajt ishte dorëzuar një peticion nga 148 biznese të kësaj komune, të cilat janë shprehur kundër kësaj rregulloreje, mirëpo ky peticion nuk u prezantua fare në mbledhjen e KPF-së.

Kryesuesja e Kuvendit Komunal të Ferizajt Kristina Gashi-Bytyqi, thotë se ky peticion i erdhi asaj në zyrë tek pas mbledhjes.

“Është e vërtet që peticioni është dorëzuar më 19.02.2020, mirëpo tek ne në zyrë është pranuar dje pasi kemi përfunduar mbledhjen kështu që nuk e kemi pasur këtë peticion më herët dhe ne ende jemi duke e shqyrtuar bashkë me kryetarin se çka duhet të bëjmë në hapat në vazhdim sepse janë edhe disa kritere në bazë të rregullores së transparencës së komunës së Ferizajt, kështu që ne do ta bëjmë vlerësimin në bazë të kritereve dhe patjetër se jemi të obliguar nëse i plotëson kriteret edhe ta shqyrtojmë në Kuvend”, tha Gashi-Bytyqi.

Bytyqi, thotë se kjo rregullore ka ardhur si kërkesë e bizneseve dhe vet qytetarëve të Ferizajt, e cila, sipas saj, është në favor të tyre dhe më së shumti iu konvenon punëtorëve.

“Nëse i plotëson kriteret ky peticion në bazë të rregulllores për transparencë ne patjetër do ta kemi në Kuvend, ne jemi të interesuar që të merret një vendim i rëndësishëm në favor të qytetarëve dhe jo t’iu shkaktojmë dëme qytetarëve. Ne kemi menduar dhe sigurisht edhe kryetari dhe të tjerët që kanë punuar në atë rregullore janë bazuar në kërkesa të shumta të qyetarëve, sidomos të punëtorëve, por edhe të pronarëve të bizneseve ku është menduar se do të jetë në favor dhe jo në dëm të bizneseve, kështu që unë po mendoj se bashkërisht do të vendosim në seancë se a do të marrim vendim për këtë rregullore apo jo”, tha ajo.

Në anën tjetër, avokati Admir Salihu thotë se më e udhës do të ishte që komuna të inspektonte bizneset se a i respektojnë të drejtat e punëtorëve sesa t’ua ndaloj punën të dielën.

“Unë mendoj se propozimi i kryetarit apo edhe nëse deputetët e votojnë e kanë më lehtë të ndalojnë të dielën të punojnë në krejt Ferizajn sesa të merren në mënyrë specifike për t’i realizuar të drejtat e punëtorëve qysh i parasheh ligji, sepse punëtorit i takojnë dy ditë pushim në javë, është pak e rëndësishme për punëtorin a e ka të hënën, të martën, të shtunën apo të dielën, unë mendoj se komuna është dashur të merret me të drejtat e punëtorëve të shohin se a kanë punëtorët kontrata të punës, a respektohen ato kontrata të punës, a paguhen ditë ekstra për ditë pushimi e më pastaj të merren në mënyrë më specifike, unë mendoj se Kuvendi Komunal do të mund të votonte që çdo punëtori në komunën e Ferizajt t’i ketë dy ditë pushim dhe së bashku me biznesin të përcaktohet se kur mund t’i marrë ato të drejta, të hënën, të shtunën apo të dielën”, tha Salihu.

Rregullorja për caktimin e orarit dhe ditëve të pushimit për veprimtaritë afariste në Ferizaj, do të dalë për miratim në Kuvend të premtën e javës së ardhshme.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

5 hours ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 day ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

4 days ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.