Ferizaj

11 vjeçarja nga Ferizaj vdes pasi bie në bunar

Published

6 years ago

25 February, 2020

Ka ndërruar jetë një 11 vjeçare ferizajase pasi ka rënë në bunar në oborrin e shtëpisë së saj. Zëdhënësi i Policisë për rajonin e Ferizajt Agim Gashi, tha se pavarësisht intervenimeve emergjente në spitalin e Ferizajt dhe në Qendrën Klinike Universitare të Kosovës në Prishtinë, e mitura nuk ka mundur t’iu përballoj lëndimeve që kishte pësuar nga kjo rënie.

“Ditën e dielë më 23 shkurt të këtij viti rreth orës 14:00, policia është informuar se një fëmijë, femër afër 10-11 vjeçare, e lindur më 2009, në oborrin e shtëpisë së saj ka rënë në bunar. Menjëherë kanë intervenuar familjarët me ndihmën e fqinjëve, e kanë nxjerrur viktimën nga bunari, fillimisht e kanë dërguar në qendrën Emergjente në Ferizaj, i është dhënë ndihma e parë dhe është transportuar për në Klinikën Universitare në Prishtinë. Fatkeqësisht dje në orët e pasditës kemi marrë informata nga mjeku kujdestar se e ndjera nuk i ka përballuar plagët e marra dhe ka ndërruar jetë”, tha Agim Gashi.

Gashi, tha se me udhër të prokurorit trupi i pajetë është dërguar për obduksion në mjekësinë ligjore dhe policia është duke e hetuar rastin si hetim mbi vdekje.

Ferizaj

Arrestohen dy persona në Ferizaj për sulm dhe therje me thikë

Published

20 hours ago

24 June, 2026

Redaksia

Dy persona janë arrestuar nga policia në Ferizaj nën dyshimin se kanë sulmuar me thikë një burrë.

Sipas raportit 24 orësh të policisë, viktima ka pësuar lëndime dhe është dërguar për tretman mjekësor në QKUK në Prishtinë. Raportohet se ngjarja ka ndodhur në mesditën e së martës.

Të arrestuarit janë dërguar në mbajrje derisa rasti po hetohet si lëndim i lehtë trupor.

Ferizaj 23.06.2026 – 12:15.

“Janë arrestuar dy të dyshuar meshkuj kosovarë nën dyshimin se kanë sulmuar me thikë viktimën mashkull kosovar. Viktima ka pësuar lëndime dhe është dërguar për tretman mjekësor në QKUK. Me vendim të Prokurorit, të dyshuarit pas intervistimit janë dërguar në mbajtje”, thuhet në raport.

Ferizaj

Ferizajasi dorëzon në polici portofolin e gjetur me dokumente dhe 160 €

Published

6 days ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

7 days ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.